Wolof (volk)
| Wolof | |
|---|---|
 'n Jong Wolof-man in Gambië | |
| Totale bevolking: | ca. 6,2 miljoen |
| Belangrike bevolkings in: |  Senegal 5 689 710[1]
|
| Taal: | Wolof, Frans, Engels, Arabies |
| Geloofsoortuiging: | Islam (Soefisme) |
| Verwante etniese groepe: | Diola, Lebu en Serer |
Die Wolof is 'n etniese groep inheems aan Wes-Afrika wat Wolof as moedertaal praat. Hulle leef veral in die drie lande Senegal, Gambië en Mauritanië. In Senegal vorm hulle met sowat 39% die grootste etniese groep van dié land.[4] In Gambië vorm hulle sowat 15% van die bevolking, die tweede grootste etniese groep net na die Mandinka (40%).[5] In Mauritanië bevolk hulle veral die suidelike gebiede langs die Sénégalrivier.
Die Wolof is veral bekend vir die Middeleeuse Jolof-ryk (1350–1549), een van die Mali-ryk se opvolgerstate in die hedendaagse Senegal. Die Wolof was tydens die Franse koloniale tydperk in die koloniale administrasie geïntegreer en oorheers sedert die onafhanklikheid van Senegal die kultuur en ekonomie. Tydens die koloniale tydperk is die tradisionele Afrika-godsdiens merendeels deur die Islam vervang.
Verwysings
[wysig | wysig bron]- ↑ (en) "Senegal Population 2019". World Population Review. Besoek op 17 Junie 2019.
- ↑ (en) "2013 Population and Housing Census: Spatial Distribution" (PDF). Gambiese Statistiekkantoor. 30 April 2005. Geargiveer vanaf die oorspronklike (PDF) op 3 Januarie 2018. Besoek op 3 Januarie 2018.
- ↑ (en) "What Is The Ethnic Composition Of Mauritania?". World Atlas. 16 Augustus 2019. Besoek op 18 Junie 2021.
- ↑ (en) "Senegal". Central Intelligence Agency. Besoek op 28 April 2024.
- ↑ (en) "Gambia, The". Central Intelligence Agency. Besoek op 28 April 2024.
Eksterne skakels
[wysig | wysig bron]
Wikimedia Commons het meer media in die kategorie Wolof (volk).- (en) "Wolof". Encyclopædia Britannica. Besoek op 28 April 2024.
