Thomas de Maizière
Dr Karl Ernst Thomas de Maizière [də mɛˈzjɛʀ] (* 21. Jänner 1954 z Bonn) isch e dytsche Bolitiker (CDU). Vu Dezämber 2013 bis Merz 2018 isch er Bundesminischter vum Innere gsii.
Dervor isch er vu 1990 bis 1994 Staatssekretär im Kultusminischterium vu Mecklenburg-Vorpommern, un vu 1994 bis 1998 Laiter vu dr Staatschanzlei unter em Berndt Seite gsii. Derno isch er vu 1999 bis 2001 Schef vu dr Sächsische Staatschanzlei, vu 2001 bis 2002 Sächsische Staatsminischter vu dr Finanze, vu 2002 bis 2004 Sächsische Staatsminischter vu dr Juschtiz un vu 2004 bis 2005 Sächsische Staatsminischter vum Innere gsii. Vu 2005 bis 2009 isch er Bundesminischter fir bsunderi Ufgabe un Schef vum Bundeschanzleramt gsii. Vum 28. Oktober 2009 bis zum 3. Merz 2011 isch dr de Maizière Bundesminischter vum Innere im Kabinett Merkel II gsii. Derno isch er bis zue syre Ruggchehr in s Inneminischterium Bundesminischter vu dr Verdaidigung gsii.
Familie
[ändere | Quälltäxt bearbeite]
D Hugenottefamilie de Maizière, Landadel us dr Nechi vu Metz, isch im 17. Johrhundert uf Brandeburg gflichtet, wu ihre dr Kurfirscht Friedrich Wilhelm Zueflucht bote ghaa het. Dr Name laitet sich vum Härchumftsort vu dr Familie ab, dr Gmai Maizières bi Metz z Lothringe.[1]
Dr Thomas de Maizière isch dr Suhn vum Ulrich de Maizière (1912-2006), em ehmolige Generalinschspäkter vu dr Bundeswehr, un dr Chinschtleri Eva de Maizière geb. Werner (1915-2004). Är het drei elteri Gschwischter, d Schweschtere Barbara Pieper (* 1945; Feldenkraistherapeuti) un Cornelia von Isemann (* 1948, Senatsreti z Bremen) un dr Brueder Andreas (* 1950; Bankmanager). Är isch isch e Vetter vum CDU-Bolitiker Lothar de Maizière, em letschte Minischterbresidät vu dr DDR.
Dr de Maizière isch evangelisch un läbt mit syre Familie z Dresden-Blasewitz. Sy Frau Martina geb. Willeke isch Diplomsozialpädagogin un schafft as Personal Coach. Si hän zämme drei Chinder.
Uusbildig un Beruef
[ändere | Quälltäxt bearbeite]Noch em Abitur uf em Aloisiuskolleg 1972 z Bonn het dr de Maizière bis 1974 sy Wehrdienscht bim Panzergrenadierbataillon 342 z Koblenz abglaischtet un het derno Rächtswisseschaft z Münster un z Fryybeg studiert. Anne 1979 het er s erscht juristisch Staatsexame gmacht un 1982 s zwait. In syre Studiezyt het er sich im Ring Christlich-Demokratischer Studenten (RCDS) Münster engaschiert. Derni isch er Mitarbaiter vum Regierede Burgermaischter vu Berlin, Richard von Weizsäcker, wore un ab 1984 vum Eberhard Diepgen.
Anne 1986 het er an dr Westfälische Wilhelms-Universitet Münster promoviert zum Dr. jur. mit dr Arbet Die Praxis der informellen Verfahren beim Bundeskartellamt – Darstellung und rechtliche Würdigung eines verborgenen Vorgehens.[2] Vu 1985 bis 1989 isch dr de Maizière Laiter vum Grundsatzreferat vu dr Senatskanzlei vum Land Berlin un Prässesprächer vu dr CDU-Fraktion im Berliner Abgordnetehuus gsii. 1989 het dr de Maizière s Young-Leader-Program vum American Council on Germany absolviert, e Partnerprojäkt vu dr dytsche Dänkfabrik „Atlantik-Brücke“ un vum American Council on Germany fir jungi bolitischi un wirtschaftligi Fierigschreft.[3] 1990 het er am Ufböu vum Amt vum Minischterbresidänt vu dr Dytsche Demokratische Republik (DDR) mitgschafft un het au dr Verhandligsdelegation fir dr dytsch-dytsche Ainigungsverdrag aaghert.
Är isch syt 2003 Mitglid im Bresidium vum Dytsche Evangelische Chilchedag. Derzue isch er Offizier vu dr Reserve; sy Dienschtgrad isch Oberleutnant d. R.gsii zum Zytpunkt vu syre Beruefig in s Amt vum Verdaidigungsminischter[4]
Syt Oktober 2010 isch dr de Maizière Honorarprofessor fir Staatsrächt an dr Juristische Fakultet vu dr Tächnische Universitet Dresden.[5]
Bartei
[ändere | Quälltäxt bearbeite]Är isch anne 1971 as Schueler Mitglid vu dr CDU wore.
Dr de Maizière het anne 1990 sym Kusäng Lothar de Maizière, em erschte frei gwehlte Minischterbresidänt vu dr DDR, no dr Volkschammerewahl empfohle gha, d Angela Merkel as Prässemitarbaiteri in sy Team ufznee,[6] wu är derno au as Beroter dry ufgnuu woren isch.
Abgordnete
[ändere | Quälltäxt bearbeite]Dr de Maizière isch vu 2004 bis zue syre Beruefig zum Schef vum Bundeschanzleramt Mitglid vum Sächsische Landdag gsii. Im Wahlchrais 51 (Bautzen I) isch er mit 47,9 % vu dr Stimme diräkt gwehlte Landdagsabgordnete gsii. Dr de Maizière isch uf Blatz Ais vu dr Landeslischt Sachsen fir d Bundesdagswahl 2009 aadrätte un isch mit 45,2 % vu dr Stimme im Bundesdagswahlchrais 156 (Meißen) as Diräktkandidat gwehlt wore. 2013 het er s s Diräktmandat mit 53,6 % vu dr Erschtstimme un 2017 grad no mit 34,1 %.
Effetligi Ämter
[ändere | Quälltäxt bearbeite]
Im Novämber 1990 isch dr de Maizière zum Staatssekreter im Kultusminischterium vum Land Mecklenburg-Vorpommern ernännt wore. Derno isch ab Dezember 1994 Schef vu dr Staatschanzlei vum Land Mecklenburg-Vorpommern unter em Minischterbresidänt Berndt Seite gsii. Wu d CDU no dr Landdagswahl 1998 us dr Regierig uusgschiden isch, sich dr de Maizière in dr vorlaifig pensioniert wore.
Am 26. Oktober 1999 het er derno d Laitig vu dr Sächsische Staatschanzlei in dr vum Minischterbresidänt Kurt Biedenkopf gfierte Sächsische Staatsregierig ibernuu. Am 30. Jänner 2001 isch er no dr Entlossig vum Georg Milbradt zum Sächsische Staatsminischer vu dr Finanze ernännt wore. Wu dr Milbradt zum Noofolger vum Kurt Biedenkopf im Amt vum Minischterbresidänt gwehlt woren isch, het dr de Maizière am 2. Mai 2002 d Laitig vum Sächsische Staatsminischterium vu dr Justiz ibernuu. No dr Landdagswahl 2004 isch er am 11. Novämber 2004 zum Sächsische Staatsminischter vum Inneren ernännt wore.
No dr Bundesdagswahl 2005 isch dr de Maizière am 22. Novämber 2005 as Bundesminischter fir bsunderi Ufgabe un Schef vum Bundeschanzleramt in di vu dr Bundeschanzleri Angela Merkel gfiert Bundesregierig beruefe wore. In däre Funktion isch dr de Maizière au dr Beufdrait fir d Noorichtedienscht gsii.
No dr Bundesdagswahl 2009 isch er Bundesminischter vum Inerre Kabinett Merkel II wore. Am 3. Merz 2011 isch dr Thomas de Maizière as Amtsnoofolger vum zruckdrätte Karl-Theodor zu Guttenberg zum Bundesverdaidigungsminischter ernännt wore.
Am 17. Dezämber 2013 isch er im Kabinett Merkel III wider zum Bundesinneminischter ernännt wore.
Literatur
[ändere | Quälltäxt bearbeite]- Ralf Schönfeld: Bundeskanzleramtschefs im vereinten Deutschland. Friedrich Bohl, Frank-Walter Steinmeier und Thomas de Maizière im Vergleich. Ibidem-Verlag, Stuttgart 2011, ISBN 978-3-8382-0116-0.
- Thomas de Maizière, Stefan Braun: Damit der Staat den Menschen dient. Über Macht und Regieren. Siedler Verlag, München 2013, ISBN 978-3-8275-0022-9.
Fueßnote
[ändere | Quälltäxt bearbeite]- ↑ Hans Peter Schütz: Korruptionsaffäre: De Maizière und die „Erkenntnisdichte“. In: stern.de. 12. Juni 2007, abgruefen am 2. März 2011 (Porträt).
- ↑ Permalink Deutsche Nationalbibliothek,
Permalink Österreichischer Bibliothekenverbund. - ↑ Alumni vum American Council on Germany: Thomas de Maizière (1989)
- ↑ Thomas de Maizière wird neuer Verteidigungsminister. In: www.reservistenverband.de. 2. März 2011, archiviert vom Original am 16. Januar 2014; abgruefen am 5. März 2011.
- ↑ Kim-Astrid Magister: Presseeinladung: Bundesminister Thomas de Maizière wird Honorarprofessor der Juristischen Fakultät der TU Dresden. Pressemitteilung. Informationsdienst Wissenschaft, 15. Oktober 2010, abgruefen am 18. März 2011.
- ↑ Das ist Deutschlands neuer Innenminister. Bild.de. 24. Oktober 2009. Abgrüeft am 19. Juni 2012.
Weblinks
[ändere | Quälltäxt bearbeite]
Commons: Thomas de Maizière – Sammlig vo Multimediadateie- Persenligi Homepage
- Biographie beim Deutschen Bundestag
- Thomas de Maizière uf dr Syte vum Bundesminischterium vu dr Verdaidigung (BMVg.de)
- Läbeslauf uf dr Syte vu dr Bundesregierig
- Thomas de Maizière uf abgeordnetenwatch.de
|
Dä Artikel basiert uff ere fräie Übersetzig vu dere Version vum Artikel „Thomas_de_Maizière“ vu de dütsche Wikipedia. E Liste vu de Autore un Versione isch do z finde. |