Apóstrofu

L'apóstrofu (’) ye un signu de puntuación que s'utiliza n'asturianu y otres llingües pa indicar la elisión d'un soníu na fala. N'otres llingües, esti signu ye una lletra qu'indica una consonante oclusiva glotal [ʔ].

En tipografía bien cuidada, la forma del apóstrofu nun ye recta como la del signu matemáticu prima, el de los minutos y segundos d'arcu (′).

En sistemes informáticos qu'utilicen Unicode, esti símbolu alcuéntrase como U+2019 (como puntuación) o U+02BC (como lletra).