Kiçik qarağac

Kiçik qarağac
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Qarağackimilər Cins: Qarağac Növ: Kiçik qarağac
Beynəlxalq elmi adı
Ulmus minor Mill., 1768
Şəkil axtarışı ITIS   19054 NCBI   262084

Kiçik qarağac (lat. Ulmus minor) — bitkilər aləminin gülçiçəklilər dəstəsinin qarağackimilər fəsiləsinin qarağac cinsinə aid bitki növü.

Arealı

Qərbi Avropa, Kiçik Asiya, İranın şimalı, Rusiya, Qafqaz, Ukraynada bitir.

Botaniki təsviri

Hündürlüyü 30 m, diametri 1,5 m olan, yarpağı tökülən ağacdır. Yarpaqları dişli, uzunsov, əks-yumurtavaridir. Narıncı – qırmızı, balverici çiçəkləri çiçək yanlığı ilə dəstələrə yığılmışdır. Mart-apreldə, yarpaqlar açılanadək çiçəkləyir. Meyvələri may-iyunda yetişir. Toxumlarda, kök zoğları, kötük zoğları ilə çoxalır.

Ekologiyası

Qarışıq və enliyarpaqlı meşələrdə, çay vadilərində rast gəlinir. Dağlarda 1500 m-dək hündürlüyə qalxır. İşıqsevən, quraqlığa davamlı, şaxtaya davamsız bitkidir.

Azərbaycanda yayılması

Böyük Qafqazda təbii halda yayılmışdır.

İstifadəsi

Bu növün oduncağı maşınqayırmada, dülgər işində və s. istifadə edilir. Meşələrdə çöl qoruyucu, eroziyaya qarşı, yaşıllaşdırmada, canlı hasarlarda istifadə etmək üçün yararlıdır.

Sinonimləri

Homotipik sinonimləri

• Ulmus campestris var. minor (Mill.) St.-Lag.
• Ulmus campestris minor (Mill.) Asch. & Graebn.
• Ulmus glabra f. minor (Mill.) C.K.Schneid.
• Ulmus vulgaris proles minor (Mill.) Rouy

Yarımnövləri

• Ulmus minor subsp. canescens Bartolucci & Galasso
• Ulmus minor subsp. minor