Pink Floyd

Pink Floyd
Əsas məlumatlar
Üslub	proqressiv rok,psixodelik rok,art rok
Fəaliyyət illəri	1965-1996, 2005, 2012-2014
Ölkə	{{ {{{1}}} | alias = Böyük Britaniya | flag alias = Flag of the United Kingdom.svg | flag alias-1707 = Union flag 1606 (Kings Colors).svg | flag alias-1658 = Flag of the Commonwealth (1658-1660).svg | flag alias-1651 = Flag of The Commonwealth.svg | flag alias-1649 = Flag of the Commonwealth (1649-1651).svg | flag alias-1606 = Union flag 1606 (Kings Colors).svg | flag alias-HDQ = Naval Ensign of the United Kingdom.svg | flag alias-ticarət = Civil Ensign of the United Kingdom.svg | flag alias-HHQ = Air Force Ensign of the United Kingdom.svg | flag alias-diplomatik = Government Ensign of the United Kingdom.svg | flag alias-ordu = Flag of the British Army.svg | variant = | altlink = | miqyas = }}
Şəhər	London
Dil	ingilis dili
Leybl	Harvest, Capitol, Columbia
Keçmiş üzvlər	Sid Barrett Bob Klouz Devid Gilmor Nik Meyson Rocer Uoters Riçard Rayt
pinkfloyd.com
Vikianbarda əlaqəli mediafayllar

Pink Floyd 1965-ci ildə gitara və vokalda Sid Barrett, bateridə Nick Mason, basda və vokalda Roger Waters, elektronik piano və vokalda Riçard Rayt adlı universitet tələbələri tərəfindən yaradılmışdır. 1960-ların sonunda Londonun yeraltı musiqi dünyasında verdikləri konsertlərlə məşhurluq qazandılar və Barrett-in liderliyi ilə iki ədəd top listlərə girən single və müvəffəqiyyətli bir albom olan The Piper at the Gates of Dawn-ı yayınladılar. Gitarist və vokalist Devid Gilmor 1967-ci ilin dekabrında qrupa qatıldı. Psixoloji olaraq problemlər yaşayan Barrett, vəziyyətinin pisləşməsi ilə 1968-ci ilin aprelində qrupdan ayrıldı. Waters qrupun mahnı yazarı və lideri oldu, The Dark Side of the Moon(1973), Wish You Were Here(1975),Animals(1977),The Wall(1979) və The Final Cut(1983) kimi konsept albomlara öz imzasını atdı. The Dark Side of the Moon və The Wall bütün zamanların ən çox satan albomlarından oldu. Qrupun simvolu halına gəlmiş The Dark Side of the Moon, bütün zamanların ən çox zirvədə qalmış albomu olaraq Billboard 200 listində 741 həftə qalmışdır.

Yaşanan bir sıra mübahisələrin ardından Wright, 1979-cu ildə qrupu tərk etdi. Bunun ardınca 1985-ci ildə Waters də qrupdan ayrıldı. Gilmour və Mason Pink Floyd olaraq musiqi həyatlarına davam etdilər, Wright isə öncə studiya musiqiçisi olaraq, sonra isə qrup üzvü kimi təkrar qrupa qayıtdı. Üçlü iki albom daha yayınladı - A Momentary Lapse of Reason(1987) və The Division Bell(1994). Qrup 1994-cü ilə kimi bu üçlü ilə konsertlər verdi. Demək olar ki, 20 illik bir incikliyin ardından, Gilmour,Wright və Mason, bir xeyriyyə konserti olan Live 8 üçün 2005-ci ildə Waters-lə yenidən bir araya gəldi və Pink Floyd olaraq konsert verdi. Gilmour və Waters daha sonra qrupu yenidən diriltmək planlarının olmadığını açıqladı. Barrett 2006-cı ildə, Wright isə 2008-ci ildə vəfat etdi. Çox hissəsi yayımlanmamış mahnılardan ibarət The Endless River Waters olmadan hazırlandı və 2014-cü ildə təqdim edildi. Pink Floyd, 1996-cı ildə ABŞ- da Rock and Roll Hall of Fame-ə, 2005-ci ildə isə UK Music Hall of Fame-ə daxil edildi.

Tarixi

1963-67

Quruluş

Qrup 1965-ci ildə Roger Waters və Nick Mason tərəfindən "Sigma 6" adı altında quruldu.Bir il sonra Rick Wright da qrupa qatıldı. T-Set, Meggadeaths və Abdabs kimi adlardan istifadə edən qrup, tərzlərini rhytms and blues olaraq göstərirdi. Qrup "Regent Street" Politexnik universitetində memarlıq oxuyan tələbələrdən ibarət idi.Qrupun ilk heyəti məhz belə idi: Roger Waters - lead gitara, Richard Wright - ritm gitara, Nick Mason - bateri,Clive Metcalf - bas, Keith Nable və Juliette Gale - solistlər. Bir müddət sonra qrup dağıldı və Roger Waters, Nick Mason və Rick Wright ətrafında yenidən quruldu. Roger Waters köhnə məktəb yoldaşı Syd Barrett-i də qrupa əlavə etdi. Qrupa əfsanəvi caz gitaristi Bob Close da qatıldı, amma sonradan qrupun blues tərzindən uzaqlaşması səbəbilə qrupu tərk etdi.

Qrupa ad axtarılarkən Syd Barrett-in ağlına iki caz gitaristi olan Pink Anderson və Floyd Council-in adlarından əmələ gələn Pink Floyd sözü gəldi. Bununla qrupun adı Pink Floyd olaraq dəqiqləşdirildi. Bu səbəbdən qrupun qurucusu olaraq görülən şəxs də Syd Barrett oldu.

Qrupun ilk çıxışı 1965-ci ilin sonunda Londonda - Palace Gate-də Countdown Club-da baş tutdu. Böyük izləyici kütləsi önündə ilk çıxışları 1966-cı ildə İnternational Times adlı jurnalın açılış partisində oldu. Bu parti Pink Floyd-un mətbuatda yer alması üçün böyük fürsət idi.

The Piper at the Gates of Dawn

Qrupun yaranmasından sonrakı ilk səsyazmaları və çalışmaları psixodelik rok tərzindən olduqca uzaq idi. Və qrup o vaxtlar ciddi şəkildə dinlənən və də bəyənilən caz musiqisini təməlləri olaraq götürdü və musiqilərindəki bateri və gitara təməllərini caz akkordları üzərində quraraq müvəffəqiyyət əldə etdi. Daha sonra qrup özünü inkişaf etdirərək öz musiqilərini yaratdı. Bunun adı nə caz, nə də psixodelik rok idi. Bu digər musiqi növlərindən fərqliliyi ilə seçilirdi. Bu bir Pink Floyd gerçəkliyi idi. O zamanlar bütün dünya Pink Floyd-dan danışırdı. Musiqi tənqidçiləri belə nə rəy bildirəcəklərini bilmirdilər.

Qrup psixodelik rok tərzindən və vizual effektlərdən müvəffəqiyyətlə istifadə etdikləri konsertləri ilə yeraltı Londonun ən önəmli qruplarından biri halına gəlmişdi. 1966-cı ildə daha heç bir firma ilə anlaşmamışkən jurnalist Peter Whitehead-in çəkdiyi "Tonite Let's All Make Love in London" sənədli filmində musiqiləri ilə özlərinə yer tapdılar.

1966-cı ildə ilk dəfə bir musiqi şirkəti ilə anlaşdılar. 1967-ci ildə Arnold Layne single-ı ilə musiqi dünyasına girdilər. Mahnı siyahılarda 6-cı olmuş və qrupu məşhur proqram ""Top of the Pops""-a çıxartmışdı. İlk albomları olan The Piper at the Gates of Dawn, bir mahnı istisna olmaqla hamısı Barrett imzalı idi. Albom İngiltərədə böyük müvəffəqiyyət qazandı. Amerikada albom çox yaxşı sarılmasa da, qrup Jimi Hendrix-lə (Cimi Hendriks) bərabər turneyə qatılaraq özlərini tanıtdı.

1967-78 : Dəyişikliklər və beynəlxalq müvəffəqiyyətlər

Syd Barrett-in ayrılması

Üstün bir sound-a malik albomlarından sonra Barrett-in psixoloji vəziyyəti getdikcə pisləşməyə başladı. Studiyalara gəlməyən, konsertlərdə yaxşı performans göstərə bilməyən Barrett-in yanına,1967-ci ilin dekabrında qrup üzvlərinin dostu olan David Gilmour gətirildi. Syd Barrett-in dostu olan Gilmour 1960-cı illərin əvvəllərində onunla 'Cambridge Tech'- də birlikdə oxumuşdu. Məktəb illərində boş vaxtlarında gitara çalan ikili, daha sonra avtostopla Fransanın cənubuna səyahət etmişdilər. 1965-ci ildə Joker's Wild-ın üzvü olan Gilmour, o vaxtlar 'the Set The' olaraq çalan qrupu izləmişdi. Steve O'Rourke Gilmour ilə görüşdü və gitaristə həftədə 30 poundluq bir ödəniş etməyə hazır olduqlarını bildirdi. 1968-ci ilin yanvarında Gilmour qrupun ikinci gitaristi və beşinci üzvü kimi tanıtıldı. Qrup, Barrett ilə sadəcə mahnı yaxınında işləməyi planlaşdırırdı. Gilmour-un gəlməsi Barrett-ə təsir etdi və mahnıların yazılmasında kömək etməməyə başladı. Yanvar, 1968-ci ildə çəkilən şəkillərdə, fotosessiyalarda Barrett-in qrupun digər 4 üzvündən kənarda dayanması diqqətdən yayınmadı.

Barrett ilə işbirliyi getdikcə çətinləşərkən, yanvar ayında konsert üçün Southgampton da olan qrup üzvlərindən biri qalan üzvlərdən Barrett-in götürülüb götürülməyəcəyini soruşdu. Sonunda onu narahat etməməyə qərar verib, konsertə Barrett olmadan qatıldılar. Bu qrupdakı ayrılığın ən böyük siqnalı oldu. 1968-ci ilin martında Pink Floyd, səhmdarları Jenner və King ilə qrupun gələcəyi ilə bağlı bir sıra müzakirələr apardı və müzakirələrin sonunda Barrett qrupdan ayrılmağı qəbul etdi.

Jenner və King, Barrett-in qrupun arxasındakı beyin olduğuna inanırdılar və bu səbəbdən qrupla əlaqələrini kəsərək yollarına Barrett-la davam etmək qərarına gəldilər. Morrison səhmlərini Nems Enterprises-ə satdı və qrupun yeni meneceri O'Rourke oldu. Barrett-in ayrılışı 6 aprel 1968-ci ildə açıqlandı. Barrett-in ayrılması ilə mahnı yazılması, ümumilikdə yaradıcılıq müddəti əsasən Waters tərəfindən idarə olundu. Bundan sonra konsertlərdə Barrett-in mahnıları yerinə Waters və Wright tərəfindən yazılan İt Would Be So Nice və Careful With That Axe,Eugene kimi mahnılara üstünlük verdilər.

Diskoqrafiya

• The Piper at the Gates of Dawn (1967)
• A Saucerful of Secrets (1968)
• Music from the Film More (1969)
• Ummagumma (1969)
• Atom Heart Mother (1970)
• Meddle (1971)
• Obscured by Clouds (1972)
• The Dark Side of the Moon (1973)
• Wish You Were Here (1975)
• Animals (1977)
• The Wall (1979)
• The Final Cut (1983)
• A Momentary Lapse of Reason (1987)
• Delicate Sound of Thunder (1988)
• The Division Bell (1994)
• P*U*L*S*E (1995)
• Is There Anybody Out There? The Wall Live 1980-81 (2000)

Həmçinin bax

• Eloy