Rəfiyə Sultan (Sultan Əbdülməcidin qızı)

Rəfiyə Sultan
رفه سلطان
Şəxsi məlumatlar
Doğum tarixi	7 fevral 1842
Doğum yeri	İstanbul, Osmanlı imperiyası
Vəfat tarixi	4 yanvar 1880 (37 yaşında)
Vəfat yeri	İstanbul, Osmanlı imperiyası
Dəfn yeri	Yeni Məscid
Atası	I Əbdülməcid
Anası	Gülcamal Qadınəfəndi
Həyat yoldaşı	Əthəm Mahmud Paşa
Ailəsi	Osmanlı xanədanı

Rəfiyə Sultan (d. 7 fevral 1842 — ö. 4 yanvar 1880) — 31. Osmanlı padşahı Əbdülməcidin qızıdır.

Həyatı

Rəfiyə Sultan 1842-ci ildə Beşiktaşdakı sarayda dünyaya gəlmişdir. Atası Sultan Əbdülməcid, anası isə Gülcamal xanımdır. 1851-ci ildə anasının vəfatının ardından atasının digər xanımı Sərvətsəza xanımın himayəsinə verildi. Sarayda mükəmməl təhsil aldı. Kamança və piano dərsləri ilə yanaşı, ərəb və fransız dilləri üzrə də dərslər aldı. 1854-cü ildə Rəfiyə Sultan bibisi Adilə Sultanın ögey oğlu Əthəm Mahmud Paşa ilə nişanlandı. Toy mərasimi isə 21 iyul 1857-ci ildə Topqapı sarayında baş tutdu və cütlüyə Üsküdarda bir saray təsis edildi.

Ancaq Rəfiyə Sultanın yumurtalıqlarında şiş var idi və bir neçə dəfə əməliyyat olunmuşdu. Bu əməliyyatların birində 1880-ci ildə vəfat etdi və Yeni məsciddə dəfn olundu.

Mənbə

• Necdet Sakaoğlu, Bu Mülkün Kadın Sultanları, 4. baskı, s. 447–50