Riad Əhmədov

Vikipediya, azad ensiklopediya
Naviqasiyaya keç Axtarışa keç
Riad Əhmədov
Riad Fikrət oğlu Əhmədov
Şəxsi məlumatlar
Doğum tarixi 20 dekabr 1956(1956-12-20)
Doğum yeri
Vəfat tarixi 26 yanvar 1992(1992-01-26) (35 yaşında)
Vəfat yeri
Dəfn yeri
Dəfn tarixi 30 sentyabr 2023
Vətəndaşlığı
Həyat yoldaşı Elmira Mahmudova
Atası Fikrət Əhmədov
Təhsili
Hərbi fəaliyyəti
Mənsubiyyəti Azərbaycan Azərbaycan Ordusu
Rütbəsi Polkovnik-leytenant
Döyüşlər
Təltifləri "Qızıl Ulduz" medalı — 1992
"SSRİ Silahlı Qüvvələrinin 70 illiyi" yubiley medalı "Qüsursuz xidmətə görə" 2-ci dərəcəli medalı (SSRİ)

Riad Əhmədov (20 dekabr 1956, Bakı – 26 yanvar 1992, Daşaltı, Şuşa rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

[redaktə | mənbəni redaktə et]

Riad Əhmədov 1956-cı il dekabr ayının 20-də Bakıda anadan olub. Riadın ata babası Həmid Əhmədov Qərbi Azərbaycanda anadan olub.

Riad Əhmədov 1979-cu ildə Azərbaycan Dövlət Universitetinin hüquq fakültəsini fərqlənmə diplomu ilə bitirmişdir.

1976–1979-cu illərdə Azərbaycan SSR Ədliyyə Nazirliyi yanında Məhkəmə Ekspertizası institutunda laborant işləyib. 1979–1980-ci illərdə həmin nazirliyin Qanun Layihələrinin Hazırlanması və Qanunvericiliyin Sistemləşdirilməsi idarəsində məsləhətçi, 1980–1981-ci illərdə isə Ədliyyə Nazirliyinin kadrlar şöbəsində baş məsləhətçi vəzifələrində çalışıb. 1981-ci ildə təhlükəsizlik orqanlarında fəaliyyətə başlayan Riad Əhmədov, 1981–1982-ci illərdə DTK-nın Minskdəki Ali Məktəbində təhsil alıb. 1984-cü ildə isə DTK-nın Y. V. Andropov adına institutu nəzdindəki kurslarda dinləyici olub.[1]

1992-ci ildə Azərbaycan Respublikası Müdafiə Nazirliyi Kəşfiyyat İdarəsinin rəis müavini vəzifəsinə irəli çəkilmişdir. Riad Əhmədovun başçılıq etdiyi xüsusi kəşfiyyat dəstəsi Qarabağ uğrunda gedən döyüşlərdə düşmənin xeyli canlı qüvvəsini və hərbi texnikasını məhv etmişdir.[2]

İtkin düşməsi

[redaktə | mənbəni redaktə et]

Riad Əhmədov 1992-ci il yanvar ayının 26-da rəhbərlik etdiyi kəşfiyyat qrupu ilə Daşaltı kəndindəki döyüşdə yaralanaraq itkin düşür. Uzun illər yeri müəyyən olunmamışdı. 18 sentyabr 2023-cü ildə Bakıda keçirilən "İtkin düşmüş şəxslərin taleyinə aydınlıq gətirmək üçün milli və qlobal səylərin artırılması" üzrə beynəlxalq konfransda Riad Əhmədov və digər itkin azərbaycanlıların nəşlərinin tapıldığını və müəyyən edildiyi açıqlanmışdır.[3][4]

30 sentyabr 2023-cü ildə Riad Əhmədovla Dövlət Təhlükəsizliyi Xidmətinin Mədəniyyət Mərkəzində vida mərasimi təşkil olunmuşdur. Daha sonra İkinci Fəxri Xiyabanda dəfn edilmişdir.[5]

Ailəsi

[redaktə | mənbəni redaktə et]

Riadın ata babası Həmid Əhmədov Qərbi Azərbaycanda anadan olub.

Riad Əhmədov Azərbaycan SSR Nazirlər Soveti sədrinin müavini vəzifəsində çalışmış Fikrət Əhmədovun oğludur.[6] Bacısı bəstəkar, Azərbaycan Respublikasının əməkdar incəsənət xadimi Mehriban Əhmədovadır. Riad Əhmədovun həyat yoldaşı Elmira xanım isə Azərbaycan Respublikasının sabiq milli təhlükəsizlik naziri Eldar Mahmudovun bacısıdır.[7][8]

Təltif və mükafatları

[redaktə | mənbəni redaktə et]

Azərbaycan Respublikası Prezidentinin 7 iyun 1992-ci il tarixli 833 saylı fərmanı ilə Polkovnik-leytenant Riad Fikrət oğlu Əhmədov ölümündən sonra "Azərbaycanın Milli Qəhrəmanı" adına layiq görülmüşdür.[9]

Xatirəsi

[redaktə | mənbəni redaktə et]

Bakı şəhərindəki 203 nömrəli tam orta məktəb onun adını daşıyır.[10]

Filmlər

[redaktə | mənbəni redaktə et]

Azərbaycanın Milli Qəhrəmanı Riad Əhmədovun şərəfli döyüş yolunu əks etdirən "İgidnamə" sənədli filmi çəkilmişdir.[11]

2013-cü ildə xatirəsinə həsr olunmuş Milli Təhlükəsizlik Nazirliyinin Mədəniyyət Mərkəzində keçirilən tədbirin sonunda "Qayıt, Riad" bədii-sənədli filmi nümayiş olunmuşdur.[12]

Ədəbiyyat

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ Milli Qəhrəman Riad Əhmədov kim idi?
  2. ↑ "Yaralı halda sona qədər döyüşən Milli Qəhrəman – Riad Əhmədov..." 2022-12-21 tarixində arxivləşdirilib. İstifadə tarixi: 2023-09-21.
  3. ↑ "31 ildən sonra nəşi tapılan Milli Qəhrəman…". 2023-09-18 tarixində arxivləşdirilib. İstifadə tarixi: 2023-09-18.
  4. ↑ APA TV. "Məşhur Milli Qəhrəmanımızın nəşinin qalıqları tapıldı" (az.). Youtube.com. 18.09.2023. İstifadə tarixi: 2023-09-18.
  5. ↑ "Milli Qəhrəman Riad Əhmədov dəfn edilib". 2023-10-05 tarixində arxivləşdirilib. İstifadə tarixi: 2023-09-30.
  6. ↑ "Vəzifəli şəxsin Qarabağda həlak olan övladı — "Daşaltı" tarixçəsi". azvision.az. 26 yanvar 2014. 2022-11-22 tarixində arxivləşdirilib. İstifadə tarixi: 2022-11-22.
  7. ↑ Eldar Mahmudovun ailəsi ilə bağlı maraqlı fakt // aznews.az. — 2016. — 9 mart. 2022-07-09 tarixində arxivləşdirilib. İstifadə tarixi: 2022-11-22.
  8. ↑ "Eldar Mahmudovla dost olmuşam" — Çingiz Əsədullayev Arxivləşdirilib 2016-04-15 at the Wayback Machine. qafqazinfo.az, 18 noyabr 2015  (az.)
  9. ↑ "Azərbaycan Respublikası Müdafiə Nazirliyinin hərbi qulluqçularına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri İsa Qəmbərovun 7 iyun 1992-ci il tarixli 833 nömrəli fərmanı". www.e-qanun.az (Normativ hüquqi aktların vahid internet elektron bazası) ( (az.)). 07.06.1992. 2017-03-12 tarixində arxivləşdirilib. İstifadə tarixi: 07.06.1992.
  10. ↑ "Azərbaycanın Milli Qəhrəmanı Riad Fikrət oğlu Əhmədovun xatirəsinin əbədiləşdirilməsi barədə Azərbaycan Respublikasının Nazirlər Kabinetinin qərarı". 2023-09-18 tarixində arxivləşdirilib. İstifadə tarixi: 2023-09-18.
  11. ↑ "MTN əməkdaşları Sumqayıta gəldi". 2016-03-05 tarixində orijinalından arxivləşdirilib. İstifadə tarixi: 2013-03-11.
  12. ↑ Azərbaycanın Milli Qəhrəmanı Riad Əhmədovun xatirəsi böyük ehtiramla anılmışdır: [Milli Təhlükəsizlik Nazirliyinin Mədəniyyət Mərkəzində keçirilən tədbirin sonunda "Qayıt Riad2 bədii-sənədli filmi nümayiş olunmuşdur] //Azərbaycan.- 2013.- 21 dekabr.- S. 7.
Mənbə — "https://az.wikipedia.org/w/index.php?title=Riad_Əhmədov&oldid=7674379"