Wordle
| Wordle | |
|---|---|
 | |
 Wordle oyununda müvəffəqiyyətlə tapılmış tapmaca | |
| Hazırlayan | Coş Uordl |
| Yayımlayanlar | The New York Times |
| Buraxılış tarixi | oktyabr, 2021 |
| Texniki məlumat | |
| Platforma | Veb |
| Oyun rejimi | birnəfərli oyun |
| İnterfeysin dili | ingilis dili |
| Daşıyıcı | veb-səhifə |
| İdarəetmə | kompüter klaviaturası, kompüter siçanı |
| Rəsmi saytı | |
 Vikianbarda əlaqəli mediafayllar | |
Xəbərdarlıq: "Wordle" başlığı əvvəlki "<i>Wordle</i>" başlığını əvəz edir.
Wordle, əvvəllər Reddit üçün Place və The Button sosial təcrübələrini yaradan proqramçı Coş Uordl tərəfindən hazırlanmış veb əsaslı söz oyunudur. Beş hərfli sözü oyunçular altı cəhddə təxmin etməyə çalışırlar; Hər bir təxminə rəngli qutular şəklində rəy verilir və oyunçulara cavab sözündə hansı hərflərin düzgün və hansının digər mövqelərdə olduğu bildirilir. Bu cür oyun mexanikası Mastermind kimi oyunlara bənzəyir, lakin Wordle hər bir təxmində hansı hərflərin düzgün olduğunu dəqiq müəyyənləşdirir. Hər gün və hər kəs üçün eyni olan xüsusi bir cavab sözü var.
Uordl oyunu əvvəlcə yalnız özü və sevgilisi üçün hazırlamışdı. Oyun, 2021-ci ilin oktyabrında ictimaiyyətə təqdim edilmişdir. Uordl oyuna gündəlik nəticələri Twitter -də geniş şəkildə paylaşılan emoji kvadratları kimi kopyalamaq imkanı əlavə etdikdən sonra oyun 2021-ci ilin dekabrında kütləvi populyarlıq qazandı. Oyunun ingilis dilindən başqa dillərdə çoxlu nüsxələri, uyğunlaşdırmaları və versiyaları da yaradılmışdır. Oyun 2022-ci ilin yanvarında açıqlanmayan yeddi rəqəmli məbləğə The New York Times şirkəti tərəfindən alınıb və əvvəlcə bütün oyunçular üçün pulsuz saxlanması planlaşdırılıb.
Oyun gedişatı
[redaktə | mənbəni redaktə et]Hər gün oyunçuların altı cəhddə təxmin edəcəyi beş hərfdən ibarət bir söz seçilir. Hər təxmindən sonra hər bir hərf yaşıl, sarı və ya boz rəngdə qeyd olunur: Yaşıl rəngli qutu hərfin düzgün mövqedə olduğu göstərir; sarı rəngli qutu hərfin cavabda olduğunu, lakin düzgün mövqedə olmadığını bildirir; boz rəngli qutu həmin hərfin cavabda olmadığını göstərir.
Uyğunlaşdırmalar və nüsxələr
[redaktə | mənbəni redaktə et]Söz oyunu; azərbaycan dili də daxil olmaqla[1], WORDLE🇦🇿[2] və Sözütap, rus, holland, ispan, katalan, qalisiya, alman, urdu, macar, yapon, fransız, portuqal, tamil, türk, ivrit, uels və yiddiş müxtəlif dillərə uyğunlaşdırılmışdır. Termo adlı Braziliya Portuqaliya adaptasiyası 2022-ci ilin yanvar ayında gündəlik 200.000 oyunçuya sahib idi.
İstinadlar
[redaktə | mənbəni redaktə et]- ↑ Abbas Majidov. "Wordle oyunu Azərbaycanca". GitHub (az.). 23.01.2022. 2022-02-06 tarixində arxivləşdirilib. İstifadə tarixi: 2 fev 2022.
- ↑ Synetrix Studio. "Wordle🇦🇿 Azərbaycan dilində". https://synetrix.in/ (az.). 15.03.22. 2022-03-15 tarixində arxivləşdirilib. İstifadə tarixi: 14.03.22.
Tematik saytlar |
|---|
