Кілмарнок (футбольны клюб)
| Кілмарнок | ||||||
 | ||||||
| Поўная назва | Kilmarnock Football Club | |||||
|---|---|---|---|---|---|---|
| Заснаваны | 1869 | |||||
| Горад | Кілмарнок, Шатляндыя | |||||
| Стадыён |
Рэгбі Парк Умяшчальнасьць: 18 128 | |||||
| Галоўны трэнэр | ||||||
| Чэмпіянат | Прэм’ер-ліга | |||||
| · 2023—2024 | 4 месца | |||||
| ||||||
 Галерэя здымкаў у Вікісховішчыkilmarnockfc.co.uk (анг.) | ||||||
«Кілмарнок» (па-ангельску: Kilmarnock Football Club) ― шатляндзкі футбольны клюб з аднайменнага мястэчка, графства Эйршыр. Быў заснаваны ў 1869 годзе, «Кілі» зьяўляюцца найстарэйшым з сучасных клюбаў Прэм’ер-лігі. Хатнія гульні праводзіць на стадыёне «Рэгбі Парк». Клюб згуляў першую афіцыйную гульню ў футбольнай гісторыі Шатляндыі зь цяпер неіснуючым клюбам «Рэнтанам» у 1873 годзе.
Гісторыя
[рэдагаваць | рэдагаваць крыніцу]Заснаваньне клюбу адсылае да часоў, калі футбол у Шатляндыі толькі зьяўляўся. У 1869 годзе гульцы ў крыкет шукалі для сябе занятак пасьля сканчэньня крыкетнага сэзону й сфармавалі футбольны клюб. Першапачаткова клюб выкарыстоўваў рэгбійныя правілы, але з-за розных праблемаў было вырашына перайсьці на футбольныя правілы. Рэгбійнае мінулае адлюстравана ў назьве хатняга стадыёну ― «Рэгбі Парк».
У 1873 годзе клюб уступіў у Шатляндзкую футбольную асацыяцыю, каб прыняць удзел у першым розыгрышы кубку Шатляндыі. Так здарылася, што клюб прыняў удзел у першым матчы турніру 18 кастрычніка 1873 году, які быў першай афіцыйнай футбольнай гульнёй Шатляндыі. Але клюб атрымаў у дэбюце паразу зь лікам 0:2 ад «Рэнтану».
З 1895 году клюб гуляе ў турнірах шатляндзкіх лігаў. А ў 1899 годзе ўпершыню згуляў у найвышэйшым дывізіёне чэмпіянату Шатляндыі. Клюб за сваю гісторыю восем разоў выходзіў у фінал Кубка Шатляндыі, дзе тройчы перамагаў. У фінал Кубка лігі Шатляндыі клюб выходзіў пяць разоў, але гэты трафэй так і не ўвайшоў у сьпіс дасягненьняў «Кілі».
Найвышэйшага посьпеху клюб дасягнуў у 1965 годзе, калі на пасту галоўнага трэнэра стаяў Ўілі Ўодэл. Для перамогі ў чэмпіянаце Шатляндыі «Кілмарноку» не хапала толькі перамогі ў гасьцёх у гульні супраць «Гартсу» й клюб яе дамогся. Перамога зь лікам 2:0 прынесла «Кілі» пакуль адзінае званьне чэмпіёну Шатляндыі.
У 1980-х гадох прасьледваў спад, падчас якога клюб вылецеў з найвышэйшай лігі. Але ў 1993 годзе клюб зноўку вярнуўся ў найвышэйшы сьвет. А ў 1997 годзе здабыў яшчэ адзін, трэці па колькасьці тытул уладальніка Кубка Шатляндыі, калі ў фінале перамог «Фалкірк» зь лікам 1:0.
Дасягненьні
[рэдагаваць | рэдагаваць крыніцу]- Чэмпіён Шатляндыі: 1
- 1965
- Уладальнікі Кубка Шатляндыі: 3
- 1920, 1929, 1997
- Уладальнікі Кубка лігі Шатляндыі: 1
- 2012