Бобі Чарльтан

Бобі Чарльтан
Агульная інфармацыя
Поўнае імя	Роберт Чарльтан
Нарадзіўся	11 кастрычніка 1937(1937-10-11)[…] Ашынгтан[d], графства Нартумберленд, Англія, Вялікабрытанія
Памёр	21 кастрычніка 2023(2023-10-21) (86 гадоў) Macclesfield District General Hospital[d], Маклсфілд[d], Усходні Чэшыр[d], Чэшыр, Паўночна-Заходняя Англія[d], Англія, Вялікабрытанія
Грамадзянства	Англія
Рост	173 см
Пазіцыя	паўабаронца, нападнік
Маладзёжныя клубы
Іст Нартумберленд Скулс 1953—1954 Манчэстэр Юнайтэд
Клубная кар’ера
1954—1973 Манчэстэр Юнайтэд 606 (199) 1973—1975 Прэстан Норт Энд 38 (8) 1975—1976 Уотэрфард 26 (1) 1976 Аркадыя Шэпердз 0 (0) 1978 Бангар Сіці 0 (0) 1978 Ньюкасл КБ 2 (0) 1980 Блэктаўн Сіці 1 (0) 1954—1980 Усяго за кар’еру 673 (208)
Нацыянальная зборная
1958—1960 Англія (да 23) 6 (5) 1958—1970 Англія 106 (49)
Трэнерская кар’ера
1973—1974 Прэстан Норт Энд гул. тр. 1983 Уіган Атлетык в. а.
Узнагароды і медалі
Чэмпіянаты свету Золата Англія 1966 Чэмпіянаты Еўропы Бронза Італія 1968 Дзяржаўныя ўзнагароды Кавалер ордэна Брытанскай імперыі Рыцар-бакалаўр Ордэн Узыходзячага сонца 4 класа
Медыяфайлы на Вікісховішчы

Роберт (Бобі) Чарльтан (англ.: Sir Robert Charlton; 11 кастрычніка 1937 — 21 кастрычніка 2023) — англійскі футбаліст, паўабаронца і нападнік. Чэмпіён свету ў складзе нацыянальнай зборнай Англіі і ўладальнік «Залатога мяча» 1966 года. Большую частку кар’еры правёў за «Манчэстэр Юнайтэд», у якім быў капітанам. Чарльтан быў атакуючым паўабаронцам, валодаў адпрацаваным дрыблінгам, дакладным пасам і пастаўленым далёкім ударам. Ён прызнаецца многімі адным з найвялікшых футбалістаў Англіі ўсіх часоў.

Чарльтан пачаў выступаць за асноўны склад «Манчэстэр Юнайтэд» у 1956 годзе, а на працягу наступных двух сезонаў трывала заваяваў сабе месца ў аснове. Ён выжыў у мюнхенскай авіякатастрофе 1958 года, пасля чаго дапамог «Юнайтэд» выйграць Першы дывізіён у сезонах 1964/65 і 1966/67. У 1966 годзе Чарльтан разам са зборнай Англіі стаў чэмпіёнам свету. У 1968 годзе «Юнайтэд», у складзе якога Чарльтан быў капітанам, стаў першым англійскім клубам, які выйграў Кубак еўрапейскіх чэмпіёнаў. Ён забіў за «Манчэстэр Юнайтэд» і зборную Англіі больш галоў, чым любы іншы гулец за ўсю гісторыю. Яму таксама доўгі час належаў рэкорд па колькасці матчаў, праведзеных за «Юнайтэд» (758), які пабіў Раян Гігз у фінале Лігі чэмпіёнаў УЕФА ў Маскве 21 мая 2008 года.

На момант завяршэння кар’еры за зборную Англіі ў 1970 годзе яму належаў рэкорд па найбольшай колькасці гульняў за зборную (106 матчаў). Пазней гэты рэкорд быў пабіты Бобі Мурам, а затым Пітэрам Шылтанам.

Літаратура

• Руднік В. Чэмпіёны свету па футболе 1930—2006. — Беласток:"Set-Print", 2006.

Спасылкі

• Профіль на афіцыйным сайце «Манчэстэр Юнайтэд» (англ.)
• Профіль у міжнароднай зале футбольнай славы (англ.)
• Бобі Чарльтан — легенда «Юнайтэд» (англ.)