Карл Тэадор (герцаг Баварскі)

Карл Тэадор
ням.: Carl Theodor in Bayern
Нараджэнне	9 жніўня 1839(1839-08-09) Possenhofen[d], Пёкінг, Раён Штарнберг, Верхняя Баварыя, Каралеўства Баварыя
Смерць	30 лістапада 1909(1909-11-30) (70 гадоў) Kreuth[d], раён Місбах[d], Верхняя Баварыя, Каралеўства Баварыя, Германскі рэйх
Месца пахавання	Тэгернзэ[d]
Род	Вітэльсбахі
Бацька	Максіміліян, герцаг Баварскі[d]
Маці	Людавіка Баварская[d]
Жонка	Сафія Саксонская[d] і Infanta Maria José, Duchess in Bavaria[d]
Дзеці	Елізавета Баварская, Амалія Баварская, Princess Marie Gabriele, Princess Rupprecht of Bavaria[d], Duke Ludwig Wilhelm, Duke in Bavaria[d], Duke Franz Joseph in Bavaria[d] і Duchess Sophie Adelheid, Countess of Toerring-Jettenbach[d]
Член у	Леапальдзіна Баварская акадэмія навук
Адукацыя	Мюнхенскі ўніверсітэт Людвіга-Максіміліяна
Званне	генерал
Бітвы	франка-пруская вайна
Узнагароды	ганаровы грамадзянін Мюнхена[d]
Медыяфайлы на Вікісховішчы

Карл Тэадор Баварскі (ням.: Carl Theodor in Bayern; 9 жніўня 1839, Посенгофен — 30 лістапада 1909, Кройт) — герцаг Баварскі, прадстаўнік бакавой галіны кіруючай дынастыі Вітэльсбахаў.

Біяграфія

Сын герцага Максіміліяна Іосіфа і Людавікі Баварскай, брат імператрыцы Сісі. Стаў спадчынным герцагам у 1860 годзе, пасля марганатычнага шлюбу яго старэйшага брата.

У 1865 ён ажаніўся са сваёй кузінай Сафіі, прынцэсай Саксонскай (1845—1867), дачкой караля Іагана I. Ад яе меў адну дачку:

• Амалія (1865—1912), жонка Вільгельма, 2-га герцага Урах.

Быў афіцэрам Баварскай арміі, удзельнічаў у бітвах Аўстра-Прускай (1866) і Франка-Прускай (1870) войнаў.

Вучыўся ў Мюнхенскім універсітэце, дзе вывучаў філасофію, права, эканоміку і медыцыну. Сярод яго настаўнікаў былі фізік Філіп Жалі і хімік Юстус Лібіх. У 1872 годзе ён атрымаў ад універсітэта званне ганаровага доктара медыцыны. Затым Карл Тэадор працягнуў сваю адукацыю, вывучаючы афтальмалогію ў Вене і Цюрыху. Засмучаны смерцю сваёй жонкі і войнамі, ён пакінуў армію і стаў доктарам, а праз некаторы час і паспяховым акулістам.

У 1874 ён уступіў у другі шлюб з Марыяй Жазэфай, інфантай Партугальскай (1857—1943), дачкой зрынутага караля Мігеля. Дзеці:

• Сафія (1875—1957), жонка Ганса, графа Цёрынг-Етэнбах;
• Лізавета (1876—1965), жонка караля Бельгіі Альберта I;
• Марыя Габрыэла (1878—1912), жонка Рупрэхта, кронпрынца Баварыі;
• Людвіг Вільгельм (1884—1968);
• Франц Іосіф (1888—1912).

У 1877 годзе ён пачаў доктарскую практыку. У 1880 адкрыў вочную клініку ў сваім палацы, а ў 1895 — у Мюнхене. Яго жонка часта дапамагала яму ў якасці асістэнткі.

Карл Тэадор памёр 30 лістапада 1909 года ў Кройце, Баварыя.

Спасылкі

• На Вікісховішчы ёсць медыяфайлы па тэме Карл Тэадор (герцаг Баварскі)
• Карл Теодор Баварский // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).