Парк закаханых (Ерэван)
| Парк закаханых | |
|---|---|
| арм. Սիրահարների այգի | |
 Вадаспад у Парку закаханых | |
| Асноўная інфармацыя | |
| Тып | парк |
| Плошча | 1,6 га |
| Дата заснавання | XVIII стагоддзе |
| Архітэктар | П’ер Рамбах |
| bg.am | |
| Размяшчэнне | |
| 40°11′29″ пн. ш. 44°30′22″ у. д.HGЯO | |
| Краіна | |
 | |
 Медыяфайлы на Вікісховішчы | |
Парк закаханых (арм.: Սիրահարների այգի) — грамадскі парк у Ерэване, сталіцы Арменіі, які знаходзіцца на праспекце Баграмяна. Парк займае тэрыторыю плошчай 2,5 гектара ў цэнтральным раёне горада. Парк быў цалкам абноўлены ў 2005—2008 гадах і наноў адкрыты ў лістападзе 2008 года.
Гісторыя
[правіць | правіць зыходнік]
Гісторыя парка бярэ свой пачатак у XVIII стагоддзі, калі ён быў вядомы як Сад Казерна, названы так па раёне Казерн, паўночна-заходняга прыгарада старога Ерэвана. Раён быў вядомы сваімі сярэднявечнымі могілкамі і капліцай.
Пасля Другой сусветнай вайны парк быў абноўлены і названы ў 1949 годзе ў гонар Аляксандра Пушкіна, калі адзначалася 150-годдзе з дня нараджэння паэта. Рашэнне пра пераназванне прыняў Савет міністраў Армянскай ССР. Пазней, у 1970 годзе, парк атрымаў новую назву Барэкамуцюн (сяброўства), якое сімвалізавала сяброўства народаў СССР. У 1995 годзе, пасля здабыцця Арменіяй незалежнасці, парк ізноў змяніў сваю назву і атрымаў цяперашнюю: Парк закаханых. Яно было растлумачана тым, што парк служыў упадабаным месцам сустрэч для шматлікіх пар у другой палове XX стагоддзя[1].
У 2005 годзе па ініцыятыве мецэната Альбера Пагасяна яго фонд пачаў рэканструкцыю парка. У наступным годзе французскі дызайнер і архітэктар П’ер Рамбах прадставіў эскізы праекта новага Парка закаханых, якія атрымалі ўхвалу ў Ерэванскага гарадскога савета. П’ер Рамбах некалькі разоў наведваў Арменію, каб даследаваць армянскія краявіды і знайсці найлепшае спалучэнне строгіх японскіх прынцыпаў абзелянення з духам Арменіі.
Пасля поўнай рэканструкцыі і ўладкавання ў 2005—2008 гадах Парк закаханых быў наноў адкрыты ў лістападзе 2008 года. Сярод іншага ў парку размясціўся амфітэатр ёмістасцю ў 215 месцаў для сядзення і плошчай у 100 м².
- адзначаюцца нацыянальныя святы Арменіі
- кінапаказы на адкрытым паветры ў рамках міжнароднага кінафестывалю Залаты абрыкос
- фестывалі чытання на адкрытым паветры
- музычныя фестывалі
- жывыя канцэрты
- выставы
З 1981 года ў паўночна-заходнім куце парка знаходзіцца ўваход на станцыю Маршал Баграмян (Ерэванскі метрапалітэн).