Фадзей Фадзеевіч Камароў

Фадзей Фадзеевіч Камароў
Дата нараджэння	20 жніўня 1945(1945-08-20) (79 гадоў)
Месца нараджэння	Галузы, Чавускі раён, Магілёўская вобласць, БССР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Месца працы	фізічны факультэт БДУ БДУ Інстытут прыкладных фізічных праблем імя А. Н. Сеўчанкі
Навуковая ступень	доктар фізіка-матэматычных навук (1983)
Навуковае званне	акадэмік НАН Беларусі (2021) прафесар (1984)
Альма-матар	МДУ імя А. А. Куляшова (1969) фізічны факультэт БДУ (1974)
Прэміі
Узнагароды	прэмія імя А. Н. Сеўчанкі

Фадзей Фадзеевіч Камароў (нар. 20 жніўня 1945, в. Галузы, Чавускі раён, Магілёўская вобласць) — беларускі фізік. Член-карэспандэнт Нацыянальнай акадэміі навук Беларусі (1996), акадэмік НАН Беларусі (2021), доктар фізіка-матэматычных навук (1983), прафесар (1984).

Біяграфія

Скончыў Магілёўскі педагагічны інстытут (1969). Вучыўся ў аспірантуры фізфака БДУ (1971—1974).

Працаваў стажорам-даследчыкам на фізічным факультэце БДУ (1969—1971). З 1974 года старшы навуковы супрацоўнік, у 1976—1981 гадах і з 1992 года загадчык лабараторыі, у 1981—1992 гадах намеснік дырэктара па навуковай рабоце НДІ прыкладных фізічных праблем ім. А. М. Сеўчанкі Беларускага дзяржаўнага універсітэта. Адначасова з 1982 года загадчык кафедры Беларускага дзяржаўнага ўніверсітэта.

Прэміі

Лаўрэат Дзяржаўнай прэміі Рэспублікі Беларусь (1998, разам з А. І. Белавусам, В. А. Сокалам, В. А. Емяльянавым, Э. Ф. Лабановічам, А. В. Сіліным) — за цыкл работ «Распрацоўка новых метадаў праектавання і развіццё фізіка-тэхналагічных асноў стварэння высокіх тэхналогій вытворчасці канкурэнтаздольных мікраэлектронных вырабаў», лаўрэат прэміі імя А. Н. Сеўчанкі (2005).

Навуковая дзейнасць

Навуковыя даследаванні ў галіне радыяцыйнай фізікі цвёрдага цела, мікраэлектронікі і рэнтгенаўскай оптыкі. Распрацаваў тэарэтычныя асновы фізікі іонна-прамянёвага легіравання матэрыялаў. Прапанаваў тэхналогію стварэння вырабаў электроннай тэхнікі з выкарыстаннем высокаінтэнсіўных іённых пучкоў, распрацаваў новыя метады атрымання звышцвёрдых, зноса — і каразійнастойкіх, каталітычна актыўных матэрыялаў. Прапанаваў фізічныя прынцыпы кіравання пучкамі жорсткіх рэнтгенаўскіх і гама-квантаў, стварыў элементы і сістэмы оптыкі жорсткіх квантаў. Даследаваў спектральна-вуглавыя характарыстыкі выпраменьвання каналіраваных рэлятывісцкіх часціц. Стварыў сістэму скразнога мадэлявання тэхналагічных працэсаў субмікроннай электронікі. Распрацаваў шэраг арыгінальных новых тэхналогій мікра- і нанаэлектронікі. Унёс уклад у станаўленне новых фізіка-тэхналагічных абласцей (глыбокая субмікронная электроніка і нанаэлектроніка, дэфектна-прымесная інжынерыя матэрыялаў, трэкавая нанаэлектронія, фізіка і тэхніка квантаваразмерных структур і прыбораў, структур з вугляроднымі нанатрубкамі).

Аўтар больш за 400 навуковых прац, у т. л. 15 манаграфій, 42 вынаходстваў.

Бібліяграфія

• Tables of Ion Implantation Spatial Distributions. N.Y. etc.: Harwood Academic, 1986 (в соавт.).
• Non-destructive Analysis of Solid Surfaces by Ion Beams. N.Y. etc.: Gordon & Breach Science Publishers, 1990 (в соавт.).
• Ion Beam Modification of Metals. N.Y.: Taylor & Francis, 1992 (with Curtis P.).
• Radiation from Charged Particles in Solids. Berlin: Springer, 1997 (в соавт.).

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 503—504. — 10 000 экз. — ISBN 985-11-0035-8. — ISBN 985-11-0130-3 (т. 7).
• Кто есть Кто : Деловой мир СНГ. 2002 / под редакцией И. В. Чекалова. — Минск, 2002. — Вып. 2. — С. 188.
• Кто есть Кто : Деловой мир СНГ. 2006 / под редакцией И. В. Чекалова. — Минск, 2006. — С. 182 : фото.
• Люди дела. Кто есть Кто в Республике Беларусь / под редакцией И. В. Чекалова. — Минск, 1999. — С. 283—284.

Спасылкі

• Фадзей Фадзеевіч Камароў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)