KrAZ Fiona
| KrAZ Fiona | |
|---|---|
 | |
| Краіна паходжання | |
| Усяго выраблена | 1 |
 Медыяфайлы на Вікісховішчы | |
KrAZ Fiona — бронемашына з V-вобразным дном, распрацаваная АўтаКрАЗам сумесна з канадскай кампаніяй Streit Group на шасі КрАЗ-6322[1][2][3].
Гісторыя
[правіць | правіць зыходнік]У пачатку кастрычніка 2014 года ў «Зборніку навуковых прац Нацыянальнай акадэміі Нацыянальнай гвардыі Украіны» быў апублікаваны артыкул з разлікам канструктыўнай схемы бронемашыны з V-вобразным дном на серыйным шасі КрАЗ-6322, якая была прапанаваная ў якасці тэхнікі для падраздзяленняў нацыянальнай гвардыі[4].
Дэманстрацыйны ўзор бронемашыны быў прадстаўлены 22 лютага 2015 года на зброевай выставе «IDEX-2015»[5].
У сакавіку 2016 года бронемашына прымала ўдзел у параўнальных выпрабаваннях ваеннай тэхнікі, якія праводзіліся дзяржаўным Навукова-выпрабавальным цэнтрам на палігоне ў Ровенскай вобласці[6].
11—14 кастрычніка 2016 года на зброевай выставе «Зброя та безпека-2016» быў паказаны ўзброены варыянт бронемашыны (з усталяваным на даху дэсантнага адсека баявым модулем «Шквал»).
У далейшым, бронемашына была ўключана ў пералік прадукцыі канцэрна «Украбаронпрам» і прапанаваная на экспарт[3].
Апісанне
[правіць | правіць зыходнік]KrAZ Fiona мае звычайную кампаноўку з пярэднім размяшчэннем рухавіка, аддзяленнем кіравання ў сярэдняй частцы машыны, у кармавой частцы размешчана дэсантнае аддзяленне[1][3].
Корпус бронемашыны ўніфікаваны з корпусам КрАЗ-Шрэк[7], зварны, выраблены са сталёвых бранявых лістоў. Лабавое шкло куленепрабівальнае. У бартах баявога аддзялення маецца дзве дзверы для кіроўцы і камандзіра машыны, у верхняй частцы якіх усталяваны куленепрабівальны шклаблок[1].
У верхняй частцы бартоў дэсантнага аддзялення размешчаны закрытыя засланкамі амбразуры для вядзення агню са стралковай зброі (па дзве з кожнага боку). У карме корпуса знаходзіцца пад’ёмная апарэль для пасадкі і высадкі дэсанту[1][3].
Сядзенні дэсанту складаюцца, што дазваляе выкарыстоўваць дэсантнае аддзяленне ў якасці грузавога адсека[3].
Маецца два паліўных бака агульнай ёмістасцю 250[3] або 280 літраў.
- бронемашына можа камплектавацца некалькімі тыпамі дызельных рухавікоў[2] магутнасцю 300—400 к. с. (першая машына была выпушчаная з дызелем Cummins[1], яшчэ адна — з шасціцыліндровым дызелем Caterpillar C9 Heavy Duty).
- 6-ступеністая аўтаматычная каробка перадач (Allison 4000[8] або Caterpillar CX28)
- счапленне MFZ-430, каробка перадач Fast Gear[2]
- шыны 1300х530-533 445/65R22,5[3], з устаўкамі Runflat system[2]
Прадугледжана магчымасць устаноўкі на бронемашыну ўзбраення (у паваротнай турэлі на даху) і дадатковага абсталявання (электрычная лябёдка, пошукавы фары-пражэктар, відэакамеры задняга выгляду)[2].
Варыянты і мадыфікацыі
[правіць | правіць зыходнік]- Panthera 6X6 Krazz — варыянт бронемашыны з узмоцненай супрацьміннай абаронай на шасі КрАЗ-6322, прадстаўлены кампаніяй Ares Security Vehicles LLC (Дубай, ААЭ). Узровень абароны STANAG 4569 Level 1 (у гэтым варыянце машына захоўвае грузападымальнасць не менш за 8 тон), але можа быць павышаны да STANAG 4569 Level 3. Замест індывідуальных сядзенняў для дэсанту могуць быць устаноўлены лавы. Не ўстаноўлены экраны для абароны паліўнага бака, таксама адсутнічаюць амбразуры ў бартах[9].
Крыніцы
[правіць | правіць зыходнік]- ↑ а б в г д Створено новий броньований автомобіль КрАЗ Feona // «Народна армія» від 6 вересня 2015
- ↑ а б в г д Технические характеристики нового бронеавтомобиля КрАЗ «Фиона» Архівавана 16 верасня 2015. // «Кременчуг online» от 10 сентября 2015
- ↑ а б в г д е ё KrAZ Fiona armoured vehicle // Military and special purpose vehicles. Spetstechnoexport catalogue 2020. page 40
- ↑ О. С. Мазін, С. П. Мазін, В. М. Франков, О. Ю. Шабалін. Нові пропозиції щодо конструкцій бронеавтомобілів на базі шасі автомобілів сімейства КрАЗ // «Збірник наукових праць Національної академії Національної гвардії України». Вип. 2 (24), 2014 р., стор. 18-22
- ↑ На выставке IDEX-2015 в ОАЭ КрАЗ представит армейские новинки — Feona и Hurricane Архівавана 21 лютага 2015. // «Кременчуг online» от 20 февраля 2015
- ↑ Вывод военных: КрАЗ - лучший по проходимости автомобиль Архівавана 10 лістапада 2017. // официальный сайт ХК «АвтоКрАЗ» от 21 марта 2016
- ↑ С. В. Дунь, Р. О. Кайдалов. Підвищення рівня захисту автомобілiв КрАЗ з метою забезпечення виконання логістичних, патрульних, миротворчих та бойових функцій // Наукове забезпечення службово-бойової діяльності Національної гвардії України : Збірник тез VI науково-практичної конференції (м. Харків, 9 квітня 2015 р.) / Секція 2. "Наукове забезпечення процесів розроблення, удосконалення, експлуатації та ремонту зразків озброєння, військової та спеціальної техніки". Харків, 2015. стор.96-97
- ↑ Новые имена КрАЗа: «Феона» и «Ураган» Архівавана 3 верасня 2015. // "Грузовик пресс", № 4, 2015
- ↑ Panthera 6X6 Krazz Архівавана 21 красавіка 2018. // официальный сайт компании «Ares Security Vehicles»
Спасылкі
[правіць | правіць зыходнік]- Feona // «Army Guide»
.svg){kind=small}
.svg){kind=small}
