Güzellik

Güzellik- ğarbiy sanatında esas olğan mevzusı, bunı Jul Jozef Lefevrniñ "Aqqayınnıñ saba çeçeklerinen Peri"si tasdiqlay.

Güzellik - memnünlikke uyğan hoşnutlıq duyğusını bağışlağan şey, ğaye, yer ya da canlılar, hususan insannıñ mücerret hususiyetidir. Güzellik, insannıñ dünyanı menimsegeniniñ ayırılmaz qısmı ola. Güzellik, bediyat, içtimaiyat, içtimaiy ruhiyat ve medeniyetniñ bir kategoriyası olaraq ögrenile. Güzel şeylerni yaratuv - sanatnıñ ıntıluvlardan biri ola.

Güzellikniñ manadaş olğan sözleri - dülberlik ve letafettir. Antonimler ise - beşaretlik, saqatlıq, bozuqlıq. 

Güzellik (ya da estetik) idealı - ayrı bir medeniyette güzellikniñ qabul etüv hususiyetlerine köre ayrette qaldırğan misalidir.

Güzellik añlamınıñ umumiy hususiyetleri

Güzellik, obyekt, subyekt ya da közetüv esnasında adamğa zevq ve memnüniyetini ketirgen ğayeniñ tavsifi olaraq tayin etile. Türlü adamlar dünyanı türlü menimsep, türlü şeylerden zevq alğanlarına köre, güzellikniñ manası ferdiy ve şahsiy olmaq kerektir. Biri, güzellikni riyaziy şartlı ifadelerde köre, başqasınıñ ise canı sıqılır. Lâkin, bazı şeylerine dair çoqusı adamları ile begenüvi bir kele, bu alda güzellik şeyniñ özüne has olğanını ayta bilemiz. Tamam böyle güzellik, bediyat, içtimaiy ruhiyat ve medeniyet kategoriyası olaraq ögrenile.