Demograffeg Sbaen

Demograffeg Sbaen yw'r astudiaeth o niferoedd a nodweddion poblogaeth Sbaen. Ar 1 Ionawr 2008, roedd poblogaeth Sbaen yn 46,063,511 yn ôl yr Instituto Nacional de Estadística (INE). Sbaen yw'r bumed wlad yn yr Undeb Ewropeaidd o ran poblogaeth, ond mae dwysder y boblogaeth yn gymharol isel, 91.2 person/km sgwar.

Fel llawer o wledydd Ewrop, mae'r boblogaeth yn tueddu i heneddio; yn 2006 roedd cyfartaledd oedran trigolion Sbaen yn 40.2. Roedd 14.3% o'r boblogaeth dan 15 oed, 69,0% rhwng 15 a 64, a 16.7% dros 65. I raddau, mae mewnfudiad wedi gwrthweithio'r duedd yma. Yn 2005, roedd disgwyliad bywyd yn Sbaen yn 80.2 ar gyfartaledd; 77.0 i ddynion a 83.5 i ferched.

Mae dwysder y boblogaeth yn uwch o gwmpas yr arfordir ac o amgylch Madrid. Yng nghanol y wlad, mae diboblogi yn broblem yn yr ardaloedd gwledig.

Dinasoedd

Yr ardaloedd dinesig mwyaf o ran poblogaeth yw:

1. Madrid 3.128.600
2. Barcelona 1.605.602
3. Valencia 805.304
4. Sevilla 704.414
5. Zaragoza 649.181
6. Málaga 560.631
7. Murcia 416.996
8. Las Palmas 377.056
9. Palma de Mallorca 375.048
10. Bilbao 354.145
11. Córdoba 322.867
12. Alicante 322.431
13. Valladolid 319.943
14. Vigo 293.255
15. Gijón 274.472
16. Hospitalet de Llobregat 264.550
17. La Coruña 243.320
18. Granada 237.929
19. Vitoria 227.568
20. Santa Cruz de Tenerife 223.148

Poblogaeth Ynysoedd Sbaen

Yr ynysoedd gyda'r boblogaeth fwyaf yw:

1. Tenerife 865.071 hab.
2. Gran Canaria 815.379 hab.
3. Mallorca 790.763 hab.
4. Lanzarote 132.366 hab.
5. Ibiza 113.908 hab.
6. Fuerteventura 94.386 hab.
7. Menorca 86.697 hab.
8. La Palma 85.933 hab.
9. La Gomera 22.259 hab.
10. El Hierro 10.558 hab.

Yn ôl cyfrifiad 2006, roedd 9.27 o boblogaeth Sbaen yn dramorwyr. Roedd y mwyafrif o America Ladin (36.21%), Gorllewin Ewrop (21.06%), Dwyrain Ewrop (17.75%) a'r Magreb (14.76%).

Crefydd

Eglwys Gatholig 76.7%
Dim crefydd 20.0%
Arall 1.6% (Islam, yr Eglwys Uniongred, Iddewon ac eraill)