John Thomas (ffotograffydd)

John Thomas
Ganwyd	14 Ebrill 1838  Llanbedr Pont Steffan
Bu farw	14 Hydref 1905  Lerpwl
Dinasyddiaeth	Cymru
Galwedigaeth	ffotograffydd
Adnabyddus am	Ffotograffau gan John Thomas
Plant	William Thelwall Thomas

Enghraifft o waith John Thomas: portread o'i fam (yn eistedd), Shan y Lliwdy (chwith) a morwyn Bontfaen (1867). (Delwedd o Gasgliad John Thomas, Llyfrgell Genedlaethol Cymru)

Ffotograffydd o Gymru oedd John Thomas (14 Ebrill 1838 – 14 Hydref 1905).

Bywgraffiad

William Thelwall Thomas (1865 - 1927), ail fab John Thomas

Cafodd ei eni a'i fagu yng Nghellan, Ceredigion, yn fab i labrwr. Yn 1853 symudodd y i Lerpwl, a bu'n gweithio mewn siop defnydd am ddeg mlynedd. Fe effeithiodd hyn ar ei iechyd, a gorfu iddo chwilio am waith allan yn yr awyr iach. Roedd ei ail fab, William Thellwall Thomas (1865 - 1927), yn llawfeddyg yn Lerpwl.

Ffotograffiaeth

Ar ddiwedd y 1860au cafodd waith gyda chwmni teithio yn sgwennu ac yn tynnu lluniau enwogion. Roedd y math yma o waith, ar y pryd, yn newydd iawn. Sylweddolodd mai cymharol brin oedd y ffotograffau o Gymry, felly dechreuodd arbenigo mewn tynnu a gwerthu lluniau o weinidogion. Erbyn 1867, roedd yn ddigon hyderus i ddechrau ar ei liwt ei hun, a gwnaeth hyn am gyfnod o dros 40 mlynedd dan yr enw: The Cambrian Gallery.

Pan ymddeolodd o'i waith, prynwyd dros 3,000 o'i luniau gan Syr O. M. Edwards er mwyn eu defnyddio yn ei gylchgronnau megis Cymru. Ceir dros 4,000 o'i ffotograffau yn y Llyfrgell Genedlaethol yn Aberystwyth.

Casgliad John Thomas yn y Llyfrgell Genedlaethol

Prif: Rhestr o luniau gan John Thomas

Comin Wikimedia

Mae gan Gomin Wikimedia
gyfryngau sy'n berthnasol i:

Casgliad John Thomas, gyda delweddau eraill oddi wrth Llyfrgell Genedlaethol Cymru

Mae Llyfrgell Genedlaethol Cymru wedi rhoi copiau o'r delweddau sydd yng Nghasgliad John Thomas ar Gomin Wicimedia.