Marian McPartland

Marian McPartland
Ganwyd	Margaret Marian Turner  20 Mawrth 1918  Slough
Bu farw	20 Awst 2013  o clefyd  Port Washington
Label recordio	Capitol Records, Concord Records, Dot Records, Federal Records, Concord Jazz
Dinasyddiaeth	y Deyrnas Unedig, Teyrnas Unedig Prydain Fawr ac Iwerddon
Alma mater	Ysgol Gerdd a Drama y Guildhall Prifysgol Taleithiol y Bowling Green
Galwedigaeth	pianydd, cyflwynydd radio, cyfansoddwr, cerddor jazz, artist recordio
Arddull	jazz, cool jazz, bebop, mainstream jazz, cerddoriaeth swing, post-bop
Priod	Jimmy McPartland
Gwobr/au	Cymrodoriaeth Guggenheim, Gwobrau Peabody, OBE, Gwobr Ymddiriedolwyr Grammy, Radio Hall of Fame, NEA Jazz Masters

Pianydd jazz oedd Margaret Marian McPartland, (ganwyd Margaret Marian Turner;; 20 Mawrth 1918 – 20 Awst 2013). Fe'i ganwyd yn Slough yn Lloegr, ond treuliodd mwyafrif ei bywyd yn yr Unol Daleithiau.

Cafodd McPartland hyfforddiant clasurol ond syrthiodd mewn cariad â jazz yn gynnar. Bu'n chwarae mewn bandiau ar gyfer milwyr Prydeinig yn ewrop yn ystod yr Ail Ryfel Byd; tra'n chwarae yno cwrddodd â Jimmy McPartland, cornetydd o Chicago. Priododd y ddau yn 1945 a symudodd Marian i'r Unol Daleithiau, lle treuliodd gweddill ei gyrfa. Yn ogystal â chwarae ym mand Jimmy, bu Marian yn arwain ei grwpiau ei hun o'r cychwyn. Ar y dechrau roedd McPartland yn chwarae swing, yr arddull oedd yn fasiynol yn ystod y cyfnod; fodd bynnag yn hwyrach yn ei gyrfa hir amsugnodd Marian bebop ac ôl-bop ac fe'i dylanwadwyd hefyd yn sylweddol gan ei chefndir clasurol.

Byddai Marian a Jimmy yn ysgaru yn 1967 ond arhosodd y ddau'n ffrindiau, gan ail-briodi yn 1991 ychydig wythnosau cyn marwolaeth Jimmy

O 1978 i 2011, bu Marian yn gyflwynydd y rhaglen radio Americanaidd Marian McPartland's Piano Jazz. Yn ystod y rhaglen byddai Marian yn cyfweld â pianydd jazz enwog, gan drafod ei yrfa a'i gerddoriaeth. Byddai Marian a'i hymwelydd bob amser yn cael y cyfle i chwarae deuawd fel rhan o'r rhaglen. Drwy'r rhaglen, chwaraeodd Marian gyda bob un o bianyddion pwysig Jazz yn ail hanner yr 20g a dechrau'r 21g, gan gynnwys Mary Lou Williams, Chick Corea, Herbie Hancock, Bill Evans, Keith Jarrett a Brad Mehldau ymysg llawer iawn o gerddorion eraill. Enillodd Marian McPartland's Piano Jazz nifer fawr o wobrwyon radio.

Bu farw McPartland yn 2013 yn 95 oed.

Recordiau (detholiad)

• Jazz at Storyville (Savoy, 1951)
• Lullaby of Birdland (Savoy, 1952)
• Marian McPartland Trio (Savoy, 1952)
• The Magnificent Marian McPartland at the Piano (Savoy, 1952)
• Moods (Savoy, 1953)
• Jazz at the Hickory House (Savoy, 1953)
• Marian McPartland After Dark (Capitol, 1956)
• The Marian McPartland Trio (Capitol, 1956)
• Marian McPartland Trio with Strings: With You in Mind (Capitol, 1957)
• Marian McPartland Trio: At the London House (Argo, 1958)
• Interplay (Halcyon, 1969)
• Live at the Monticello: Jimmy and Marian McPartland (Halcyon, 1972)
• Swingin': Marian and Jimmy McPartland and Guests (Halcyon, 1973)
• Marian McPartland: Plays the Music of Alec Wilder (Halcyon, 1974)
• Marian McPartland: Solo Concert at Haverford (Halcyon, 1974)
• Let It Happen (RCA, 1974)
• Now's the Time (Halcyon, 1977)
• From This Moment On (Concord, 1978)
• Marian McPartland: Live at the Carlyle (Halcyon, 1979)
• Ambiance (Jazz Alliance, 1970)
• At the Festival (Concord, 1979)
• Portrait of Marian McPartland (Concord, 1980)
• Marian McPartland and George Shearing: Alone Together (Concord, 1982)
• Personal Choice (Concord, 1982)
• Willow Creek and Other Ballads (Concord, 1985)
• Windows (Concord, 2004)
• Marian McPartland Trio with Joe Morello and Rufus Reid – Live in New York (Concord, 2005)
• Twilight World (2008)