Nidum

Nidum
Math	caer Rufeinig, adeilad Rhufeinig, safle archaeolegol
Cysylltir gyda	Silwriaid, Maridunum
Sefydlwyd	75 ;
Daearyddiaeth
Lleoliad	Cwrt Herbert
Sir	Blaenhonddan
Gwlad	Cymru
Cyfesurynnau	51.664706°N 3.813039°W
Cod OS	SS747977
Statws treftadaeth	heneb gofrestredig, Henebion Cenedlaethol Cymru
Manylion
Dynodwr Cadw	GM215
	Ffeiliau perthnasol ar Comin
	[golygwch ar Wicidata]

Caer Rufeinig a godwyd yng Nghastell-nedd yw Nidum (Lladiniad o'r gair Brythoneg *Nid, sef 'Nedd'); cyfeiriad grid SS747977. Fe'i codwyd rhwng tua 75 ac 120 OC ar diriogaeth y Silwriaid fel rhan o rwydwaith o gaerau a ffyrdd ar draws de Cymru.

Fe'i canfuwyd yn agos i'r ystad dai a adnabyddir fel Roman Way, ar lan orllewinol Afon Nedd. Roedd y gaer yn gorchuddio ardal eang sy'n gorwedd dan feysydd chwarae Ysgol Gyfun Dŵr-y-Felin heddiw.

Codwyd caer bren yno tua'r flwyddyn 75 OC yng nghyfnod y llywodraethwr Julius Frontinus. Tynwyd y gaer gyntaf honno i lawr a chodi un o gerrig yn ei lle tua'r flwyddyn 120 OC, ond ymddengys mai bur fu ei barhad. Mae rhannau o'r pyrth deheuol a de-ddeheuol i'w gweld ac mae rhai rhannau eraill o'r safle wedi'u cloddio gan archaeolegwyr.^[1]

Roedd yn mesur tua 525m wrth 525m ac yn ddigon mawr i fod yn wersyll i tua 500 o filwyr. Cysylltiai ffordd Rufeinig caer Nidum gyda Maridunum (Caerfyrddin) i'r gorllewin a Viroconium (Caerwrygion) i'r dwyrain.^[2]

Mae darganfyddiadau o'r safle i'w gweld yn Amgueddfa Castell-nedd.

Cadw

Mae'r safle yng ngofal CADW ac yn agored i'r cyhoedd. Cofrestrwyd yr heneb hon gyda'r rhif SAM unigryw: GM215.^[3]

Cyfeiriadau

↑ Christopher Houlder, Wales: an archaeological guide (Faber & Faber, 1978), tud. 138.
↑ "Nidum". Archifwyd o'r gwreiddiol ar 2006-05-27. Cyrchwyd 2010-02-12.
↑ Cofrestr Cadw.

Dolen allanol

(Saesneg) Nidum Archifwyd 2006-05-27 yn y Peiriant Wayback ar wefan RomanBritain.org

Caerau Rhufeinig Cymru
Brithdir \| Bryn-y-Gefeiliau \| Brynbuga \| Cae Gaer \| Caer Ffordun \| Caer Gai \| Caerau \| Caerdydd \| Caersws \| Gelli-gaer \| Caer Gybi \| Caerhun (Canovium) \| Caerllion \| Castell Caerdydd \| Castell Collen \| Y Gaer \| Gelligaer \| Llanfor \| Llanio \| Maridunum \| Nidum \| Pen Llystyn \| Pen y Gaer \| Pennal \| Segontium \| Tomen y Mur \| Trawscoed \| Varis

[1] Christopher Houlder, Wales: an archaeological guide (Faber & Faber, 1978), tud. 138.

[2] "Nidum". Archifwyd o'r gwreiddiol ar 2006-05-27. Cyrchwyd 2010-02-12.

[3] Cofrestr Cadw.

[1]

[2]

[3]