Saŋmar' Kara Suurili

surah
Pahi la	Alikuraan
Zuliya wuhibu	البروج
Japan zuliya (yuli kana) sabbu ni	せいざ
Siɣili-lana yuli	tower, constellation
Be lɛbigili zuliya nima ni	85. The Stars, Q31204752
Balli tuma bɛi balli yuli	laribanchi
Tuma ŋɔ maa zaa bɛla URL maa ni	https://quran.com/85
Nahingbaŋ	Meccan surah

Saŋmar' Kara Suurili (Al-Burooj ٱلْبُرُوج)^[1]

Suurili ŋɔ maa wuhirila ninsalinim’ ni bi bahindi bahindisuŋ shɛm, di yi ti niŋ ka bɛ bɔri ni bɛ nahim Muslinnima, ka di nyɛla Adiini jɛlinsi zuɣu.

Aaya nima

Aaya nima:^[2]

1. M (Mani Naawuni) po sagbana shɛli din mali saŋmari kara.
2. Ka lahi po alikauli dabsili (Zaadali).
3. Yaha! M-po shɛhiradira, ni bɛ ni diri so shɛhira (Bana n-nyɛ Naawuni tuumba mini bɛ niriba).
4. Bɛ (Naawuni) narim ninvuɣu shɛba ban gbi voli la.
5. Ka di nyɛla bɛ malila buɣum din kuli dira n-niŋ di puuni.
6. Saha shɛli bɛ ni ʒinʒiya gili li (buɣum maa).
7. Ka nyɛla ban nyari bɛ ni niŋdi ninvuɣu shɛba ban ti Naawuni yɛlimaŋli maa shɛm.
8. Bɛ bi niŋ ba azaaba maa shɛli zuɣu m-pahila bɛ tila Naawuni So Ŋun nyɛ Nyɛŋda, Duuma paɣirigu la yɛlimaŋli.
9. Ŋuna n-nyɛ Ŋun su sagbana ni tiŋgbani yiko, Naawuni mi nyɛla Ŋun nyari yɛllikam.
10. Achiika! Ninvuɣu shɛba ban niŋ Muslim dobba ni paɣaba furminisi la, ka bi niŋ tuuba di nyaaŋa, tɔ! Ʒahannama buɣum daazaaba be bɛ zuɣu. Yaha! Bɛ mali azaaba shɛli din buɣum diri ni pampam.
11. Achiika! Ninvuɣu shɛba ban ti Naawuni yɛlimaŋli, ka tum tuunsuma, bɛ mali Alizanda yili shɛŋa kulibona ni yɛn ti zɔri gindi di lɔŋ ni, dina n-nyɛ tarli din galsi.
12. Achiika! A Duuma (Naawuni) daazaaba nyɛla din kpɛma.
13. Achiika! Ŋuna n-nyɛ Ŋun piindi nambu, ka labsiri li na (gballi ni, bee Chiyaama dali).
14. Yaha! Ŋuna n-nyɛ Chɛmpaŋlana, Yura.
15. Al’arshi shɛli din galsila lana.
16. O tumdila O ni yu shɛli.
17. (Yaa nyini Annabi)! Di nibɔŋɔ, tobbihi la lahibali ka a na?
18. Fir’auna mini Samuudu nima.
19. Chɛli gba! Ninvuɣu shɛba ban niŋ chɛfuritali maa ban kuli bela ʒiri labsi niŋ tuumba noli ni.
20. Naawuni mi nyɛla Ŋun gili bɛ nyaaŋa (ni baŋsim).
21. Chɛli gba! Di nyɛla Alkur’aani shɛli din mali jilma.
22. Ka di be Lauhuli Mahfuuzu puuni.

Kundivihira

↑ Bachigahinda Din Be Dagbanli Kur'aani Puuni. The Noble Qur'an: Translation of the Meanings (Dagbani language).
↑ Translation of the Meanings of the Noble Qur'an - Dagbani translation, by Muhammad Baba Gutubu.

[quran-1] Bachigahinda Din Be Dagbanli Kur'aani Puuni. The Noble Qur'an: Translation of the Meanings (Dagbani language).

[2] Translation of the Meanings of the Noble Qur'an - Dagbani translation, by Muhammad Baba Gutubu.

[1]

[2]