Stirakosaŭro

Kiel legi la taksonomion Stirakosaŭro
Biologia klasado
Superordo: Dinosaŭroj Dinosauria Ordo: Ornitiskioj Ornithischia Subordo: Cerapoda Infraordo: Ceratopoj Ceratopsia
Aliaj Vikimediaj projektoj

Stirakosaŭro (Styracosaurus; malnovagreka: "spika lacerto") estas genro de herbivora ceratopa dinosaŭro vivinta dum la kretaceo, antaŭ proks. 80 milionoj da jaroj. Ĝi havis kvar ĝis ses longajn kornojn kiuj etendiĝis de sia kolokrispo, malgrandan kornon sur ĉiu el siaj vangoj, kaj sur la nazo unu grandan korno ĉ. 60 cm-ojn longa kaj 15 cm-ojn larĝa. Oni jam de multaj jaroj debatas pri la preciza funkcio de la kornoj kaj krispo.

Stirakosaŭro estis granda dinosaŭro, atingante longecon de ĝis 5 metroj, altecon de 1,8 metroj, kaj pezon de ĝis 3 tunoj. Ĝi havis kvar mallongajn krurojn, dikan korpon, kaj mallongan voston. Buŝe ĝi havis bekon kaj platajn vangodentojn, kio indikas ke ĝi plej verŝajne estis herbivoro. Kiel aliaj ceratopoj, la stirakosaŭro verŝajne vivis grege, migrante kun aliaj samspecianoj kaj prizorgante siajn idojn post la elkoviĝo, kvankam ĉiuj stirakosaŭraj fosilioj ĝis nun trovitaj ne estis kun aliaj.