Brokolo
| Brokolo | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
 Brokolo | |||||||||||||||||||||
| Biologia klasado | |||||||||||||||||||||
|
Brokolo (science: Brasica oleracea convar. botrytis var. cymosa) estas legomo en la familio de brasiko, brasikacoj. Ĝi havas abundajn plenajn kapojn de floroj situantaj kiel branĉoj de arbo, kiuj burĝonas de dika manĝebla tigo. La maso de floroj estas ĉirkaŭata de folioj. Brokolo tre similas samfamilian florbrasikon, tamen brokolo estas brile verda, ne blanka.
100 g da freŝa brokolo enhavas:
- 140 kJ
- 3 g karbonhidrato
- 2 g proteino
- 65 mg kalcio
- 0,8 mg fero
- 70 mg vitamino C
- 0,06 mg vitamino B1
- 0,13 mg vitamino B2
- 0,12 mg karoteno
Esploro pruvis[mankas fonto] , ke brokolo povas malhelpi la malsanon Alchajmero (povus havi la saman efikon kiel kontraŭ-Alchajmera medikamento).
Esplorantoj de la Universitato de Berkeley (Kalifornio, Usono) malkovris[mankas fonto], ke certaj elementoj (indoloj, glukosinolatoj) en brokolo defendas la korpon kontraŭ kancero.
Brita esploro de "King's College" en Londono ankaŭ pruvis[mankas fonto], ke brokolo havas pozitivan efikon je la memoro.
En la Universitato de Saskatchewan (Kanado) oni pruvis[mankas fonto], ke certaj elementoj de brokolo ankaŭ protektas kontraŭ arteriosklerozo kaj hipertensio.
