Anna de Pisseleu
| Anna de Pisseleu | ||
|---|---|---|
| ||
| ||
| Persona informo | ||
| Anne de Pisseleu | ||
| Naskiĝo | ĉirkaŭ 1508 en Fontaine-Lavaganne | |
| Morto | post 1575 en Heilly | |
| Lingvoj | franca vd | |
| Ŝtataneco | Francio  vd
| |
| Familio | ||
| Patro | Guillaume de Pisseleu, Seigneur d'Heilly (en)  vd
| |
| Patrino | Anne Sanguin (en) vd
| |
| Gefratoj | François de Pisseleu (en) kaj Charles de Pisseleu (en) vd
| |
| Edz(in)o | Jean IV de Brosse (en) vd
| |
| Amkunulo | Francisko la 1-a de Francio vd
| |
| Profesio | ||
| Okupo | honordamo royal mistress (en) vd
| |
| vd | Fonto: Vikidatumoj | |
Anna de Pisseleu, dukino de Etampes, estis reĝamantino de Francisko la 1-a. Ŝi naskiĝis ĉirkaŭ 1508 kaj mortis post la jaro 1575.
Ŝi venis de la familio Pisseleu de Heilly, familio malriĉa sed de nobeleco malnovtempa kaj grava. Ŝi unue estis honorknabino de Luiza de Savoie, patrino de Francisko la 1-a.
Ŝi estis dekokjaraĝa, kiam la Princo ekkonis ŝin. La legendo rakontas, ke ili renkontiĝis piede de ulmo en la urbo Villepreux (Yvelines). Ekzistas loko en tiu urbo La Ulmo de la Blondulino kiu memoras tiujn galantajn rendevuojn.
Por pligravigi la postenon de Anna de Pisseleu en la reĝa kortego, oni edzinigis ŝin kun la grava sed senhava sinjoro Jean de Brosse, kiu ricevis la graflandon de Étampes. En 1536, la graflando de Étampes iĝis duklando de Étampes laŭ decido de Francisko la 1-a. Tiumaniere, Anna de Pisseleu iĝis Dukino de Étampes.
Ŝi estis la oficiala reĝamantino de Francisko la 1-a ĝis la morto de la reĝo la 31-an de marto 1547. Poste, ŝi falis en malfavoron pro la venĝemo de Diane de Poitiers, kiu estis submetita dum la favora periodo de Anna de Etampes. Pro ĵaluzo, Diane de Poitiers devigis Anna de Pisseleu redoni la juvelojn ricevitajn de la reĝo kaj procesis kontraŭ ŝi pro ŝtatperfido pro ŝiaj rilatoj kun Karlo la 5-a. Anna de Pisseleu estis eksigita de la kortego.
Ŝi izoliĝis en sia duklando, kaj iĝis protestantino. Ŝi vivis siajn lastajn jarojn forgesita de ĉiuj tiel ke oni ne scias la precizan daton de ŝia morto.