Blua sito

Kiel legi la taksonomion Blua sito
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Sitedoj Sittidae Genro: Sitoj Sitta Specio: S. azurea
Dunomo
Sitta azurea Lesson, 1830
Konserva statuso
Konserva statuso: Malplej zorgiga
Aliaj Vikimediaj projektoj

Blua sito, Sitta azurea, estas eta paseroforma birdo. Ĝi apartenas al sita genro. Simile kiel aliaj membroj de sitedoj (krom roka sito kaj persia sito) ĝi loĝas en arbaraj aŭ arbar-similaj teritorioj.

Matura birdo Fraser's Hill, Malajzio 1994

Disvastiĝo

Tiu specio loĝas en Indonezio kaj Malajzio. Ties natura habitato estas subtropikaj aŭ tropikaj malaltaj arbaroj kaj subtropikaj aŭ tropikaj humidaj montaroj.

Aspekto

Tiu ĉi specio malsimilas de aliaj sitoj pro pli blua plumaro, kio nomigas la specion kaj en Esperanto kaj en la latina scienca nomo, pli precize tiu birdo havas blankajn gorĝon kaj bruston kaj bluajn suprajn partojn, ekzemple malhelbluan kapon ĝis la bekalto kun blankaj okulringoj kaj helegaj irizoj (sama malhelblua koloro estas ankaŭ en la plumaro sur la kruroj, kiuj estas bluecaj). La blua dorso estas dividita: la supra duono estas belege brilblua kaj la suba helblua, kaj la limo konsistas el ĉeno de helbluaj plumoj kun malhelblua konturo (4 grandaj centre kaj tri malgrandaj komence). Ankaŭ la vosto estas blueca.

Libroj

• Tits, Nuthatches and Treecreepers, Harrap and Quinn, (angle) ISBN 0-7136-3964-4
• The Nuthatches, Erik Matthysen, Academic Presss 1998, (angle) ISBN 0-85661-101-8

Eksteraj ligiloj

• filmo de Blua sito