Don Camillo
| Don Camillo | |
|---|---|
| literatura rolulo | |
| Kreita de | Giovannino Guareschi |
| Rolita de | Fernandel |
| Informoj | |
| Sekso | vira |
| Nacieco | Italio |
| Religio | katolikismo |
| Okupo | paroĥestro |
| Malamikoj | Peppone |
Don Camillo ("pastro Camillo") estas fikcia itala pastro, unu el la du ĉefroluloj de la humura libroserio "Don Camillo kaj Peppone" de Giovannino Guareschi, kaj de la filmoj bazitaj sur la serio, kie lin rolas Fernandel.
Don Camillo kaj Peppone estas la du kontraŭaj potenculoj en eta itala vilaĝo: Jen la katolika pastro, fortega, kolerema, kiu ofte dialogas kun Jesuo sur krucifikso en lia preĝejo; jen la urbestro, komunisto, kiu knabaĝe estis messervanto sed nun luktas por la proletara revolucio - se necese, kun armiloj. Malgraŭ iliaj opoziciaj ideologioj, ilin tamen kunigas forta sento por justeco kaj zorgo por la malfortaj en la socio.
