Evaldo Pauli

Evaldo Pauli
Persona informo
Naskiĝo	24-an de februaro 1925 (1925-02-24) en Antônio Carlos
Morto	17-an de aŭgusto 2014 (2014-08-17) (89-jaraĝa) en Florianópolis
Lingvoj	Esperanto
Ŝtataneco	Brazilo
Okupo
Okupo	esperantisto verkisto

Evaldo PAULI (naskiĝis la 24-a de Februaro 1925 en Antônio Carlos, Brazilo, mortis la 17-an de Aŭgusto 2014 en Florianópolis, Brazilo) estis brazila esperantisto, profesoro kaj honora membro de UEA (2002).

Li diplomitiĝis pri filozofio kaj instruis ĝin dum la tuta vivo. Nun li estas emerita profesoro de la Federacia Universitato de Sankta Katarino, post tridek jaroj da laboro (1955-1985). Li profesoris ankaŭ en UNIVALI - Universitato de "Vale do Itajaí" kaj en AIS - Akademio Internacia de Sciencoj de San Marino. Li estas membro de la Brazila Akademio de Filozofio, Instituto Histórico e Geográfico de Santa Catarina (Historia kaj Geografia Instituto de Sankta Katarino), kaj Academia Catarinense de Letras (Sankta Katarina Beletrisma Akademio). En la Esperanta movado membro de:

• Brazila Esperanto-Ligo,
• Esperanto-Asocio de Sankta Katarina.
• iama prezidanto de Kultura Fondaĵo Simpozio.
• iama prezidanto de FAT - Filozofia Asocio Tutmonda.
• delegito de Universala Esperanto-Asocio.

Liaj grandaj kontribuoj al la Esperanto-movado estas en la kampo de kulturo kaj tute aparte en filozofio. En Gazetara Komuniko de UEA Nr-o 554 li estis taksita „la plej elstara Esperanto-aganto en la kampo de filozofio dum la lastaj jardekoj“. Li estis fondinto de la fondaĵo Simpozio, kreinto de la Filozofia Enciklopedio, verkinto de lernolibroj kaj de filozofiaj libroj kaj prezidanto de la Filozofia Asocio Tutmonda.

Verkoj

• Mil Jaroj de Kristana Filozofio, Eldonejo Simpozio, Florianopolo, 1985.

Eksteraj ligiloj

• Enciklopedio Simpozio: interreta projekto redaktata de Evaldo Pauli Arkivigite je 2007-08-26 per la retarkivo Wayback Machine