Ferenc Mayerffy
| Ferenc Mayerffy | |
|---|---|
| |
| Persona informo | |
| Naskiĝo | 1776 en  Pest (urbo) (Hungara reĝlando, Aŭstra Imperio)
|
| Morto | la 7-an de septembro 1845 en urbo Pest
|
| Ŝtataneco | Hungario 
|
| Okupo | |
| Okupo | agronomo
|
Ferenc Mayerffy [majerfi], laŭ hungarlingve kutima nomordo kaj kun plena nomo Mayerffy Xavér Ferenc estis hungara bierfaristo, vitisto. Lia familia nomo estis Mayer ĝis 1796, ĝuste tiam li ricevis nobelecon.
Ferenc Mayerffy[1] naskiĝis en 1776 en Pest (urbo) (Hungara reĝlando, Aŭstra Imperio), li mortis la 7-an de septembro 1845 same urbo Pest.
Biografio
[redakti | redakti fonton]Ferenc Mayerffy heredis profesion de la patro kaj ankaŭ li estis bierfaristo. Inter 1805-1809 li laboris en la familia bierfarejo en Buda, poste li establis bierfarejon en urbo Pest. Pli frue en 1799 li parte luis, parte aĉetis bienon en nuna loko de Pestszentlőrinc, kie li produktis plantajn konsistaĵojn de la biero. Baldaŭ li havis bienojn en diversaj lokoj. Li plantis ankaŭ vitojn kaj persikarbojn. Li bredadis ĉevalojn kaj aliajn bestojn. En 1814 Francisko la 1-a (Aŭstrio), Frederiko Vilhelmo la 3-a (Prusio) kaj Aleksandro la 1-a (Rusio) kune vizitis imponan bienon de Mayerffy. Li estis ne nur riĉa, sed ankaŭ bonkora, li donacis sumojn ekzemple Hungara Scienca Akademio, Hungara Teatro, senhejmuloj pro inundo de Danubo (1838). Li apartenis al amika rondo de István Széchenyi. Li edziĝis dufoje.
Memorigiloj
[redakti | redakti fonton]Tiu areo, kie kuŝas Internacia Flughaveno Budapeŝto de Ferenc Liszt havas la nomon "Ferihegy". Ene Feri estas karesnomo de Francisko, ja iam tie estis bieno de Ferenc Mayerffy.
Fontoj
[redakti | redakti fonton]- hungarlingva biografio kun bildo
- hungarlingva biografio kun bildo
- hungarlingva biografio (la koncerna teksto estas legebla post klako al majusklo M, poste serĉu la nomon)
- [1]