Berg TG

Berg TG
	Blazono de Berg TG
	Panoramo de Berg TG
komunumo en Svislando
Kantono	Turgovio
Distrikto	Weinfelden
Koordinatoj	47° 34′ 0″ N 9° 10′ 0″ O / 47.56667 °N, 9.16667 °O (mapo)Koordinatoj: 47° 34′ 0″ N 9° 10′ 0″ O / 47.56667 °N, 9.16667 °O (mapo)
Nombro de loĝantoj	3058
Areo	13,1 km²
Alteco	540 m super marnivelo
Poŝtkodo	8572
Komunumkodo	4891
	Mapo de Berg
	v • d • r

Por aliaj signifoj, bv. rigardi la apartigilan paĝon: Berg

Berg TG estas komunumo en la distrikto Weinfelden de Kantono Turgovio, Svislando. Ĝi havis 3058 loĝantojn je la 31-a de decembro 2007. (La literoj TG post la nomo estas mallongigo por Kantono Turgovio kaj staras por distingi la lokon de aliaj lokoj kun la sama nomo.)

Geografio

Mauren situas ĉe la suda flanko de la montoĉeno Seerücken en la centro de la Kantono Turgovio.

Al la komunumo Berg apartenas krom Berg mem la municipoj Andhausen, Graltshausen, Guntershausen ĉe Berg kaj Mauren.

Najbaraj komunumoj

Berg TG limas al Birwinken, Bürglen TG, Kemmental, Lengwil kaj Weinfelden.

Trafiko

Berg estas bone konektita al la publika trafikreto per la trajnlinio de Weinfelden al Konstanco, kiu antaŭe apartenis al la Mezturgovia Fervojo kaj nuntempe estas servata per regionaj trajnoj de la fervojkompanio THURBO AG. La komunumo disponas pri du haltejoj ĉe la linio, nome Berg kaj Kehlhof.

Historio

La unua dokumenta mencio de Berg datiĝas el la jaro 796 kiel Berga. La unua skriba mencio de Andhausen datiĝas el la jaro 1159 kiel Anninhusin, tiu de Mauren el la jaro 1233 kiel Muron, tiu de Graltshausen el la jaro 1245 kiel Gralsshusen kaj tiu de Guntershausen ĉe Berg el la jaro 1291 kiel Gundhartzhusen.

La hodiaŭa politika komunumo Berg TG estis kreita la 1-an de januaro 1995 kadre de la turgovia komunumreformo. Ĝi estiĝis per la kunigo de la iama municipkomunumo Berg kun ties eksaj lokkomunumoj Andhausen, Graltshausen, Mauren, kaj Guntershausen, kiu antaŭe apartenis al la lokkomunumo Birwinken kaj nun ekde la komunumreformo nomiĝas Guntershausen ĉe Berg.