Ritacuba Blanco

Ritacuba Blanco
monto
Alteco	5 410 m
Geografia situo	6° 30′ N, 72° 18′ U (mapo)6.4941666666667-72.2975 f4
Ritacuba Blanco (Kolombio) DEC Situo de Ritacuba Blanco

Ritacuba Blanco el okcidento.

Ritacuba Blanco aŭ Blanka Ritakubo estas la plej alta montopinto de la Orienta Kordilero, en Andoj de Kolombio. Ĝi estas nomita ankaŭ Ritak'uwa, antikva nomo el la Uŭa, nome indiĝena popolo kiu loĝas en la malaltaj teroj de Nacia Parko Cocuy, kie situas la Blanka Ritakubo. La termino Blanka aludas al la neĝo kiu kovras la montopinton.

La pinto estas alirebla el okcidento tra la urbo El Cocuy, la vilaĝo Güicán kaj la domaro Las Cabañas (La Kabanoj). La piedirado estas tre facila, sed la vetero ne estas fidinda, kaj oni devas trapasi glaĉeron.

Pro la tutmonda varmiĝo, ties glaĉero fandiĝas rapide, retroirante suben 25 liniajn m jare; same okazas je gapigaj rapidoj al aliaj neĝokovritaj tropikaj montoj en Kolombio. En 1950, la glaĉero de Ritacuba Blanco etendis al 4 500 m super marnivelo; en Januaro 2007 ties plej malalta punkto estis je 4 800 m super marnivelo. Se tiu fandindico pluas, oni supozas, ke la glaĉero malaperos antaŭ 2025.

Literaturo

• John Biggar, The Andes, A Guide for Climbers, Andes, 3a eldono, 2005, ISBN 0-9536087-2-7

Eksteraj ligiloj

• Detalo de la montopinto de Ritacuba Blanco kaj lokoj ĉirkaŭ ĝi Arkivigite je 2017-02-02 per la retarkivo Wayback Machine
• Parque Nacional Natural El Cocuy Arkivigite je 2014-05-19 per la retarkivo Wayback Machine Informo en hispana pri la Nacia Parko kie situas la Ritacuba Blanco.
• Ritacuba Blanco ĉe retejo pri Andoj Arkivigite je 2007-10-09 per la retarkivo Wayback Machine