Tamtamo

Tamtamo^[1] estas metala frapinstrumento, pendigita en aero, simila al gongo.

Priskribo

La tamtamo estas origine Azia frapinstrumento, konsistanta el granda metala disko, pendigita en aero per ŝnuro. Ĝi estas frapata per granda frapilo.

La tamtamo aspektas simile al la gongo. Tamen, la sono de la tamtamo konsistas el kontinua gamo de frekvencoj, tiel ke la tono ne estas certa, malsimile al la gongo.^[2].

La nomo tamtamo estas ankaŭ kelkfoje uzata kiel ĝenerala nomo de diversaj Afrikaj frapinstrumentoj, kiuj ne estas metalaj, uzataj por sendi mesaĝojn foren.^[1]

Historio

La metala tamtamo devenas de Azio. François-Joseph Gossec estis la unua Eŭropa komponisto, kiu uzis la tamtamon; li uzis ĝin en 1791, por la Funebra marŝo (france Marche funèbre) komponita por la morto de Honoré Gabriel Riqueti de Mirabeau. Post Gossec, aliaj komponistoj (Luigi Cherubini, Daniel Steibelt, Gaspare Spontini ktp.) ekuzis la tamtamon en Eŭropa klasika orkestra muziko.

Referencoj

↑ ^1,0 ^1,1 Nova Plena Ilustrita Vortaro de Esperanto: tamtam/o
↑ Thomas, Olivier. Analyse et modélisation de vibrations non-linéaires demilieux minces élastiques - Application aux instrumentsde percussion (france). Universitato Pierre kaj Marie Curie (2001).

Kategorio Tamtamo en la Vikimedia Komunejo (Multrimedaj datumoj)

[NPIV-1] 1,0 ^1,1 Nova Plena Ilustrita Vortaro de Esperanto: tamtam/o

[2] Thomas, Olivier. Analyse et modélisation de vibrations non-linéaires demilieux minces élastiques - Application aux instrumentsde percussion (france). Universitato Pierre kaj Marie Curie (2001).

[1]

[2]