Scribd Logo
Cargar

¡Te damos la bienvenida a Scribd!

  • 239 vistas

    Clase 9 Simeóna

    Cargado por

    mcarisimo34

    Copyright:

    © All Rights Reserved
    Descargue como PDF, TXT o lea en línea desde Scribd

    Clase 9 Simeóna

    Cargado por

    mcarisimo34
    239 vistas4 páginas

    Derechos de autor

    © © All Rights Reserved

    Formatos disponibles

    PDF, TXT o lea en línea desde Scribd

    ¿Le pareció útil este documento?

    ¿Este contenido es inapropiado?

    Copyright:

    © All Rights Reserved
    Descargue como PDF, TXT o lea en línea desde Scribd
    Descargar como pdf o txt
    239 vistas4 páginas

    Clase 9 Simeóna

    Cargado por

    mcarisimo34

    Copyright:

    © All Rights Reserved
    Descargue como PDF, TXT o lea en línea desde Scribd
    Descargar como pdf o txt
    de 4

    INSTITUTO DE FORMACIÓN DOCENTE “GRAL.E.

    AQUINO”
    Ciudad de Gral. Elizardo Aquino – Dpto. San Pedro
    Calle Curupayty e/ 24 de Mayo y 25 de Octubre
    Ifd Aquino Mec [email protected] 0418 – 215399
    Visión: Ciudadanos reflexivos, críticos y generadores de cambio en el contexto donde se desenvuelven.
    COORDINACION DEL PROFESORADO DE FORMACION DOCENTE INICIAL
    PROFESORADO DE E.E.B. para el 1º y 2º Ciclos. “La Nueva Formación Docente” CURSILLO DE
    INGRESO – COHORTE 2.024 – 2.026

    Módulo: Comprensión lectora en lenguas oficiales (Guaraní)


    Catedrática: Lic. Gloris Lorenza Galeano Navarro
    Katupyryrã: Ohesa’ŷijo opaichagua moñe’ěrã guaraní ha guaraníme jaguerekóva Paraguáipe
    ohechakuaakuévo ko’ã mba’e:
    Ejesareko porã emoñe’ẽ jave ko moñe’ẽrã, ejapo haḡua chugui upéi
    tembiapoeta.
    Simeóna

    Eguapymína che ykére tamombe’u ndéve ko che rekove: Chéko heta mba’e areko ha’eva’erãhína.
    Ambotyramoite jave katórse áño mamíta chemomendami peteĩ karia’y de tréinta áñore. Chéningo ndaikuaái
    mba’épa he’ise la ñemenda ha ajapómanteningo la che sy he’íva chéve. Simeóna, pe karai’ýko ipláta
    heta, ndeguerekoporãtako. Ko’ẽrõitéko che amanova’erã ha reikotevẽta peteĩ arriéro neamparava’erã che
    memby.

    Oikopa rire la fárra roho peteĩ ogaguasúpe, Villarríkape. Ha’ekatu cheretũséntevoi. Che katu akyhyje
    chugui ha añemoĩ adipara okupe gotyo. Opuka puku cherehe ha chemuña ápe ha pépe. Che, che sái che
    pópe ha che sapatu un lado ajere pe póso rehe. Oiméningo la kuátro de la mañana rupira’e pe che
    kane’õvu rire ajeity pe kapi’ipépe ha apyta ake. Upéi apáy peteĩ tupa potĩ porãme añandúgui tuguy osyry
    che retymáre.

    Nuéve mése rire katu ambotororemahína mitã kyhápe. Peteĩ pyharépe hasẽva hasẽva ko inosénte sin parar.
    La che ména katu de dónde. Che añemoĩ ajahe’o avei ko che memby porãite ndive. Ajopýanganingo
    hatã pe ijapysami che pyti’áre ha okirirĩ. Oreko’ẽ oñondivemi upépe che kambire ijurúpe. Upe árape
    ndajatapýi.

    Chekueráigui chugui aju Paraguaýpe. Ko’ápe ajejuhu peteĩ kamba jukýre. Iguénoko chendive. Itrabajador
    ha ikuñaséro, ha la pavaláta výresa henondépe. Chememby chugui jaguáicha ha oremboriahuve anguja
    tupãógui. Upéi katu Ñandejára oity ko’ẽre aguejýma katu rrío kótape aipokyty hagua ao ky’a ahéno
    amongaru hagua che membykuérape. Ha’ekatu oiméne iko’ẽra’e Ña Margo pupilakuéra ndive. Embohasa
    chéve pe kalavasíta rogue che memby ha pe che náko oĩva rrádio atukupépe. Reho mboyve emoĩ hatãmie
    chéve pe novéla amokã aja che resay.

    Pyharekue chekeraguata ha añe’ẽreipa. Mba’e rejapo ko árape Simeóna?. Ajapo kosído mitãnguérape guarã.
    Ajohéi Ña Sartu ao ky’a. Akosina puchéro. Agueroja y, haimete amano cheahy’opa’ãgui peteĩ so’o pedásope
    ha Pelóncho cheipytyvõ oitývo pe ipokuetuja che lómore. Peloncho?. Ha’éma ndéve anive hagua reñe’ẽti
    hendive. Péaningo ojegusta nderehe hína ndesinverguénsa reikóva.
    Ha’éichava iselóso ndaipóri ko múndope. Máva piko omañavéta ko so’okangue montón rehe? Oiva’erã
    piko la cherayhúva gueteri ko yvy ape ári?.

    Che membykueramimi ojeheka cheipytyvõ hagua Ikunu’ũnguéramante chemombarete aguerotyryry hagua


    ko che rekovemi che lómore Ñandejára he’i peve vásta. Kuimba’égui ndaikuaasevéima mba’eve. Simeóna,
    ko’ẽrõitéko che amanova’erã ha reikotevẽta peteĩ arriéro neamparava’erã che memby. Tuicha rejavy mamíta.
    Anive chembotavýtei.

    Nelson Aguilera rembiapokue.


    Emoñe’ẽ porãke ã porandukuéra, ehesa’yijo opa mbohovái oñeme’ẽva ndéve ha emongora upe
    tai oguerekóva ñembohovái hekoitépe. Peteĩ tai añónte oguereko mbohovái hekopete.
    1. Ã ñembohovái apytégui piko máva hína moñe’ẽrã rehe oñe’ẽva.
    a. Kuña ñemomba’e’ỹ sociedápe
    ã. Jepy’apy sy imembýre
    ch. Kuña rembiasa hekove pukukuépe
    e. Kuña ñemomba’e sociedápe
    2. Haihára piko mba’e omoguahesẽ upe omoñe’ẽvape
    a. Ombovy’a haçua omoñe’ẽva upe tema rehe
    ã. Oipota omoñe’ẽva ombyasy upe tema rehe
    ch. Ojapo peteĩ denuncia omoñe’ẽvape upe tema rehe
    e. Omomaranduse omoñe’ẽvape upe tema rehe

    3. Simeóna heta mba’e ohasa ára ha ára. Mávapa omoirũ chupe hekove jehasápe.
    a. Isy
    ã. Imembykuéra
    ch. Iména
    e. Pelóncho

    4. Simeóna ndojehayhúi ijupe ojekuaa ã ñe’ẽjoaju rupive.


    a. Omenda peteĩ karia’y ohayhu’ỹvape
    ã. Imemby heta upe kamba jukúgui
    ch. He’ihaguépe maavéa omañave’ỹta hese
    e. Ojahe’ógui imemby ndive

    5. Moñe’ẽrãme ningo heta apañuái jahechakuaa. Mávapa hína upéva.


    a. Peteĩ apañuái op árape oikóva kuña rehe sociedápe
    ã. Peteĩ apañuái kuña Paraguaypeguánte ohasáva
    ch. Peteĩ apañuái ymavénte ojehecháva ohasaha kuña sociedápe
    e. Peteĩ apañuái oñembotapykuéma ñande sociedápe ko’aga rupi

    6. Oipy’apýva Simeóna sýpe ningo…


    a. Omanotamaha ha’e
    ã. Imemby oikuaa’ỹva ñemendágui
    ch. Ijahy’opa’ãgui so’o pedásope
    e. Imemby opytaramo ha’eño ko arapýre

    7. Ko moñe’ẽẽrã ningo…
    a. Mombe’urã
    ã. Morangu
    ch. Mombe’upyrusu
    e. Mombe’ugua’u

    8. ¿Mávapa ã serie apytépe ha’e hína tenda oikohague moñe’ẽrã?


    a. Tupão - rrádio atukupépe
    ã. Villarríka - Paraguaýpe
    ch. Ñ a Margo rógape - ysyry rembe’ýre
    e. Peloncho rógape – póso jerére

    9. Mávapa ã serie apytépe omombe’u mba’eichaitépa hína Simeóna.


    a. Iplatapota –iñembotavy – ikyre’ỹ
    ã. Itie’ỹ – hesangy – imbarete
    ch. Iñeha’ã– noñemomba’éi – imembyrayhu
    e. Iñe’ẽrei – ipy’aguasu - imara’ỹ
    10. … Oity pe ipokuetuja che lómore, oipuru ñe’ẽtemaindu
    a. Ñ ehendúva
    ã. Ipireandúva
    ch. Ñehetũva
    e. Jehecháva

    11. Mba’e trámapa ojehechakuaa moñe’ẽrãme.


    a. Descriptiva - narrativa
    ã. Explicativa - descriptiva
    ch. Narrativa - dialogada
    e. Dialogada - descriptiva
    12. Ko techapyrãme “Chéko heta mba’e areko ha’eva’erãhína…. Ambotyramoite jave katórse áño
    mamíta chemomendami….” Ojehechakuaa.
    a. Oñemombe’ u ava mbohapyhápe ha ha’evoi ohecha mba’épa he’i ha ojapo umi avakuéra.
    ã. Oñemombe’u ava peteĩháme, oikuaágui avakuéra ojapóva ha avei hemimo’ã
    ch. Oñemombe’u ava mbohapyhápe, oikuaágui avakuéra ojapóva ha hemimo’ã avei
    e. Oñemombe’u ava mokõiháme ohechágui mba’épa ojapo umi avakuéra
    13. Máva ã avakuéra apytépe jehechakuaa ojoavyha Simeóna rekovégui.
    a. Iména ypy
    ã. Imembykuéra
    ch. Isy
    e. Pelóncho

    14. Ko techapyrãme “Ajopyanganingo hatã pe ijapysami che pyti’áre ha okirirĩ” oipuru


    a. Ñe’ẽmbotuicháva
    ã. Ñe’ẽtemiandukõi
    ch. Tekome’ẽva
    e. Ñe’ẽhekopegua’ỹva

    15. “Nueve mese rire ambotororémahína mitã kyhápe” ojehai


    a. Joparápe
    ã. Guaranietépe
    ch. Jopara ha jehe’ápe
    e. Jehe’ápe

    16. “…reikotevẽta peteĩ arriéro neamparava’erã che memby” ojehai


    a. Jopara ha jehe’ápe
    ã. Jehe’ápe
    ch. Joparápe
    e. Guaranietépe

    17. ¿Mba’e relación léxicapa oĩ ko’ã ñe’ẽme ojejuhúva moñe’ẽrãme?


    “… apyta ake . Upéi apáy tupa potĩme”
    a. Deixis
    ã. Ñe’ẽhe’isejojáva
    ch. Pronominalización
    e. Ñe’ẽhe’iseavýva

    18.Mba’e relación léxicapa oĩ Ko’ã techapyrãme


    “mitã- inosénte / kuimba’e - arriéro”
    a. Elipsis
    ã Deixis
    ch.Ñe’ẽmyengovia
    e. Terarangue
    19.Mba’erelación léxicapa oĩ ko techapyrãme
    “… Ko’ápe ejejuhu peteĩ kamba jukýre… Che memby chugui jaguáicha… Ha’ekatu oiméne iko’ẽ
    a. Terarangue
    ã. Elipsis
    ch. Deixis
    e. Ñe’ẽmyengovia
    20. Mba’erelación léxicapa oĩ ko techapyrãme
    …“adipara okupe gotyo. ? Opuka puku cherehe” / Chemembykueramimi ojeheka cheiptyvõ hagua ?
    Ikunu’ũmante chemombarete
    a. Terarangue
    ã. Elipsis
    ch. Deixis
    e. Ñe’ẽmyengovia

    21. Mba’eichagua referénciapa ojepuru ko techapyrãme


    …“karia’y de treinta áñore … akyhyje chugui”
    a. Referencia endofórica
    ã. Referencia catafórica
    ch. Referencia exofórica
    e. Referencia anafórica

    22. Mba’eichagua referénciapa ojepuru ko techapyrãme


    …“oiméne iko’ẽ Ñ a Margo pupilakuéra ndive”
    a. Referencia catafórica
    ã. Referencia endofórica
    ch Referencia exofórica
    e. Referencia anafórica

    23 …“chemuña ápe ha pépe” oipuru deixis


    a. Sustituto de
    lugar
    ã Sustituto
    ch. Determinante
    e. Sustituto de tiempo

    24. “…Upéi apáy tupa potĩ porãme…” ko ñe’ẽjoaju oipuru


    a. Sustituto
    ã. Determinante
    ch. Sustituto de tiempo
    e. Sustituto de lugar

    25. … “pe chekane’õvu rire” ha’ehína deixis.


    a. Sustituto de tiempo
    ã. Sustituto de lugar
    ch Sustituto
    e. Determinante

    También podría gustarte