Giulio Natta

Giulio Natta

Biografía
Nacemento	26 de febreiro de 1903 Porto Maurizio, Italia
Morte	2 de maio de 1979 (76 anos) Bérgamo (Italia)
Causa da morte	párkinson
Educación	Universidade Politécnica de Milán
Actividade
Campo de traballo	Química orgánica
Lugar de traballo	Pavia Milán Turín Roma
Ocupación	químico, inventor, profesor universitario
Empregador	Universidade Politécnica de Milán Universidade de Milán Universidade de Pavia Universidade de Roma La Sapienza Universidade politécnica de Turín
Membro de	Accademia delle Scienze di Torino (1958–) Accademia Nazionale delle Scienze detta dei XL Academia de Ciencias de Rusia Academia francesa das ciencias Academia de Ciencias da URSS
Premios
(1969)  Medalla de Ouro Lomonosov (1963)  Premio Nobel de Química (1963)  Medalla John Scott  Cabaleiro da Gran Cruz da Orde ao Mérito da República Italiana
Descrito pola fonte	Grande Enciclopedia Soviética 1969-1978, (sec:Натта Джулио) Obálky knih, Enciclopedia soviética armenia, volume 8, (p.196)
Páxina web	giulionatta.it

Giulio Natta, nado o 26 de febreiro de 1903 en Porto Maurizio, actual Imperia (Italia) e finado o 2 de maio de 1979 en Bérgamo (Italia), foi un químico e profesor universitario italiano galardoado co Premio Nobel de Química do ano 1963.

Traxectoria

Diplomado con apenas 16 anos no Liceo-Ginnasio Cristoforo Colombo de Xénova doutorouse en 1924 en enxeñería química no Instituto Politécnico de Milán. En 1933 foi nomeado profesor de química na Universidade de Pavia, en 1935 o foi da Universidade de Roma, entre 1936 e 1938 do Instituto Politécnico de Química Industrial de Turín e finalmente en 1938 xefe do departamento de enxeñería química do Instituto de Milán.

Investigacións científicas

As súas primeiras investigacións culminaron en novos métodos de sínteses do metanol, pero a partir de 1950 dedicouse case exclusivamente á química dos altos polímeros. En 1954 conseguiu manufacturar polipropileno cunha alta cristalización fraccionando mesturas amorfas, sendo denominado "isotáctico" pola simetría espacial da súa estrutura molecular.

Continuando os seus estudos sobre os polímeros macromoleculares, contribuíu de xeito extraordinario ao actual coñecemento do mecanismo de acción dos catalizadores estereoespecíficos e dos polímeros de estrutura espacial de gran regularidade.

En 1963 foi galardoado, xunto ao químico alemán Karl Ziegler, co Premio Nobel de Química polo seu traballo no estudo de catalizadores para a polimerización estereoselectiva de polialquenos terminais, os chamados Catalizadores Ziegler-Natta.

Véxase tamén

Outros artigos

• Proxección de Natta
• Premio Nobel de Química

Ligazóns externas

• Páxina web do Instituto Nobel, Premio Nobel de Química 1963 (en inglés)
• Biografía na páxina do Instituto Nobel 1963 (en inglés)
• Biografias e vidas (en castelán)

Predecesor: John Cowdery Kendrew e Max Ferdinand Perutz

Premio Nobel de Química 1963 compartido con Karl Ziegler

Sucesor: Dorothy Crowfoot