Robert M. Patterson

Robert Maskell Patterson
	; Retrato e sinatura de Robert M. Patterson; Director da Casa da Moeda dos Estados Unidos; (1835-1851);
Biografía
Nacemento	23 de marzo de 1787; Filadelfia; Pensilvania.
Morte	5 de setembro de 1854 (67 anos); Filadelfia; Pensilvania.
País de nacionalidade	Estadounidense
Educación	Universidade de Pensilvania.
Actividade
Ocupación	Químico, matemático, médico e director da US Mint
Empregador	Universidade de Virxinia ; Universidade de Pensilvania
Membro de	Academia das Artes e das Ciencias dos Estados Unidos ; Sociedade Filosófica Estadounidense
Familia
Fillos	Helen Hamilton Patterson
Premios
	Membro da Academia Estadounidense das Artes e as Ciencias ;

Para o artigo referido ao seu pai, tamén director da Casa da Moeda dos EEUU, véxase Robert Patterson

Robert Maskell Patterson, nado en Filadelfia o 23 de marzo de 1787 e finado na mesma cidade o 5 de setembro de 1854, foi un químico, matemático e médico estadounidense, profesor das Universidades de Pensilvania e de Virxinia.

Patterson desempeñou o posto de director da Casa da Moeda dos Estados Unidos entre 1835 e 1851.

Traxectoria

Primeiros anos e formación

Robert M. Patterson naceu en Filadelfia o 23 de marzo de 1787, un dos oito fillos de Amy Hunter Ewing e de Robert Patterson,^[1] un profesor de Matemáticas na Universidade de Pensilvania e director da Casa da Moeda entre 1806 e 1824,^[2]^[3] que emigrara ás colonias de Norteamérica desde a súa Irlanda natal.

Patterson cursou os seus estudos superiores de Artes na Universidade de Pensilvania, onde se graduou en 1804. Posteriormente formouse en Medicina baixo a dirección do doutor Benjamin S. Barton, e acadou o seu doutoramento en Medicina en 1808.^[2]^[1]^[4]^[5]

Os anos seguintes viaxou por Europa para proseguir os seus estudos de Medicina, Matemáticas e diversas disciplinas científicas. En París formouse en1809 e 1810 con Haüy, Vauquelin, Legendre e Poisson. En 1811, en Inglaterra estudou Química con Humphry Davy.^[2]^[1]^[6]

Carreira académica e científica

De regreso nos Estados Unidos en 1812, acadou un posto como profesor de Matemáticas, Filosofía Natural e Química na Universidade de Pensilvania, que mantivo ata 1828, cando se trasladou a exercer a docencia na Universidade de Virxinia.^[2]^[1]^[4]

En 1834 foi elixido membro asociado da Sociedade das Artes e das Ciencias dos EEUU,^[7] e o ano seguinte deixou a universidade e regresou a Filadelfia para ocupar o posto de director da US Mint.^[8] En 1836, un comité da Sociedade Filosófica Americana pediulle que redactase un breve informe para as observacións astronómicas e físicas que debería levar a cabo a Expedición Exploradora dos Estados Unidos, que partiu en 1838. Patterson foi a persoa máis nova en formar parte da Sociedade Filosófica Americana, con só 22 anos, en 1809.^[9] Despois foi secretario e da sociedade en 1813, vicepresidente en 1825 e finalmente presidente a partir de 1849.^[2]^[4]^[10]

Robert M Patterson interesouse sinaladamente pola cifraxe e intercambia adoito correspondencia cifrada con Thomas Jefferson. Un dos seus escritos cifrados, incluído nunha carta datada o 19 de decembro de 1801 dirixida a Jefferson, non foi descifrado ata 2007, por Lawren Smithline.^[11] O texto cifrado, que consta de sete bloques de díxitos e que se descifra desencriptando sete bloques á vez, é a Declaración de Independencia, da que Jefferson fora o principal autor.^[12] Patterson considerábaa a súa "cifraxe perfecta" e Jefferson considerou a posibilidade de adoptala para uso gobernamental.^[13]

Director da Casa da Moeda dos Estados Unidos

Artigo principal: Director da Casa da Moeda dos Estados Unidos.

Robert Maskell Patterson foi nomeado director da Casa da Moeda dos Estados Unidos polo presidente Andrew Jackson, e o nomeamento foi confirmado polo Senado o 5 de xaneiro de 1835. Patterson ocupou o posto durante 15 anos, xa que dimitiu por problemas de saúde en xullo de 1851.^[1] O seu pai xa ocupara o mesmo posto entre 1806 e 1824, e o seu predecesor inmediato fora o seu cuñado, Samuel Moore (1824-1835).^[14]

Durante o seu mandato introduciuse na ceca a enexía de vapor e outras innovacións que igualaron a calidade da cuñaxe coa das casas de moeda máis prestixiosas de Europa. Patterson supervisou tamén a saída á circulación de varias emisións novas, como os vinte dólares e o dólar de ouro en 1849 e 1850, ou a moeda de tres centavos en 1851.^[1]^[14]

Vida familiar

Patterson casou o 20 de abril de 1814 con Helen Hamilton Leiper^[15] (1792-1874) filla de Thomas Leiper, un comerciante e político local que participara na Guerra de Independencia.

A doenza que o obrigara a dimitir como director da Casa da Moeda causoulle a morte o 5 de setembro de 1854.^[1] O seu corpo foi soterrado no cemiterio Laurel Hill, de Filadelfia.^[16]

Notas

↑ ^1,0 ^1,1 ^1,2 ^1,3 ^1,4 ^1,5 ^1,6 "Robert Maskell Patterson, M. D. Director of the Mint". En Failor, K. M.; Hayden, E. (1969). Medals of the United States Mint. US Government Printing Office. Páxina 131.
↑ ^2,0 ^2,1 ^2,2 ^2,3 ^2,4 Obituario de Patterson, en Proceedings of the American Philosophical Society Held at Philadelphia for Promoting Useful Knowledge. American Philosophical Society. 6 (52): 60–65. 1854
↑ Breck, S. (1854). Páxina 8.
↑ ^4,0 ^4,1 ^4,2 "Robert Maskell Patterson. 1787-1854". En Addison, A. (1940). Portraits in the University of Pennsylvania. University of Pennsylvania Press. Páxina 12.
↑ Breck, S. (1854). Páxina 9.
↑ Breck, S. (1854). Páxinas 9-11.
↑ "Members: Robert Maskell Patterson". American Academy of Arts & Sciencies.
↑ Breck, S. (1854). Páxina 14.
↑ "Member History (2)". American Philosophical Society.
↑ Breck, S. (1854). Páxinas 12-13.
↑ Lambert, C. (2009). "Coded to Last. Jefferson's Conundrum". En Harvard Magazine. Xullo-agosto.
↑ "Encrypt text like Robert Patterson. An explanation and a demonstration of the Patterson cipher". En Magicode.org. 3 de xullo de 2009.
↑ Silverman, R. E. (2009). "Two Centuries On, a Cryptologist Cracks a Presidential Code". En The Wall Street Journal. 2 de xullo.
↑ ^14,0 ^14,1 "U. S. Mint Medals Presented to Mint Director Robert M. Patterson". NGC Collectors Society. 27 de novembro de 2012.
↑ Breck, S. (1854). Páxina 12.
↑ "Robert Maskell Patterson". Ancestry.com

Véxase tamén

Predecesor: Samuel Moore	Director da Casa da Moeda dos Estados Unidos 1835 - 1851	Sucesor: George Nicholas Eckert

[:0-1] 1,0 ^1,1 ^1,2 ^1,3 ^1,4 ^1,5 ^1,6 "Robert Maskell Patterson, M. D. Director of the Mint". En Failor, K. M.; Hayden, E. (1969). Medals of the United States Mint. US Government Printing Office. Páxina 131.

[:3-2] 2,0 ^2,1 ^2,2 ^2,3 ^2,4 Obituario de Patterson, en Proceedings of the American Philosophical Society Held at Philadelphia for Promoting Useful Knowledge. American Philosophical Society. 6 (52): 60–65. 1854

[3] Breck, S. (1854). Páxina 8.

[:1-4] 4,0 ^4,1 ^4,2 "Robert Maskell Patterson. 1787-1854". En Addison, A. (1940). Portraits in the University of Pennsylvania. University of Pennsylvania Press. Páxina 12.

[5] Breck, S. (1854). Páxina 9.

[6] Breck, S. (1854). Páxinas 9-11.

[7] "Members: Robert Maskell Patterson". American Academy of Arts & Sciencies.

[8] Breck, S. (1854). Páxina 14.

[9] "Member History (2)". American Philosophical Society.

[10] Breck, S. (1854). Páxinas 12-13.

[11] Lambert, C. (2009). "Coded to Last. Jefferson's Conundrum". En Harvard Magazine. Xullo-agosto.

[12] "Encrypt text like Robert Patterson. An explanation and a demonstration of the Patterson cipher". En Magicode.org. 3 de xullo de 2009.

[13] Silverman, R. E. (2009). "Two Centuries On, a Cryptologist Cracks a Presidential Code". En The Wall Street Journal. 2 de xullo.

[:2-14] 14,0 ^14,1 "U. S. Mint Medals Presented to Mint Director Robert M. Patterson". NGC Collectors Society. 27 de novembro de 2012.

[15] Breck, S. (1854). Páxina 12.

[16] "Robert Maskell Patterson". Ancestry.com

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]