Աբիջան (ֆր.՝ Abidjan, էբրիե ցեղի լեզվից թարգմանած՝ նշանակում է կտրտած տերևներ, որ երկպառակությունների վերջ տալու խորհրդանիշ են), քաղաք արևմտաաֆրիկյան Կոտ դ՛Իվուար (նախկին Փղոսկրի ափ) պետությունում, Գվինեական ծոցի ափին։ Այդ պետության խոշորագույն քաղաքն է, նրա տնտեսական ու մշակութային կենտրոնը (նրա մայրաքաղաքն է եղել մինչև 1934 թվականը, երբ մայրաքաղաքը տեղափոխվեց Յամուսուկրո); Միաժամանակ՝ բնակչության թվով երրորդ խոշորագույն ֆրանսալեզու քաղաքն է աշխարհում՝ Փարիզից ու Կինշասայից հետո, իսկ զուտ ֆրանսախոսների թվաքանակի հաշվառմամբ՝ 2014 թվականից ի վեր երկրորդն է աշխարհում[2]։ Համարվում է վարչական կենտրոնը նույնանուն՝ Աբիջանի դեպարտամենտի, որը մտնում է Լագյուն մարզի կազմի մեջ[3]։
Կոտ դ'Իվուար
