Աթենական ագորայի թանգարան

Աթենական ագորայի թանգարան; հուն․՝ Αρχαιολογικό Μουσείο Αρχαίας Αγοράς
Տեսակ	թանգարան և հնագիտական թանգարան
Երկիր	Հունաստան
Տեղագրություն	Աթենքի մունիցիպալիտետ
Վայր	Ատտալոսի ստոա
Ղեկավարության նստավայր	Աթենք, Հունաստան
Հասցե	Αδριανού 24105 55
Հիմնադրվել է	1957
Կայք	odysseus.culture.gr/h/1/eh151.jsp?obj_id=3290

Աթենական ագորայի թանգարան (հուն․՝ Μουσείο Αρχαίας Αγοράς), Աթենական ագորա երկրամասում գտնվող, XX դարի կեսին վերականգնված Ատտալոսի ստոայում (մ.թ.ա. II դարի հուշարձան) տեղակայված հնագիտական թանգարան։

Ընդհանուր տեղեկություն

Թանգարանի բնորոշիչ առանձնահտկությունն այն է, որ ցուցանմուշների մեծ մասը սերտ կապված է աթենական ժողովրդավարության հետ, քանի որ Աթենական ագորան ծառայում էր որպես Հին Աթենքի հասարակական կյանքի կենտրոն։

Ատտալոսի ստոայի ավերակները հայտնաբերվել են Աթենական հնագիտական կազմակերպության կողմից անցկացված պեղումների ժամանակ՝ 1859-ից 1902 թվականների միջև ընկած ժամանակահատվածում։ 1953-1956 թվականներին ամերիկացի արդյունաբերողներ Ռոկֆելլերների ընտանիքը ֆինանսավորեց Աթենքում դասական հետազոտությունների ամերիկյան դպրոցի կողմից ստոայի վերակառուցումը՝ նախնական ենթադրելի տեսքով՝ հատուկ նրա համար, որ այդ շենքում տեղավորի հին ժողովրդավարության^[1] պատմության ցուցադրությունը։

1957 թվականին հունական պետությունն իր վրա վերցրեց թանգարանի ղեկավարման և անվտանգության ապահովման պատասխանատվությունը, ինչպես նաև հետագա հնագիտական պեղումները։

Հիմնական ցուցադրություն

Աթենական ագորայի հավաքման ֆոնդերը ներառում են.

գտածոներ՝ ջրհորներից, հանքավայրերից, դամբարաններից, արվեստանոցներից և տաճարներից՝ մ.թ.ա. IV հազարամյակից մինչև մ.թ.ա. VII դար
կավե, բրոնզե, ոսկրե կամ փղոսկրե, ապակյա օբյեկտներ՝ մ.թ.ա. VI—III դարեր
մ.թ.ա. VI—III դարերի քանդակագործություն
մ.թ.ա. VI դարից մինչև 1831 թվականի մետաղադրամներ
հին հունական կերամիկա մ.թ.ա. VI դար
գրեր՝ թվագրված մ.թ.ա. V—II դարեր
մ.թ.ա. V—II դարերի առարկաներ, որոնք կապված են Աթենքի հասարակական կյանքի հետ, մասնավորապես՝ օստրակոնները
մ.թ.ա. XI—VII դարերի կավե ջահեր
առարկաներ, որոնք գտնվել են խորը ջրհորներում և թվագրված են մ.թ.ա. X—I դարեր
բյուզանդական ժամանակշրջանի և Օսմանյան Հունաստանի կերամիկա, X—XII դարեր և XVII դար
մ.թ.ա. VI դարի սափորների հավաքածու, բյուզանդական ժամանակաշրջան
Ատտալոսի ստոայի սյունազարդ սրահից քանդակներ, մ.թ.ա. V—III դարեր
ստոիցիզմի քանդակներ և ճարտարապետական տարրեր։

Պատկերասրահ

Թանգարանի ցուցանմուշներից
Տղամարդու գլխի քանդակ (մ. թ. 3-րդ դար)
Էրոսի քանդակ (մ.թ. 2-րդ դար)
Թեմիսի քանդակ (մ. թ. ա. 4-րդ դար)
Երիտասարդ Հերմեսի քանդակ (մ. թ. 2-րդ դար)
Սափոր, մ.թ.ա. 3000-1600 թվականներ
Աթենասի պատկերով արծաթե տետրադրախմ (մ. թ. ա. 450-400 թվականներ)
Բյուզանդական թաս
Աթենյան արձանագրություն՝ ի հիշատակ պարսիկների դեմ տարած հաղթանակների (մ. թ. ա. 490-480 թվականներ)
Ոսկյա զարդեր (մ. թ. ա. 850 թվական)
Մարզիկի տեսքով օծանելիքի սրվակ (մ. թ. ա. 540 թվական)
Էպիկտետոս, իր կոշիկները տանող կին

Ծանոթագրություններ

↑ Klio Tsoga (2012). «Ancient Agora of Athens. History» (անգլերեն). Ministry of Culture and Sports. Արխիվացված է օրիգինալից 2007 թ․ հոկտեմբերի 14-ին. Վերցված է 2017 թ․ դեկտեմբերի 2-ին.

Արտաքին հղումներ

«Ancient Agora Museum». Athens Info Guide. Վերցված է 2017 թ․ դեկտեմբերի 2-ին.
Νικολέττα Σαραγά, Μαρία Λιάσκα (2012). «Μουσείο Αρχαίας Αγοράς Αθηνών. Περιγραφή». Οδυσσέας (հունարեն). Υπουργείο Πολιτισμού και Αθλητισμού. Արխիվացված է օրիգինալից 2016 թ․ մայիսի 9-ին. Վերցված է 2018 թ․ օգոստոսի 13-ին.

Վիքիպահեստն ունի նյութեր, որոնք վերաբերում են «Աթենական ագորայի թանգարան» հոդվածին։

[is2-1] Klio Tsoga (2012). «Ancient Agora of Athens. History» (անգլերեն). Ministry of Culture and Sports. Արխիվացված է օրիգինալից 2007 թ․ հոկտեմբերի 14-ին. Վերցված է 2017 թ․ դեկտեմբերի 2-ին.

[1]