Անտոն Աուշտրյան

Անտոն Աուշտրյան
Ծնվել է	1897
Ծննդավայր	Քութայիս, Կովկասի փոխարքայություն, Ռուսական կայսրություն
Վախճանվել է	1936
Մասնագիտություն	թարգմանիչ և բանաստեղծ
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Անտոն Աուշտրյան Վիքիդարանում

Անտոն Աուշտրյան (1897, Քութայիս, Կովկասի փոխարքայություն, Ռուսական կայսրություն - 1936), հայ բանաստեղծ, թարգմանիչ, ԽՍՀՄ գրողների միության անդամ (1934)։

Կենսագրություն

Ծնվել է Քութայիս քաղաքի Չխարի գյուղում (Վրաստան)։ Անդրկովկասում խորհրդային կարգերի հաղթանակից հետո Աուշտրյանը կուսակցական ղեկավար պաշտոններ է վարել ՀԽՍՀ Ալավերդու ու Սիսիանի և ՎԽՍՀ Ախալքալաքի շրջաններում։

Հայերենից վրացերեն է թարգմանել Ավետիք Իսահակյանի «Աբա-Լալա Մահարի» պոեմից որոշ հատվածներ։ Վրացերենից հայերեն է թարգմանել Վաժա Փշավելայի «Արծիվ» և Իոսիբ Գրիշաշվիլիի մի շարք բանաստեղծություններ, հատվածներ Շոթա Ռուսթավելու «Ընձենավորից»։

Աուշտրյանի թարգմանությամբ 1925 թվականին Երևանում լույս է տեսել «Վրաց գրականությունը հայերեն» ժողովածուն։ Մահացել է 1936 թվականին։

Երկեր

• Բանաստեղծություններ, Թիֆլիս, պոլիգրաֆ բաժնի 5-րդ տպարան, 1923, 12 էջ։

Թարգմանություններ (վրացերենից)

• Մ. Ջավախիշվիլի, Անմեղ Աբդուլը (պատմվածք), Երևան, Պետհրատ, 1928, 36 էջ։
• Կ. Լորդկիպանիձե, Լուսանկարիչը (պատմվածք), Երևան, Պետհրատ, 1929, 35 էջ։

Արտաքին հղումներ

• Ауштрян Антон Степанович(չաշխատող հղում)

Վիքիդարանն ունի նյութեր, որոնք վերաբերում են «Անտոն Աուշտրյան» հոդվածին։