Jump to content

Բադ Պաուել

Վիքիպեդիայից՝ ազատ հանրագիտարանից
Բադ Պաուել
Ծնվել էսեպտեմբերի 27, 1924(1924-09-27)[1][2][3][…]
Նյու Յորք, Նյու Յորք, ԱՄՆ[4]
Երկիր ԱՄՆ
Մահացել էհուլիսի 31, 1966(1966-07-31)[5] (41 տարեկան) կամ օգոստոսի 1, 1966(1966-08-01)[1] (41 տարեկան)
Նյու Յորք, Նյու Յորք, ԱՄՆ[6]
Ժանրերջազ
Մասնագիտությունդաշնակահար, ջազ երաժիշտ, կոմպոզիտոր և ստուդիական երաժիշտ
Գործիքներդաշնամուր
ԼեյբլBlue Note, ESP-Disk և Roost Records?
ԿրթությունԴեՎիտ Քլինտոն ավագ դպրոց
ԱնդամակցությունBud Powell Trio?
 Bud Powell Վիքիպահեստում

Բադ Պաուել (անգլ.՝ Bud Powell, սեպտեմբերի 27, 1924(1924-09-27)[1][2][3][…], Նյու Յորք, Նյու Յորք, ԱՄՆ[4] - հուլիսի 31, 1966(1966-07-31)[5] կամ օգոստոսի 1, 1966(1966-08-01)[1], Նյու Յորք, Նյու Յորք, ԱՄՆ[6]), ամերիկացի ջազային դաշնակահար, բիբոպի ռահվիրաներից։

Կենսագրություն և ստեղծագործություն

[խմբագրել | խմբագրել կոդը]

6 տարեկանից նվագել է դաշնամուր։ Հայրը եղել է իր առաջին ուսուցիչը։ 15 տարեկանում սկսել է ելույթ ունենալ Նյու Յորքի տարբեր ակումբներում։ 1943 թվականից մինչև 1944 թվականը նվագել է Կուտ Ուիլյամսի բիգ-բենդում։

Երաժիշտը ունեցել է ալկոհոլի նկատմամբ հակում, որի պատճառով էլ ընկել է տարբեր տհաճ պատմությունների մեջ։ 1944 թվականին Ֆիլադելֆիայում ձերբակալվել է։ 1946 թվականին ընդունվել է Չարլի Պարկերի և Դիզի Գիլեսփիի կվինտետում, համագործակցել Դոն Բեյսի, Ջեյ Ջեյ Ջոնսոնի, Սոննի Ստիտի հետ։ 1947 թվականին ստեղծել է տրիո խումբը։

Նրա հետ նվագել են կոնտրաբասիստներ Ռեյ Բրաունը, Օսկար Պետիֆորդը, Ջորջ Դյուվիվյեն, Կեռլի Ռասելը, թմբկահարներ Բադդի Ռիչը, Արտ Թեյլորը, Ռոյ Խեյնզը։ Հետզհետե սկսել է հազվադեպ ելույթներ ունենալ՝ շատ ժամանակ անցկացնելով հիվանդանոցներում։

1956 թվականին բնակություն է հաստատել Եվրոպայում։ 1959 թվականից ելույթներ է ունեցել փարիզյան «Blue Not» ակումբում՝ կոնտրաբասիստ Պիեռ Միշելի և թմբկահար Կեննի Կլարկի հետ։ 1964 թվականին վերադարձել է Նյու Յորք և 2 ամիս նվագել է «Birdland» ակումբում։

Պաուելի լավագույն ստեղծագործություններից են.

  • «Parisian Thoroughfare»,
  • «Bouncin 'With Bud»,
  • «Webb City»,
  • «Un Poco Loco»,
  • «Celia»,
  • «Strictly Confidential»,
  • «Glass Enclosure»,
  • «Hallucinations» (Մայլզ Դեվիսը այն ձայնագրել է «Budo» վերնագրով)։

Իր կարիերայի գագաթնակետին Բադի կատարումները հիացրել են ժամանակակիցներին իրենց փայլուն սրամտությամբ, սրընթաց տեմպով և անթերի տեխնիկայով։ Նա եղել է բիբոպի գլխավոր դեմքերից մեկը և անմիջականորեն ու անուղղակիորեն ազդել է հիսունականների ջազային գրեթե բոլոր երաժիշտների վրա։

Բադ Պաուելը ավելի հաճախ էր դիմում մինորային տոնայնություններին, քան ուրիշ բոպերներ։ 1958 թվականի դեկտեմբերի 29-ին՝ Պոլ Չեմբերսի (բաս) և Արտ Թեյլորի (հարվածային գործիքներ) հետ ձայնագրված «The Scene Changes» ալբոմում, ինը ստեղծագործություններից միայն չորսն են գրված մաժորում։

Ձայնագրություններ

[խմբագրել | խմբագրել կոդը]
  1. One Night In Birdland (1950)
  2. Jazz At Massey Hall: The Quintet Of The Year (1953 թվական, Չառլի Պարկերի հետ)
  3. Bud Powell’s Moods (1953 թվական)
  4. The Bud Powell Trio: The Verve Sessions (1955 թվական)
  5. Bouncin’ With Bud (1955 թվական)
  6. Blues In The Closet (1956 թվական)
  7. Swinging With Bud (1957 թվական)
  8. A Portrait Of Thelonius (1961 թվական)
  9. The Genius Of Bud Powell (1961 թվական)
  10. The Bud Powell Trio At The Golden Circle. Vol. 1-2 (1962 թվական)
  11. The Genius Of Bud Powell. 1950-51 (1978 թվական)
  12. The Best Years (1978 թվական)
  13. At The Blue Note Cafe.1961 (1981 թվական)
  14. The Amazing Bud Powell. Vol. 1-2.1949-53 (1982 թվական)
  15. The Complete Essen Jazz Festival Concert. 1960 (1988 թվական)
  16. Ultimate Bud Powell (1998 թվական)

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 Encyclopædia Britannica
  3. ↑ 3,0 3,1 Discogs — 2000.
  4. ↑ 4,0 4,1 4,2 Southern E. Biographical Dictionary of Afro-American and African Musicians — Greenwood Publishing Group, 1982.
  5. ↑ 5,0 5,1 5,2 Internet Movie Database — 1990.
  6. ↑ 6,0 6,1 6,2 Deutsche Nationalbibliothek Record #119379457 // Gemeinsame Normdatei (գերմ.) — 2012—2016.

Արտաքին հղումներ

[խմբագրել | խմբագրել կոդը]


Վիքիպահեստն ունի նյութեր, որոնք վերաբերում են «Բադ Պաուել» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Բադ_Պաուել&oldid=9747599» էջից