Թեո Ուոլկոտ

Թեո Ուոլկոտ; անգլ.՝ Theo Walcott
Անձնական տվյալներ
Ամբողջական անուն	Թեո Ջեյմս Ուոլկոտ
Քաղաքացիությունը	Միացյալ Թագավորություն
Ծննդյան ամսաթիվ	մարտի 16, 1989 (35 տարեկան)
Ծննդավայր	Սթենմոր, Անգլիա
Հասակ	176 սմ
Քաշ	68 կգ
Դիրք	Հարձակվող
Ակումբային տեղեկություններ
Ներկա ակումբ	Էվերթոն ՖԱ
Համար	11
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Թեո Ջեյմս Ուոլկոտ (մարտի 16, 1989(1989-03-16)^[1]^[2]^[3], Stanmore, Հարրոու, Մեծ Լոնդոն, Անգլիա, Միացյալ Թագավորություն), անգլիացի ֆուտբոլիստ, ով խաղում է Էվերթոն ակումբում որպես հարձակվող։

Երիտասարդ տարիքում՝ 2006 թվականին, Ուոլկոտը արժանացել է BBC Տարվա լավագույն երիտասարդ մարզիկ տիտղոսին։ Ուոլկոտը ավարտել է Սաութհեմփթոնի ֆուտբոլային ակադեմիան և սկիզբ դրել իր կարիերային հենց Սաութհեմփթոնում։ Իսկ արդեն 2006 թվականի ձմռանը նա տեղափոխվում է Արսենալ 5 միլիոն եվրոյի դիմաց։ Արսեն Վենգերը, ով գլխավորում է Արսենալն արդեն երկար տարիներ, Թեոյին հիմնականում օգտագործում է որպես եզրային հարձակվող՝ գերարագ լինելու պատճառով։

17 տարեկան հասակում (մայիսի 30, 2006 թվական) Թեո Ուոլկոտը դարձավ Անգլիայի պատմության մեջ ամենաերիտասարդ ֆուտբոլիստը, ով հրավիրվել է ֆուտբոլի ազգային հավաքական։ 2008 թվականի սեպտեմբերի 6–ին Անդորրայի դեմ խաղում նա դարձավ հեթ–տրիկի հեղինակ և իր անունը գրեց Անգլիայի հավաքականի պատմության մեջ՝ դառնալով ամենաերիտասարդ ֆուտբոլիստը, ով դարձել է հեթ–տրիկի հեղինակ։ Ուոլկոտը հավաքականում անցկացրել է 36 խաղ՝ դառնալով 5 գոլի հեղինակ։

Խաղաոճ

Ուոլկոտն առավել ճանաչված է իր ֆենոմենալ արագությամբ։ Բավարիա Մյունխենի գլխավոր մարզիչ Խոսեպ Գվարդիոլան ասել է. «Ուոլկոտին միայն ատրճանակով կարող ես կանգնեցնել»։ Վենգերը նրան խաղաոճով նմանեցնում է Արսենալի լեգենդ Թիերի Անրիին։ Ոսկե գնդակի քառակի չեմպիոն Լիոնել Մեսսին ասել է. «Ուոլկոտն ամենավտանգավոր խաղացողներից մեկն է, ում դեմ խաղացել եմ»։

Հովանավոր

Երբ Ուոլկոտը 14 տարեկան էր, նա պայմանագիր կնքեց Nikeի հետ։ 2012 թվականի նոյեմբերին նա հայտնվեց Nike–ի գովազդային տեսահոլովակում ֆուտբոլիստների Էդեն Ազարի, Ռահիմ Ստեռլինգի, Ստեֆան Էլ-Շաարավիի, Մարիո Գյոթցեի և Քրիստիան Էրիկսենի հետ։

Ֆուտբոլային Կարիերա

Սաութհեմփթոն

Թեո Ուոլկոտը իր պրոֆեսիոնալ կարիերան սկսել է Սաութհեմփթոնում։ Նա 2005–06 մրցաշրջանը սկսում է որպես Սաութհեմփթոնի խաղացող և ավարտում որպես Արսենալի ֆուտբոլիստ։ Մինչ Արսենալ տեղափոխվելը Թեոն Սաութհեմփթոնում մասնակցում է 21 խաղի և դառնում 4 գոլի հեղինակ։ Իր առաջին խաղը Սաութհեմփթոնում խաղացել է Լիդս Յունայթեդի դեմ, և հենց նույն խաղում էլ խփել է իր առաջին գոլը։ Եվ այդ ժամանակ նա դեռ դպրոցական էր։

Արսենալ

17 տարեկանում Թեոն տեղափոխվեց Արսենալ և թիմում սկսեց հանդես գալ 32 համարի մարզաշապիկով։ Իր առաջին խաղը Արսենալի կազմում խաղացել է 2006–07 մրցաշրջանում՝ ընդդեմ Աստոն Վիլլայի, և կատարել է գոլային փոխանցում Ջիլբերտո Սիլվային։ Ուոլկոտը մինչ այժմ իր լավագույն մրցաշրջանը անցկացրել է 2012–13 մրցաշրջանում՝ դառնալով 21 գոլի հեղինակ։ Արսենալում Ուոլկոտին բախտ է վիճակվել խաղալ այնպիսի ֆուտբոլիստների հետ, ինչպիսիք են՝ Թիերի Անրին, Սեսկ Ֆաբրեգասը, Ռոբին վան Պերսին, Տոմաշ Ռոսիցկին, Էշլի Քոուլը և այլք։

Հենց այս թիմում էլ Ուոլկոտը խփել է իր փայլուն գոլերը։ Արսենալի հետ մասնակցել է Պրեմիեր Լիգաին, Չեմպիոնների Լիգային և այլ մրցաշարերի։ Վերջին տարիներին Արսենալը ոչ մի կերպ չէր կարողանում տիտղոս նվաճել, բայց վերջապես 2013–14 մրցաշրջանում թիմը դառնում է Անգլիայի գավաթակիր։ Այդպիսով Ուոլկոտը նվաճում է իր առաջին գավաթը Արսենալի հետ։

Կարիերայի վիճակագրություն

Ակումբ

Ակումբ	Մրցաշրջան	Լիգա		Անգլիայի գավաթ		Լիգայի գավաթ		Եվրոպա		Ընդհանուր
Ակումբ	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Սաութհեմփթոն	2005–06	21	4	1	1	1	0	—		23	5
Սաութհեմփթոն	Ընդհանուր	21	4	1	1	1	0	—		23	5
Արսենալ	2005–06	0	0	0	0	0	0	0	0	0	0
	2006–07	16	0	4	0	6	1	6	0	32	1
	2007–08	25	4	1	0	4	1	9	2	39	7
	2008–09	22	2	3	1	0	0	10	3	35	6
	2009–10	23	3	1	0	0	0	6	1	30	4
	2010–11	28	9	1	0	4	2	5	2	38	13
	2011–12	35	8	3	1	0	0	8	2	46	11
	2012–13	32	14	4	1	2	5	5	1	43	21
	2013–14	13	5	1	0	0	0	4	1	18	6
	Ընդհանուր	194	45	18	3	16	9	53	12	281	69
Ընդհանուր կարիերայում		215	49	19	4	17	9	53	12	304	74

Միջազգային

Անգլիա
Տարի	Խաղեր	Գոլեր
2006	1	0
2007	0	0
2008	5	3
2009	2	0
2010	7	0
2011	6	0
2012	9	1
2013	6	1
Ընդհանուր	36	5

Ըստ Սեպտեմբերի 10, 2013 տվյալների.

Միջազգային Գոլեր

N°	Ամսաթիվ	Մրցավայր	Խաղ	Հակառակորդ	Հաշիվ	Արդյունք	Մրցույթ
1	Սեպտեմբերի 10, 2008	Մակսիմիր Ստադիոն, Զագրեբ, Խորվաթիա	4	Խորվաթիա	1–0	4–1	Ֆուտբոլի աշխարհի առաջնություն 2010 (Ընտրական փուլ)
2					2–1
3					4–1
4	15 June 2012	Օլիմպիական ազգային սպորտ կոմպլեքս, Կիև, Ուկրաինա	26	Ուկրաինա	2–2	3–2	ՈՒԵՖԱ Եվրո 2012
5	14 August 2013	Ուեմբլի մարզադաշտ, Լոնդոն, Անգլիա	34	Շոտլանդիա	1–1	3–2	Ընկերական հանդիպում