Նիկոլայ Բլագով

Նիկոլայ Բլագով; ռուս.՝ Николай Николаевич Благов
Ծնվել է	հունվարի 2, 1931
Ծննդավայր	Տաշքենդ, Ուզբեկական ԽՍՀ, ԽՍՀՄ
Վախճանվել է	մայիսի 27, 1992 (61 տարեկան)
Վախճանի վայր	Ուլյանովսկ, Ռուսաստան
Մասնագիտություն	գրող, լրագրող, բանաստեղծ և խմբագիր
Լեզու	ռուսերեն
Քաղաքացիություն	ԽՍՀՄ
Գրական շարժումներ	սոցիալիստական ռեալիզմ
Ուշագրավ աշխատանքներ	«Поклонная гора»; «Волга»
Անդամակցություն	ԽՍՀՄ Գրողների միություն

Նիկոլայ Նիկոլաևիչ Բլագով (ռուս.՝ Николай Николаевич Благов, 2 հունվարի, 1931, Տաշքենդ, Ուզբեկական ԽՍՀ, ԽՍՀՄ — 7 մայիսի, 1992, Ուլյանովսկ, Ռուսաստանի Դաշնություն), ռուս խորհրդային գրող։

Կենսագրություն

Նիկոլայ Բլագովը ծնվել է 1931 թվականի հունվարի 2-ին Տաշքենդ քաղաքում։ Հինգ տարեկան հասակում մորից սովորում է կարդալ և սիրում էր ընթերցանություն։

Ապագա բանաստեղծի մանկությունն ու պատանեկությունն անցել է Ուլյանովսկի մարզի Չերդակլիի շրջանի Անդրևեկա գյուղում։ Այստեղ նա ավարտել է տարրական դպրոցը, որից հետո ուսումը շարունակել է Կրեստովո-Գորոդիշչեի միջնակարգ դպրոցում։ Ապա ավարտել է Ուլյանովսկի մանկավարժական ինստիտուտի ռուսաց լեզվի ու գրականության ֆակուլտետը։

Նիկոլայ Բլագովի առաջին ուսուցիչը եղել է նրա տատիկը՝ Սեկլետինյա Իվանովնան։ Վերջինս չգիտեր կարդալ ու գրել, սակայն գիտեր բազմաթիվ հեքիաթներ, որ այնքան սիրում էր Նիկոլայը։ Տատի շնորհիվ Նիկոլայ Բլագովը մանկությունից ծանոթ էր ժողովրդական լեզվին։ 1943 թվականին Նիկոլայն ու նրա տատիկը հիվանդացան անգինայով։ Նիկոլայը առողջացավ, սակայն տատիկը շուտով մահացավ։ Վերջինս Նիկոլային էր կտակել իր ողջ ունեցվածքը։ Տատի կերպարը հաճախ է երևում Նիկոլայ Բլագովի տարբեր ստեղծագործությունների այրիների կերպարներում («Никогда не забуду я…», «Слушаю: сколько добра в русской токует природе…», «Памятник» և այլն)։

Ուսանողական տարիներին Նիկոլայ Բլագովը սկսում է գրել բանաստեղծություններ։ Ինստիտուտն ավարտելուց հետո աշխատում է «Ульяновский комсомолец» թերթում, որում 1956 թվականի մայիսին տպագրվում է Նիկոլայ Բլագովի «Волга» պոեմը։ Այդ պոեմի համար Նիկոլայ Բլագովն արժանանում է Երիտասարդության համամիութենական փառատոնի մրցանակին։ Հրատարակել է ընդհանուր առմամբ ստեղծագործությունների 18 ժողովածուներ։

Նիկոլայ Բլագովը մահացել է 1992 թվականի մայիսի 7-ին Ուլյանովսկում։ Թաղված է Ուլյանովսկի մարզի Չերդակլիի շրջանի Կրեստովո-Գորոդիշչեում։

Մրցանակներ

ՌՍՖՍՀ Մաքսիմ Գորկու անվան պետական մրցանակ (1983) – «Поклонная гора» բանաստեղծությունների ու պոեմների գրքի համար

Ստեղծագործություններ

Պոեմներ
- «Волга»
- «Изба»
- «Тракт»
- «Тяжесть плода»
Բանաստեղծությունների ժողովածուներ
- «Ветер встречный» (1955)
- «Глубинка»(1960)
- «Просыпаются яблони» (1963)
- «Имя твоё» (1968)
- «Ладонь на ладони» (1973)
- «Поклонная гора» (1975, 1979, 1984)
- «Звон наковальни» (1977)
- «Свет лица» (1981)

Գրականություն

Огрызко В. В. Русские писатели. Современная эпоха". М., Литературная Россия. 2004. 552 с.
Сарчин, Рамиль Шавкетович. Поэтический мир Николая Благова. Казань, Отечество, 2008. 140 с. ISBN 978-5-9222-0209-1
Сарчин, Рамиль Шавкетович. Николай Благов. Ульяновск, ООО "Регион-Инвест", 2008. 256 с. ISBN 978-5-903817-25-2

Արտաքին հղումներ

Благов Николай Николаевич // «Знаменитые люди» на сайте законодательного собрания Ульяновской области Արխիվացված 2010-06-08 Wayback Machine
Сарчин Р.Ш. Поэтический мир Николая Благова։ Монография // http://window.edu.ru/library/pdf2txt/141/78141/59056/page15