Ուիլյամ Ռիփլի

Ուիլյամ Ռիփլի
Ծնվել է	հոկտեմբերի 13, 1867(1867-10-13) Մեդֆորդ, Միդլսեքս շրջան, Մասաչուսեթս, ԱՄՆ
Մահացել է	օգոստոսի 16, 1941(1941-08-16) (73 տարեկան) Edgecomb, Լինկոլն շրջան, Մեն, ԱՄՆ
Քաղաքացիություն	ԱՄՆ
Մասնագիտություն	տնտեսագետ և մարդաբան
Հաստատություն(ներ)	Հարվարդի համալսարան, Մասաչուսեթսի տեխնոլոգիական ինստիտուտ և Կոլումբիայի համալսարան
Ալմա մատեր	Կոլումբիայի համալսարան և Մասաչուսեթսի տեխնոլոգիական ինստիտուտ
Եղել է գիտական ղեկավար	Douglass V. Brown?

Ուիլյամ Զեբինա Ռիփլի (անգլ.՝ William Zebina Ripley, հոկտեմբերի 13, 1867(1867-10-13), Մեդֆորդ, Միդլսեքս շրջան, Մասաչուսեթս, ԱՄՆ - օգոստոսի 16, 1941(1941-08-16), Edgecomb, Լինկոլն շրջան, Մեն, ԱՄՆ), ամերիկացի տնտեսագետ և մարդաբան, Հարվարդի համալսարանի տնտեսագիտության պրոֆեսոր, 1933 թվականին Ամերիկյան տնտեսական ասոցիացիայի նախագահ։

Կենսագրություն

Ուիլյամը ծնվել է 1867 թվականի հոկտեմբերի 13-ին՝ ոսկերիչ Նաթանիել Լ․ Ռիպլիի և Էսթիմեյթ Ռ․ Ե. (Բոլդուին) Ռիպլիի ընտանիքում։ Միջնակարգ կրթությունը ստացել է Մասաչուսեթսի մոտակա Նյուտոն քաղաքի պետական դպրոցում։

1890 թվականին Ուիլյամը Մասաչուսեթսի տեխնոլոգիական ինստիտուտում ստացել է արվեստի բակալավրի աստիճան քաղաքացիական շինարարության թեմայով։ 1892 թվականին ստացել է արվեստի մագիստրոսի աստիճան և դոկտորի աստիճան 1893 թվականին արդեն Կոլումբիայի համալսարանում քաղաքական տնտեսագիտության թեմայով․ ատենախոսության թեման էր՝ «Վիրջինիայի ֆինանսական պատմությունը 1607-1776 թվականներին»։

1893 թվականին Կոլումբիայի համալսարանում սկսել է Սոցիոլոգիա դասավանդել, 1895-1901 թվականներին եղել է Մասաչուսեթսի տեխնոլոգիական ինստիտուտի տնտեսագիտության պրոֆեսոր, իսկ 1901-1933 թվականներին՝ Հարվարդի համալսարանի պրոֆեսոր։

1929 թվականին շնորհվել է Հումանիտար գիտությունների դոկտորի կոչում Կոլումբիայի համալսարանում և իրավունքի դոկտորի կոչում 1930 թվականին Վիսկոնսինի համալսարանում և 1931 թվականին պատվավոր դոկտորի կոչում Ռոչեստրի համալսարանում։

Ընտանիք

1893 թվականի փետրվարի 20-ին Ռիպլին ամուսնացել է Բոստոնից Իդա Սաբինա Դևիսի հետ։ Նրանք ունեին չորս երեխա՝ Ռութ, Դևիս Ն․, Ուիլյամ Պ., Բեթինա։

Մատենագրություն

• Ripley W.Z. The financial history of Virginia, 1609—1776 — New York: Columbia University, 1893
• Ripley W.Z. The Races of Europe — New York:D. Appleton and company, 1899
• Ripley W.Z. A selected bibliography of the anthropology and ethnology of Europe — Boston: Published by the trustees of the Public library, 1899
• Ripley W.Z. Transportation — Washington, 1902
• Ripley W.Z. Trusts, pools and corporations — Boston: Ginn & Co., 1905
• Ripley W.Z. Railroad valuation — Boston, 1907
• Ripley W.Z. Railway problems — Boston: Ginn & company, 1907
• Ripley W.Z. The European population of the United States. The Huxley memorial lecture for 1908 — London: Royal Anthropological Institute of Great Britain and Ireland, 1908
• Ripley W.Z. Railroads, rates and regulation — New York: Longmans, Green, 1912, t.p. 1916
• Ripley W.Z. Railroads; finance & organization — New York: Longmans, Green, and co., 1915
• Ripley W.Z. Consolidation of railroads. In the matter of consolidation of the railway properties of the United States into a limited number of systems. August 3, 1921. Tentative plan of the Commission — Washington: Govt. Print. Off., 1921
• Ripley W.Z. Main Street and Wall Street — Boston: Little, Brown, 1927