Ռիչարդ Ջորջ Ռոջերս

Ռիչարդ Ջորջ Ռոջերս; անգլ.՝ Richard Rogers
Ծնվել է	հուլիսի 23, 1933[…]
Ծննդավայր	Ֆլորենցիա, Իտալիայի թագավորություն
Մահացել է	դեկտեմբերի 18, 2021 (88 տարեկան)
Վախճանի վայր	Լոնդոն, Միացյալ Թագավորություն
Ոճ(եր)	մոդեռնիզմ
Կրթություն	Ճարտարապետական ասոցիացիայի ճարտարապետական դպրոց (1959), Yale School of Architecture? (1962), St John's School, Leatherhead? և Kingswood House School?
Ուշագրավ աշխատանքներ	Kleanthis Vikelidis Stadium?, Հազարամյակի գմբեթ, Nittele Tower?, Պոմպիդու կենտրոն, Լլոյդի շենք, European Court of Human Rights building? և Senedd building?
Պարգևներ	Բրիտանացի ճարտարապետների թագավորական ինստիտուտի անդամ Պրիցկերի ճարտարապետական մրցանակ Թագավորական ոսկե մեդալ Կայսերական մրցանակ Ոսկե առյուծ Օգյուստ Պերրեի մրցանակ Honorary doctorate from university of Florence? Արդյունաբերության համար թագավորական դիզայներ և Ֆուլբրայթի ծրագիր
Անդամություն	Գեղարվեստի թագավորական ակադեմիա, Académie d'architecture? և Գեղարվեստի ակադեմիա
	Richard Rogers Վիքիպահեստում

Ռիչարդ Ռոջերս, Բարոն Ռոջերս Ռիվերսայդ (անգլ.՝ Richard George Rogers, հուլիսի 23, 1933(1933-07-23)^[1]^[2]^[3]^[…], Ֆլորենցիա, Իտալիայի թագավորություն^[4] - դեկտեմբերի 18, 2021(2021-12-18)^[5]^[6], Լոնդոն, Միացյալ Թագավորություն^[5]^[6]), բրիտանացի ճարտարապետ, ով Ռենցո Պիանոյի և Նորման Ֆոսթերի հետ համատեղ հիմնադրել է հայ-թեք ոճը։ Կայսերական ու Պրիցկերի ճարտարապետական մրցանակների դափնեկիր է։ Մեծ Բրիտանիայի թագուհին նրան բարոնի կոչում է շնորհել (Baron Rogers of Riverside): Ռիչարդ Ռոջերսը 1986 թվականին արժանացել է Պատվավոր լեգեոնի շքանշանի, 1991 թվականին ստացել է ասպետի կոչում, իսկ 1996 թվականին՝ ցմահ պերի կոչում։

Կյանք և գործունեություն

Սովորել է Լոնդոնի ճարտարապետական դպրոցում, այնուհետև Նորման Ֆոսթերի հետ` Եյլի համալսարանում։ Հետագայում նրանք իրենց կանանց` Շու Ռոջերսի և Վենդի Չիսմանի հետ հիմնադրել են «Team 4» գրասենյակը։ 1967 թվականին նրանք առանձնացել են։ Ռոջերսը միացել է Ռենցո Պիանոյի հետ, ով հաղթել էր 1971 թվականին Փարիզում Ժորժ Պոմպիդուի կենտրոնի շինարարության համար հայտարարված մրցույթում։ Այս շենքը դարձել է նոր ուղղության հռչակագիրը` տարորոշելով նաև Ռոջերսի ոճը, որին բնորոշ են ինժեներական շատ համակարգերի (ջրամատակարարում, ջեռուցում, օդափոխություն, աստիճաններ, վերելակներ և այլն) ներմուծումը էքստերիեր` ազատ թողնելով ինտերիերը և շինությունների ներքին հատվածները։ Ներկայումս Ժորժ Պոմպիդուի կենտրոնը տեսարժան վայր է համարվում, չնայած այն ժամանակ քննադատները շինության դիզայնին վերապահումով էին մոտենում։

Ռիչարդ Ռոջերսը գլխավորում է «Rogers Stirk Harbour Partners» (նախկինում՝ «Richard Rogers Partnership») ընկերությունը, որը հիմնադրել էր 1977 թվականին։ Ընկերությունը գրասենյակներ ունի Լոնդոնում, Բարսելոնայում, Մադրիդում, Նյու Յորքում, Տոկիոյում։ Այս ընկերությունն իրագործել է մի շարք հատնի նախագծեր` «Լլոյդ» ապահովագրական ընկերության շտաբ-գրասենյակը Լոնդոնում (1979-1984), Մարդու իրավունքների եվրոպական դատարանի շենքը Ստրասբուրգում (1984), «Միլենիում դոումի» ցուցասրահը Լոնդոնում «1999», Համաշխարհային առևտրի կենտրոնի վերականգնման նախագիծը Նյու Յորքում։