Ռոբերտ Ջեքսոն

	Ռոբերտ Ջեքսոն
Կուսակցություն՝	Դեմոկրատական կուսակցություն
Կրթություն՝	Օլբանիի իրավունքի դպրոց և Jamestown High School?
Մասնագիտություն՝	դատավոր, փաստաբան և քաղաքական գործիչ
Ծննդյան օր	փետրվարի 13, 1892[…]
Ծննդավայր	Spring Creek Township, Ուորեն շրջան, Փենսիլվանիա, ԱՄՆ
Վախճանի օր	հոկտեմբերի 9, 1954 (62 տարեկան)
Վախճանի վայր	Վաշինգտոն, ԱՄՆ
Թաղված	Frewsburg
Քաղաքացիություն	ԱՄՆ
Զավակներ	William E. Jackson?
Robert H. Jackson

Ռոբերտ Ջեքսոն (անգլ.՝ Robert Houghwout Jackson, փետրվարի 13, 1892(1892-02-13)^[2]^[3]^[4]^[…], Spring Creek Township, Ուորեն շրջան, Փենսիլվանիա, ԱՄՆ - հոկտեմբերի 9, 1954(1954-10-09)^[3]^[4]^[5], Վաշինգտոն, ԱՄՆ), գլխավոր դատախազ (1940-1941) և ԱՄՆ Գերագույն դատարանի դատավոր (1941-1954), Նյունբերգյան դատավարության ժամանակ ԱՄՆ-ի գլխավոր մեղադրող։

Կենսագրություն

Ծնվել է Փենսիլվանիա նահանգի Սփրինգ Կրիկ քաղաքում, ավարտել է Ֆրյուսբուրգի (Նյու Յորք նահանգ) դպրոցը։ 18 տարեկանում Ջեյմսթաունում սկսել է աշխատել որպես իրավաբանի օգնական մինչև 1913 թվականը՝ մեկ տարվա ընդմիջումով, քանի որ հաճախում էր Իրավունքի դպրոց (Նյու Յորք նահանգ)՝ պարապմունքների։ 21 տարեկանում Ջեքսոնը քննություն է հանձնել փաստաբանի որակավորում ստանալու համար և սկսել է ինքնուրույն պրակտիկան։ Հաջորդ քսան տարիների ընթացքում նա ունեցել է փաստաբանի հաջող կարիերա։

1934 թվականին անցել է քաղաքացիական ծառայության և նշանակվել ԱՄՆ ֆինանսների նախարարության ներքին եկամուտների Բյուրոյի խորհրդական (այժմ՝ Ներքին Եկամուտների ծառայություն)։ Երկու տարի անց Ջեքսոնը դարձավ ԱՄՆ-ի գլխավոր դատախազի օգնականը և գլխավորեց արդարադատության նախարարության հարկային վարչությունը, իսկ ևս մեկ տարի անց՝ հակամենաշնորհային վարչությունը։ 1938 թվականին Ջեքսոնը դարձավ գլխավոր սոլիսիտոր։ Արդարադատության նախարարությունում ծառայության ժամանակ Ջեքսոնը մասնակցել է մի քանի գործերի, որոնք լայն ճանաչում են ձեռք բերել Ռուզվելտի Նոր կուրսի ժամանակ, մասնավորապես ֆինանսների նախկին նախարար Էնդրյու Մելոնի գործում, որը մեղադրվում էր հարկերից խուսափելու մեջ^[7], և հակամենաշնորհային գործ Alcoa ընկերության դեմ^[8]։ 1940 թվականին Ռուզվելտը Ջեքսոնին նշանակել է գլխավոր դատախազի պաշտոնում (միաժամանակ՝ արդարադատության նախարարության ղեկավար), բայց արդեն հաջորդ տարի Ջեքսոնը զբաղեցրել է Գերագույն դատարանի դատավորի ազատված տեղը։

Եղել է իր ժամանակի ամենահեղինակավոր դատավորներից մեկը։ Ջեքսոնի կողմից գրված որոշումներն ու նրա հատուկ կարծիքները հետագայում հաճախ մեջբերվում էին դատարանների կողմից։ Այդ գործերի թվում, որոնց վերաբերյալ որոշումը կազմել է Ջեքսոնը, կարելի է նշել՝ Արևմտյան Վիրջինիայի կրթության դեպարտամենտն ընդդեմ Բարնեթի^[9] (հակասահմանադրական է ճանաչվել այն կանոնը, որը աշակերտներին պարտավորեցնում է պատիվ տալ ամերիկյան դրոշին)։ 1950 թվականների սկզբին Գերագույն դատարանի ապագա նախագահ Ուիլյամ Ռենկվիստը Ջեքսոնի մոտ աշխատել է որպես գրասենյակային ծառայող^[10]։

1945 թվականին Թրումենը Ջեքսոնին նշանակել է ԱՄՆ-ի ներկայացուցիչ՝ հետագայում նացիստական ռազմական հանցագործների նկատմամբ դատավարության ժամանակ։ Ջեքսոնը մասնակցել է միջազգային ռազմական տրիբունալի կանոնադրության գրմանը, իսկ հետո եղել է ԱՄՆ-ի կողմից գլխավոր մեղադրողը Նյուրնբերգյան գործընթացում (օգնական Թոմաս Դոդ)։

Ռոբերտ Ջեքսոնը մահացել է 1954 թվականին՝ 62 տարեկանում, ԱՄՆ-ի համար նշանակալից գործի վերաբերյալ որոշում կայացնելուց անմիջապես հետո՝ Բրաունը կրթության խորհրդի դեմ (Գերագույն դատարանը անօրինական է ճանաչել դպրոցներում բաժանումը), որի ընդունման մեջ նա կարևոր դեր է խաղացել^[11]։

Ծանոթագրություններ

↑ ^1,0 ^1,1 The First Amendment Encyclopedia
↑ ^2,0 ^2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.)
↑ ^4,0 ^4,1 ^4,2 ^4,3 ^4,4 Proleksis enciklopedija, Opća i nacionalna enciklopedija (хорв.) — 2009.
↑ ^5,0 ^5,1 ^5,2 Munzinger Personen (գերմ.)
↑ The New York Times / J. Kahn — Manhattan: New York Times Company, A. G. Sulzberger, 1851. — Iss. 12 december 1999. — ISSN 0362-4331; 1553-8095; 1542-667X
↑ «Self-Defense». Time. 1935 թ․ ապրիլի 15. Արխիվացված է օրիգինալից 2008 թ․ մայիսի 6-ին. Վերցված է 2008 թ․ ապրիլի 16-ին.
↑ «Round for Mellon». Time. 1937 թ․ մայիսի 24. Արխիվացված է օրիգինալից 2008 թ․ մայիսի 6-ին. Վերցված է 2008 թ․ հունվարի 20-ին.
↑ West Virginia State Board of Education v. Barnette, 319 U.S. 624 (1943)
↑ Бискупич, Джоан (2005-09-04). «Rehnquist left Supreme Court with conservative legacy». USA Today. Արխիվացված է օրիգինալից 2012 թ․ մարտի 12-ին. Վերցված է 2008 թ․ ապրիլի 16-ին.
↑ Brown v. Board of Education, 347 U.S. 483 (1954)

Արտաքին հղումներ

Վիքիպահեստն ունի նյութեր, որոնք վերաբերում են «Ռոբերտ Ջեքսոն» հոդվածին։

[_3b37e710f0f57abc-1] 1,0 ^1,1 The First Amendment Encyclopedia

[_414aa82df6767bc3-2] 2,0 ^2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_535b98b6dddc12b3-3] 3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.)

[_f7118b26ba0b0909-4] 4,0 ^4,1 ^4,2 ^4,3 ^4,4 Proleksis enciklopedija, Opća i nacionalna enciklopedija (хорв.) — 2009.

[_84eff9c806cf7460-5] 5,0 ^5,1 ^5,2 Munzinger Personen (գերմ.)

[_4be5cac80a01823b-6] The New York Times / J. Kahn — Manhattan: New York Times Company, A. G. Sulzberger, 1851. — Iss. 12 december 1999. — ISSN 0362-4331; 1553-8095; 1542-667X

[7] «Self-Defense». Time. 1935 թ․ ապրիլի 15. Արխիվացված է օրիգինալից 2008 թ․ մայիսի 6-ին. Վերցված է 2008 թ․ ապրիլի 16-ին.

[8] «Round for Mellon». Time. 1937 թ․ մայիսի 24. Արխիվացված է օրիգինալից 2008 թ․ մայիսի 6-ին. Վերցված է 2008 թ․ հունվարի 20-ին.

[9] West Virginia State Board of Education v. Barnette, 319 U.S. 624 (1943)

[10] Бискупич, Джоан (2005-09-04). «Rehnquist left Supreme Court with conservative legacy». USA Today. Արխիվացված է օրիգինալից 2012 թ․ մարտի 12-ին. Վերցված է 2008 թ․ ապրիլի 16-ին.

[11] Brown v. Board of Education, 347 U.S. 483 (1954)

[1]

[2]

[3]

[4]

[5]

[6]

[7]

[8]

[9]

[10]

[11]