Սորայա Փոսթ
| Սորայա Փոսթ | |
| |
| Կուսակցություն՝ | Feminist Initiative? |
|---|---|
| Կրթություն՝ | Գյոտեբորգի համալսարան |
| Մասնագիտություն՝ | քաղաքական գործիչ |
| Ծննդյան օր | հոկտեմբերի 15, 1956 (68 տարեկան) |
| Ծննդավայր | Գյոթեբորգ[1] |
| Քաղաքացիություն |  Շվեդիա
|
| Պարգևներ | |
Սորայա Վիոլա Հելենա Փոսթ (շվեդ.՝ Soraya Viola Heléna Post, հոկտեմբերի 15, 1956, Գյոթեբորգ[1][3]), շվեդ կին քաղաքական գործիչ, շվեդական «Ֆեմինիստական նախաձեռնություն» կուսակցության անդամ և Եվրոպական խորհրդարանի նախկին անդամ։
Կենսագրություն
[խմբագրել | խմբագրել կոդը]Սորայա Փոսթի հայրը ծագումով գերմանացի հրեա է, իսկ նրա մայրը՝ շվեդ գնչուհի[4]։
Սորայա Փոսթը երկար տարիներ զբաղվել է իրավապաշտպանությամբ՝ շեշտը դնելով Շվեդիայում և Եվրոպայում գնչուների իրավունքների վրա։ Փոսթը Եվրոպական խորհրդարանի ընտրություններից հետո ազատվել է Վեսթեր-Գյոթալանդի իրավունքների տարածաշրջանային կոմիտեի գրասենյակում ազգային փոքրամասնությունների հարցերով աշխատանքից[5], եղել է ներգրավված է գնչուների հարցերի մեջ և 2007 թվականին Գյոթեբորգի միջմշակութային միջնակարգ դպրոցի ստեղծման նախաձեռնողն էր։ Միջմշակութային միջնակարգ դպրոցն իր գործունեությունն սկսել է 2007 թվականի հունվարին[6]՝ որպես Գյոթեբորգի միջնակարգ դպրոցի մասնաճյուղ և բացվել նույն թվականի սեպտեմբերին արքայադուստր Վիկտորյայի կողմից։ Սորայան եղել է Շվեդիայի ռադիոհեռարձակման խորհրդի և կառավարական հաստատություններում գնչուների հարցերով ներկայացուցչության անդամ[7][8]։
2014 թվականի փետրվարին Փոսթը եղել է «Ֆեմինիստական նախաձեռնության» ցուցակի առաջին թեկնածուն Շվեդիայում անցկացվող 2014 թվականի խորհրդարանական ընտրություններում։ Սա առաջին անգամն էր, որ Շվեդիայում գնչուն դարձել է Եվրախորհրդարանի պատգամավոր և առաջինը, որ ընտրվել է որպես թեկնածու համընդհանուր ընտրություններում[9]։ Փոսթը եղել է նաև ԼԳԲՏ անձանց իրավունքների խմբի և հաշմանդամություն ունեցող անձանց հարցերով խմբի անդամ։ Սոցիալիստների և դեմոկրատների առաջադեմ դաշինքի խմբում Փոսթը եղել քաղաքացիական ազատությունների, արդարադատության և ներքին գործերի կոմիտեի (LIBE) ու ԵՄ-ից դուրս գտնվող մարդու իրավունքների ենթակոմիտեի (DROI) անդամ։ Այն փոխարինվել է արտաքին գործերի կոմիտեի (AFET): Եղել է նաև Կենտրոնական Ամերիկայի երկրների հետ կապերի պատվիրակության անդամ (DCAM):
Սորայա Փոսթը նախաձեռնել է Եվրոպական խորհրդարանում հակագնչուականության վերաբերյալ երկու բանաձև[10]. առաջինը վերաբերել է Գնչուների միջազգային օրվան և Եվրոպայում հակագնչուականություն և ԵՄ-ի կողմից Երկրորդ համաշխարհային պատերազմի ժամանակ գնչուների ցեղասպանության զոհերի հիշատակի օրվա ճանաչմանը (2015 թվականի ապրիլ), իսկ երկրորդը` ԵՄ-ում գնչուների մշակութային ինտեգրման հիմնական իրավունքների ասպեկտներին, հակագնչուականության դեմ պայքարին (2017 թվականի հոկտեմբեր)։
2019 թվականի մայիսի 26-ին կայացած Եվրոպական խորհրդարանի ընտրություններում «Ֆեմինիստական նախաձեռնությունը» ստացել է ձայների 0,8 տոկոսը, որից հետո Փոսթը կորցրել է իր մանդատը Եվրախորհրդարանում[11]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Freebase տվյալների վերբեռնում — Google.
- ↑ http://www.stieglarssonfoundation.se/the-annual-stieg-larsson-prize/
- ↑ Sveriges befolkning 1970, CD-ROM, Version 1.04, Sveriges Släktforskarförbund (2002)
- ↑ (arkivsida av) Västra Götalandsregionens webbplats, läst 2014-05-26
- ↑ Enheten för rättighetsfrågor Արխիվացված 2015-09-30 Wayback Machine. Västra Götalandsregionen.
- ↑ Sveriges Radio AB:s styrelse vald. SR, 2011-04-04.
- ↑ Så kränktes Soraya Post (Fi) som ung. GT, 29 maj 2014.
- ↑ Romers rätt — en strategi för romer i Sverige Արխիվացված 2015-04-02 Wayback Machine. Regeringen, SOU 2010:55.
- ↑ Svenska Dagbladet 9 februari 2014, läst 2014-04-24
- ↑ «Romarapporten antagen!».
- ↑ «Valresultat 2019» (շվեդերեն). www.val.se. Վերցված է 2020 թ․ մարտի 18-ին.
 | Վիքիպահեստն ունի նյութեր, որոնք վերաբերում են «Սորայա Փոսթ» հոդվածին։ |
| ||||||||||
