Ֆրանչեսկո Սալվիատի

Ֆրանչեսկո Սալվիատի; իտալ.՝ Francesco Salviati
Ծնվել է	1510 կամ 1509
Ծննդավայր	Ֆլորենցիա, Ֆլորենցիայի Հանրապետություն
Վախճանվել է	նոյեմբերի 11, 1563[…]
Մահվան վայր	Հռոմ, Պապական մարզ
Քաղաքացիություն	Ֆլորենցիայի դքսություն
Մասնագիտություն	նկարիչ, գծանկարիչ, դիզայներ և վիզուալ արտիստ
Ոճ	մաներիզմ
Ժանր	դիմապատկեր
Ուշագրավ աշխատանքներ	Charity? և The Incredulity of Saint Thomas?
Ուսուցիչ	Dionigi da Diacetto?, Ջուլիանո Բուջարդինի, Բանչո Բալդինի, Անդրեա դել Սարտո և Անդրեա դել Բերիշանինո
Աշակերտներ	Բերնարդո Բուանտալենտի
	Francesco Salviati Վիքիպահեստում

Ֆրանչեսկո Սալվիատի (իրական անունը՝ Ֆրանչեսկո դե Ռոսսի, իտալ.՝ Francesco Salviati, 1510^[1]^[2] կամ 1509^[3], Ֆլորենցիա, Ֆլորենցիայի Հանրապետություն^[4] - նոյեմբերի 11, 1563(1563-11-11)^[4]^[5]^[6]^[…], Հռոմ, Պապական մարզ^[4]), իտալացի նկարիչ, մաներիզմի ներկայացուցիչ։

Կենսագրություն

Ծնվել է Ֆլորենցիայում, ջուլհակի ընտանիքում։ Սովորել է Անդրեա դել Սարտոյի արվեստանոցում։ Երիտասարդ տարիներին վայելել է կարդինալ Ջովանի Սալվիատիի հովանավորությունը, ում հրավերով 1530 թվականին ժամանել է Հռոմ։ 1538 թվականին ընդունում է իր ղեկավարի պատվերը՝ մասնակցելու Սան Ջովաննի Դեկոլատոյի եկեղեցու որմնանկարի ստեղծմանը։ «Մարիամի և Եղիսաբեթի հանդիպումը» որմնանկարը, որը կատարվել է նրա կողմից, կրում է Ռաֆայելի վատիկանյան որմնանկարների ազդեցությունը։ Այս առաջին մեծ աշխատանքը արվեստագետին հռչակ է բերել։ Ի նշան երախտագիտության, նա վերցրել է իր հովանավորի ազգանունը։ 1539 թվականին Սալվիատին ձեռնամուխ է եղել Վենետիկ ուղևորությանը, 1540-ականներին ապրել և աշխատել է հիմնականում Ֆլորենցիայում և Հռոմում։ 1556-1557 թվականներին նկարիչն այցելել է Ֆոնտենբլո, որտեղ նրա ոճը ճանաչում է բերել նրան։ Սալվիատին իր ժամանակի ամենահայտնի որմնանկարիչներից էր։ Նրա ոճը նուրբ է, և ստեղծագործությունները, որոնք ներառում են բազմաթիվ ֆիգուրներ, բարդ և խնամքով են կառուցված։ Այս բնագավառում նկարչի լավագույն աշխատանքների թվին կարելի է դասել Ֆլորենցիայում Պալացցո Վեկկիո աուդիենցիաների սրահի (1543-1544) որմնանկարը, որը նվիրված է հռոմեական զորավար և բռնապետ Ֆուրի Կամիլի կյանքի պատմությանը և հանդիսանում է Կոզիմո Մեդիչիի կառավարման այլաբանություն։ Սալվիատին նաև հրաշալի դիմանկարիչ էր։ Այս ժանրում նրա աշխատանքները տարբերվում են մոդելի հոգեբանական բնութագրերի ճշգրտությամբ և գունային ներկապնակի հարստությամբ, որը հիշեցնում է Հյուսիսային Իտալիայի գեղանկարչական ավանդույթի մասին։ Նրա բազմաթիվ դիմանկարները երբեմն սխալմամբ վերագրվում են Անյոլո Բրոնձինոյին^[8]^[9]^[10]։ Նկարիչը մահացել է Հռոմում 1563 թվականին։

Հիմնական աշխատանքներ

Կամիլլի հաղթահանդեսը, 1543—1545 թվականներ, Ֆլորենցիա, Պալացցո Վեկկիո,
Ողորմություն, 1554-1558 թվականներ, Ֆլորենցիա, Ուֆֆիցի պատկերասրահ,
Տղամարդու դիմանկար, 1550-1555 թվականներ, Լոս Անջելես, Փոլ Գեթի թանգարանի,
Երիտասարդ տղամարդու դիմանկար, 1550 թվական, Հոնոլուլուի արվեստի ակադեմիա,
Երիտասարդ տղամարդու դիմանկար, 1548 թվական, Վիեննա, Լիխտենշտեյնի թանգարան,
Սուրբ Թովմասի անհավատությունը, 1543-1547 թվականներ, Փարիզ, Լուվր,
Բրուտուսը, Մյուցիո Սցեվոլան և Կամիլը, Ֆլորենցիա, Պալացցո Վեկկիո,
Մարիամի և Էլիզաբեթի հանդիպումը, 1538 թվական, Հռոմ, Սան Ջիովանի Դեկոլատո եկեղեցի։

Պատկերասրահ

Ողորմություն

Ծանոթագրություններ

↑ ^1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Cheney I. Dizionario Biografico degli Italiani (իտալ.) — 1991. — Vol. 39.
↑ ^3,0 ^3,1 https://www.museabrugge.be/collection/work/id/2014_GRO1705_III
↑ ^4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 RKDartists (նիդերլ.)
↑ ^5,0 ^5,1 ^5,2 Kunstindeks Danmark (դան.)
↑ ^6,0 ^6,1 ^6,2 Encyclopædia Britannica
↑ http://ta.sandrart.net/en/person/view/1974
↑ «Salviati». Saint Louis Art Museum. Արխիվացված է օրիգինալից 2007 թ․ մարտի 12-ին. Վերցված է 2018 թ․ օգոստոսի 14-ին.
↑ «Francesco Salviati». The J. Paul Getty Museum. J. Paul Getty Trust. Վերցված է 2018 թ․ օգոստոսի 14-ին.
↑ Krén, Emil; Marx, Daniel. «Portrait of a Gentleman». Web Gallery of Art. Արխիվացված օրիգինալից 2012 թ․ սեպտեմբերի 3-ին. Վերցված է 2018 թ․ օգոստոսի 14-ին.

Արտաքին հղումներ

Картины Франческо Сальвиати

Վիքիպահեստն ունի նյութեր, որոնք վերաբերում են «Ֆրանչեսկո Սալվիատի» հոդվածին։

[_7d936cf63d3c0bcd-1] 1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_8eec454158e487f4-2] 2,0 ^2,1 Cheney I. Dizionario Biografico degli Italiani (իտալ.) — 1991. — Vol. 39.

[_dfafa3ee1e52cd69-3] 3,0 ^3,1 https://www.museabrugge.be/collection/work/id/2014_GRO1705_III

[_eacd9315bb8389ff-4] 4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 RKDartists (նիդերլ.)

[_d52a71162115bcc5-5] 5,0 ^5,1 ^5,2 Kunstindeks Danmark (դան.)

[_6af5bdc27b659d5a-6] 6,0 ^6,1 ^6,2 Encyclopædia Britannica

[_3cdb9144b06247c9-7] ttp://ta.sandrart.net/en/person/view/1974

[8] «Salviati». Saint Louis Art Museum. Արխիվացված է օրիգինալից 2007 թ․ մարտի 12-ին. Վերցված է 2018 թ․ օգոստոսի 14-ին.

[9] «Francesco Salviati». The J. Paul Getty Museum. J. Paul Getty Trust. Վերցված է 2018 թ․ օգոստոսի 14-ին.

[10] Krén, Emil; Marx, Daniel. «Portrait of a Gentleman». Web Gallery of Art. Արխիվացված օրիգինալից 2012 թ․ սեպտեմբերի 3-ին. Վերցված է 2018 թ․ օգոստոսի 14-ին.

[1]

[2]

[3]

[4]

[5]

[6]

[7]

[8]

[9]

[10]