ემილი ბლანტი

ემილი ბლანტი
ემილი ბლანტი 2013 წელს
დაბადების სახელი	ემილი ოლივია ლორა ბლანტი
დაბადების თარიღი	23 თებერვალი, 1983 (1983-02-23) ლონდონი, ინგლისი,  გაერთიანებული სამეფო
საქმიანობა	მსახიობი
აქტიური	1989 — დღემდე

ემილი ოლივია ლორა ბლანტი (ინგლ. Emily Olivia Laura Blunt; დ. 23 თებერვალი, 1983) — ოქროს გლობუსის მფლობელი ინგლისელი მსახიობი, განსაკუთრებით ცნობილია თავისი როლებით ფილმებში „ჩემი სიყვარულის ზაფხული“ და „ეშმაკი ატარებს პრადას“. მან მოიპოვა ოქროს გლობუსი, როგორც საუკეთესო მეორეხარისხოვანი როლის შემსრულებელმა ქალმა მსახიობმა, BBC-ის ტელე-ფილმისათვის „გიდეონის ქალიშვილი“ და ამავე დაჯილდოების ცერემონიალზე იყო ნომინირებული ფილმისათვის „ეშმაკი ატარებს პრადას“.

ბიოგრაფია

ემილი ბლანტი არის როჰამპტონიდან (ლონდონი, ინგლისი). ის ერთ-ერთია ოთხი დედმამიშვილიდან, რომლებიც ადვოკატი მამისა და მასწავლებელი დედის ოჯახში დაიბადნენ. მისი ბიძა არის კრისპინ ბლანტი, კონსერვატორი, პარლამენტის წევრი. 16 წლის ასაკში ბლანტმა ჩააბარა ექვსწლიან კოლეჯში — ჰარტვუდ ჰაუსში, რომელიც ცნობილია თავისი ხელოვნებისათვის მზადების პროგრამებით. სწორედ ამ კოლეჯში მოხიბლა მან ერთ-ერთი აგენტი.

ემილი ცხოვრობს ლონდონსა და ვანკუვერში. ის თავის მეგობარ ბიჭთან, კანადელ მომღერალ მაიკლ ბუბლეისთან ერთად ცხოვრობს, რომელსაც ის პირველად მელბურნში, ავსტრალიის სატელევიზიო დაჯილდოებაზე შეხვდა 2005 წელს. როცა ისინი შეხვდნენ მაიკლს ბლანტი სატელევიზიო პროდიუსერი ეგონა. მოგვიანებით ემილიმ ბეკ-ვოკალი ჩაწერა ბილი პოლის სიმღერის „Me and Mrs. Jones“-ის მაიკლისეული ქავერ-ვერსიისათვის, რომელიც შევიდა ალბომში სახელწოდებით „Call Me Irresponsible“.

ფილმოგრაფია

წელი		ქართულად	მშობლიური სახელწოდება	როლი
2003	ს	ჰენრი VIII	Henry VIII	კათრინ ჰოვარდი
2004	ფ	ჩემი სიყვარულის ზაფხული	My Summer of Love	ტამსინი
2005	ტფ	გიდეონის ქალიშვილი	Gideon's Daughter	ნატაშა
2006	ფ	ეშმაკი ატარებს პრადას	The Devil Wears Prada	ემილი ჩარლტონი
2007	ფ	ჩარლი უილსონის ომი	Charlie Wilson's War	ჯეინ ლიდი
2009	ფ	ახალგაზრდა ვიქტორია	The Young Victoria	დედოფალი ვიქტორია
2011	ფ	რეგულირების ბიურო	The Adjustment Bureau	ელის სელასი
2011	ფ	მაპეტები	The Muppets	კამეო
2012	ფ	ორაგულზე თევზაობა იემენში	Salmon Fishing in the Yemen	ჰარიეტი
2013	ფ	არტურ ნიუმენი	Arthur Newman	შარლოტ ფიცჯერალდი
2014	ფ	ხვალინდელი დღის კიდეზე	Edge of Tomorrow	რიტა ვრატასკი
2014	ფ	ტყეში	Into the Woods	მცხობელის ცოლი

რესურსები ინტერნეტში

ვიკისაწყობში არის გვერდი თემაზე:

ემილი ბლანტი

• ემილი ბლანტი კინოფილმების ინტერნეტ-მონაცემთა ბაზაში
• მსახიობის ინტერვიუ ჟურნალ Empire-სთვის
• ემილი ბლანტის რუსული ფან-საიტი დაარქივებული 2019-03-26 საიტზე Wayback Machine.