კარმენ მარტინ გაიტე
| კარმენ მარტინ გაიტე | |
|---|---|
 | |
| დაბადების თარიღი | 8 დეკემბერი, 1925[1] [2] [3] [4] [5] [6] |
| დაბადების ადგილი | სევილია ან სალამანკა[7] |
| გარდაცვალების თარიღი | 22 ივლისი, 2000[3] [4] [5] (74 წლის) ან 23 ივლისი, 2000[8] (74 წლის) |
| გარდაცვალების ადგილი | მილანი ან მადრიდი[7] |
| საქმიანობა | მწერალი[9] , ჟურნალისტი, სცენარისტი, მთარგმნელი, ესეისტი, პოეტი, საბავშვო მწერალი, ლიტერატურული კრიტიკოსი[7] , television writer[7] , რომანისტი და ნოველისტი |
| მოქალაქეობა |
 ესპანეთი |
| ალმა-მატერი | სალამანკას უნივერსიტეტი |
| ჟანრი | პოეზია, დრამა და სცენარი |
| Magnum opus | Entre visillos, Q5824548?, Q5804600?, Q109313178?, Q130569443?, Q130569468? და Q130569479? |
| ჯილდოები | Café Gijón Award, ნადალის პრემია[9] , National Novel Prize[10] , ასტურიის პრინცის ლიტერატურული პრემია, Spanish Literature National Prize[11] და Q130553017? |
| მეუღლე | Rafael Sánchez Ferlosio |
| შვილ(ებ)ი | Marta Sánchez Martín |
კარმენ მარტინ გაიტე (დ. 8 დეკემბერი, 1925 – გ. 23 ივლისი, 2000 ) — ესპანელი ავტორი, რომელმაც დაწერა მრავალი რომანი, მოთხრობა, სცენარი და ესე სხვადასხვა ჟანრში. მას მიენიჭა ნადალის პრემია 1957 წელს Entre visillos, ასტურიის პრინცის ჯილდო 1988 წელს, ჯილდო Premio Castilla y León de las Letras 1992 წელს და Premio Acebo de Honor მისი ცხოვრებისეული მოღვაწეობისთვის.
ბიოგრაფია
[რედაქტირება | წყაროს რედაქტირება]კარმენ მარტინ გაიტე დაიბადა 1925 წლის 8 დეკემბერს სალამანკაში . ის იყო ხოსე მარტინ ლოპესის (ვალადოლიდი, 1885) და მარია გეიტ ველოსოს (ორენსე, 1894) მეორე ქალიშვილი, რომლებიც დაქორწინდნენ 1923 წელს. მისი მშობლები ერთმანეთს შეხვდნენ სალამანკაში, სადაც მისი მამა ნოტარიუსად მუშაობდა. მისი დედა და ბებია-ბაბუა ორენსიდან იყვნენ. მისი ბაბუა გეოგრაფიის პროფესორი იყო, ხოლო მისმა ბიძამ დააარსა ორენსეს ატენეო და იყო გაზეთ El Orensano- ს დირექტორი და გამომცემელი. ოჯახი ზაფხულს ბებია-ბაბუის ფერმაში ატარებდა სან-ლორენცო დე პინიორში ( ბარბადასი ), ორენსედან ხუთი კილომეტრის დაშორებით. ეს მოგზაურობები მწერალს საშუალებას აძლევდა, დაკავშირებოდა გალისიას და მის კულტურას. ამან ხელი შეუწყო ავტორს, დაწერა მისი ზოგიერთი ნამუშევარი, როგორიცაა Las ataduras და Retahílas . [12]
მარტინ გაიტე დაიბადა და გაიზარდა ქალაქ სალამანკაში . მამამისს, რომელსაც ლიბერალური იდეები ჰქონდა, არ სურდა, რომ ქალიშვილს რელიგიურ ინსტიტუტში ესწავლა, ამიტომ სკოლაში სწავლის ნაცვლად, მას სახლში კერძო მასწავლებლები და ისტორიითა და ლიტერატურით გატაცებული მამა ასწავლიდნენ.
ესპანეთის სამოქალაქო ომის დაწყებამ ხელი შეუშალა მარტინ გაიტეს და ვერ შეძლო, სწავლა დაესრულებინა მადრიდის სასკოლო ინსტიტუტის უმაღლეს სკოლაში მისი დისგან განსხვავებით, რომელმაც უფრო ადრე დაასრულა სასწავლებელი. ამრიგად, მას უნდა დაესრულებინა საშუალო განათლება სალამანკას ქალთა სასკოლო ინსტიტუტში, გარემო, რომელიც ასახულია მის რომანში, Entre visillos . იქ მას ასწავლიდნენ რაფაელ ლაპესა და სალვადორ ფერნანდეს რამირესი. ისინი გახდნენ Real Academia Española (ესპანეთის სამეფო აკადემიის) მომავალი წევრები და მათმა გავლენამ კვალი დატოვა მასზე და მის ლიტერატურულ პროფესიაზე.
1943 წელს სწავლობდა ფილოსოფიას სალამანკას უნივერსიტეტში, სადაც მას ასწავლიდნენ ფრანსისკო მალდონადო, ანტონიო ტოვარი, მანუელ გარსია კალვო და ალონსო ზამორა ვისენტე. პირველ წელს მან გაიცნო იგნასიო ალდეკოა და აგუსტინ გარსია კალვო . იმ წლებში მან წვლილი შეიტანა ჟურნალში Trabajos y días, სადაც გამოქვეყნდა მისი პირველი ლექსები. იგი ასევე დაინტერესდა თეატრით, მონაწილეობა მიიღო რამდენიმე სპექტაკლში, როგორც მსახიობმა. 1946 წლის ზაფხულში მას მიენიჭა გრანტი კოიმბრას უნივერსიტეტის მიერ, სადაც გაძლიერდა მისი ინტერესი პორტუგალიურ-გალისური კულტურის მიმართ.
1948 წლის ზაფხულში, რომანული ენების ხარისხის მიღების შემდეგ, [13] მას მიენიჭა სტიპენდია, რათა სწავლა გაეგრძელებინა საზღვარგარეთ, კანის საერთაშორისო კოლეჯში. იქ მან სრულყო ფრანგული ენა და გაეცნო უფრო ღია და კოსმოპოლიტურ საზოგადოებას. იმავე წელს, იგი გადავიდა მადრიდში, რათა მმიეღო დოქტორის ხარისხი. დისერტაცია დაიცვა XIII გალიციურ-პორტუგალიელი შანსონიერის შესახებ, რომელიც მან ვერ დაასრულა. მადრიდში, იგნასიო ალდეკოამ წაგაწევრიანებული იყო ზოგიერთი მწერალი, რომლებიც იყვნენ 50-იანი წლების თაობის ნაწილი. [14] ამ თაობის მნიშვნელოვანი წევრები იყვნენ: მედარდო ფრაილე, ალფონსო სასტრე, მაირატა ო'ვისედო, ხესუს ფერნანდეს სანტოსი, რაფაელ სანჩეს ფერლოსიო, ჟოზეფინა ალდეკოა და კარლოს ედმუნდო დე ორი .
გაიტე დაქორწინებული იყო თანამემამულე მწერალ რაფაელ სანჩეს ფერლოსიოზე .
სქოლიო
[რედაქტირება | წყაროს რედაქტირება]- ↑ Find a Grave — 1996.
- ↑ NooSFere — 1999.
- ↑ 3.0 3.1 ბროკჰაუზის ენციკლოპედია
- ↑ 4.0 4.1 Vegetti Catalog of Fantastic Literature
- ↑ 5.0 5.1 Gran Enciclopèdia Catalana — Grup Enciclopèdia, 1968.
- ↑ Diccionario biográfico español — Real Academia de la Historia, 2011.
- ↑ 7.0 7.1 7.2 7.3 Czech National Authority Database
- ↑ The Guardian — United Kingdom: GMG, 1821. — ed. size: 161152 — ISSN 0261-3077
- ↑ 9.0 9.1 Premio Nadal de Novela
- ↑ https://www.culturaydeporte.gob.es/cultura/libro/premios/listado-de-premios/premios-nacionales/literatura-narrativa/ultima-convocatoria.html
- ↑ https://www.culturaydeporte.gob.es/cultura/libro/premios/listado-de-premios/premios-nacionales/letras-espanolas/presentacion.html
- ↑ Pérez, Janet. NUBOSIDAD VARIABLE: CARMEN MARTÍN GAITE AND WOMEN'S WORDS. Texas Tech University.
- ↑ Eaude, Michael. (27 July 2000) Carmen Martín Gaite. ციტირების თარიღი: 13 October 2017.
- ↑ Carmen Martin Gaite – Spanish writer. ციტირების თარიღი: 2016-05-10.