Venus Melia
 |
 |
Venus Melia[1] est statua sub annum 100 a.C.n. confecta, ut putatur. Quae die 8 Aprilis anno 1820 ab agricola Georgio Centrotas in insula Melo prope theatrum Graecum dirutum reperta est. Qui, dum materiam aedificanti utilem conquirit, marmor expolitum et statuam invenit, quam Francogallis, qui forte adfuerunt, paucis nummis permisit. Statua in Franciam lata est, ubi Lutetiae in Museo Lupariensi visi potest. Una cum Laocoon cum filiis inter praecipua artis hellenisticae exempla numeratur.
Sculptura, marmore Pario (e lapicidinis insulae Pari oriundo) facta, pulchritudinem femineam repraesentat. Cum dea Aphrodite (apud Graecos antiquos) sive Venus (apud Romanos) formosissima celebraretur, statua ab ea nomen traxit. De auctore disputatur.
Notae
[recensere | fontem recensere]- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
Nexus externi
[recensere | fontem recensere]
|
Vicimedia Communia plura habent quae ad Venerem Meliam spectant. |
- De Venere Melia (Theodisce)