Oso osipital
| Oso osipital | |
|---|---|
 Loca de la oso osipital | |
 Anima de la oso osipital | |
| Detalias | |
| Articulas | La du osos parietal, la du osos tempales, la sphenoide, e la atlas |
| Identifiante | |
| Latina | os occipitale |
| MeSH | D009777 |
| TA98 | A02.1.04.001 |
| TA2 | 552 |
| FMA | 52735 |
| Termas anatomial | |
La oso osipital es un oso membranosa cranial e la oso xef de la osipito (la parte posterior e basa de la cranio). Lo es trapezio en forma e curva como un plato nonprofonda. La oso osipital covre la lobes osipital de la telensefalo. A la funda de la cranio en la oso osipital, on ave un abri oval grande nomida la forame grande, cual permete la pasa de la medula spinal.
Como la otra osos cranial, lo es clasida como un oso plata. Par causa de sua multe lias e cualias, la oso osipital es descriveda en termas de partes separada. De sua fronte a sua retro es la parte fundal, a la lados de la forame grande es la partes ladal, e la retro es nomida la parte scamosa. La parte fundal es un peso spesa, alga cuatroladal, ante la forame grande e dirijeda a la farinje. La parte scamosa es la lamina curva e estendeda pos la forame grande e es la parte la plu grande de la oso osipital.
Par causa de sua deriva embrial de mesoderma parasal (en loca de la cresta neuronal, de cual multe otra osos craniofasal es derivada), on ia sujesta ce "la oso osipital como un intera pote es regardada como un vertebra jigante grandida per suporta la serebro".