Четириаголник

Четириаголник е многуаголник кој има четири страни. Збирот на аглите во еден четириаголник секогаш измесува 360 степени. Разликуваме три вида на четириаголници:

Паралелограм, Трапез и Трапезоид

Паралелограмот има два пара паралелни страни. Во групата на парелограми спаѓаат : квадрат, правоаголник, ромб и ромбоид. Квадратот е паралелограм на кој сите страни и сите агли му се еднакви. Правоаголникот е паралелограм кој има два пара еднакви страни и четири прави агли. Ромбот има само четири еднакви страни, додека ромбоидот нема некои посебни карактеристик - тој е паралелограм кој не е ниту квадрат, нуту правоаголник, ниту ромб.

Трапезот има еден пар паралелни страни. Кај еден трапез разликуваме помала и поголема основа и краци. Постојат: правоаголен и рамнокрак трапез. Правоаголниот трапез има два прави агли, а рамнокракиот трапез се одликува со еднакви агли при подножјето на основите и еднакви по должина краци.

Трапезоидот е четириаголник кој нема ниту еден пар паралелни страни. Карактеристичен трапезоид е делтоидот. Делтоидот е трапезоид кој има два пара еднакви по должина соседни страни.