Продром (Ениџевардарско)
| Продром Πρόδρομος | |
|---|---|
 Црквата во селото Продром | |
  Продром | |
|
Местоположба во областа   Продром | |
| Координати: 41°02′N 22°12′E / 41.033° СГШ; 22.200° ИГД | |
| Земја | Грција |
| Област | Централна Македонија |
| Округ | Постол |
| Општина | Меглен |
| Општ. единица | Капињани |
| Надм. вис. | 240 м |
| Население (2021)[1] | |
| • Вкупно | 80 |
| Час. појас | EET (UTC+2) |
| • Лето (ЛСВ) | EEST (UTC+3) |
Продром (грчки: Πρόδρομος, Продромос) — село во Мегленско, Егејска Македонија, дел од денешната Општина Меглен, во Централна Македонија, Грција.
Географија и местоположба
[уреди | уреди извор]Селото се наоѓа на североисточните падини на планината Пајак, на надморска височина од 240 метри.[2]
Низ селото тече реката Мегленица, која наводнува добар дел од обработливите површини.[2]
Сместено е во областа Меглен, мала котлина помеѓу планините Кожуф на исток, Пајак на југоисток и Ниџе на северозапад, на околу 7 километри североисточно од селото Капињани.[3]
Историја
[уреди | уреди извор]Селото до 1924 година било населено исклучително со македонско население, кое во немирните години заради поголема семејна и имотна сигурност ја сменило верата и се исламизирало.[2]
Селото си го задржало христијанското име и по исламизацијата.[3]
Во 1924 година, муслиманското население од селото Продром, во согласност со Лозанскиот договор, принудено да се исели во Турција, а на негово место грчките власти населиле бегалски семејства од Источна Тракија.[2] Според пописот од 1928 година, селото било чисто бегалско со 53 бегалски семејства со вкупно 202 жители.[4]
За време на Граѓанската војна, во зимата 1947 година неговите жители принудно биле преселени од грчките монархистички власти во селата Фуштани и С’ботско, а по нормализирањето на ситуацијата, повеќето од нив не се вратиле во селото.[2]
Стопанство
[уреди | уреди извор]Продром е мошне богато село, кое произведува овошје, тутун, жито и други земјоделски производи.[2]
Население
[уреди | уреди извор]Според статистиката на Васил К’нчов („Македонија. Етнографија и статистика“) во 1900 година во Продром живееле 430 Македонци-муслимани.[2][5]
Во 1920 година, Продром е посочено со 71 муслиманска куќа.[2][6]
Селото во пописот од 1913 година било забележано со 375, а во 1920 година со 335 жители. По 1924 година се случила размена на населението, па така муслиманското население принудно било иселено во Турција, а на негово место биле доселени грчки бегалци од Источна Тракија. Според пописот од 1928 година, селото како чисто бегалско имало 202 жители, а во 1940 година 310 жители. Продром настрадало во Граѓанската војна, така што во зимата 1947 година неговите жители принудно биле преселени од грчките монархистички власти во селата Фуштани и С’ботско, а по нормализирањето на ситуацијата, повеќето од нив не се вратиле во селото. Во 1951 година било забелажано со 178 жители. Во 1961 година имало 205, во 1971 година 165, во 1981 година 127, а во 1991 година 157 жители.[2]
Во пописот спроведен во 2001 година, селото било попишано со 186 жители. Во најновиот спроведен попис од 2011 година во Грција, селото било забележано со 88 жители.
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 310 | 178 | 205 | 165 | 127 | 157 | 186 | 88 | 80 |
- Извор за 1940-1991 г.: Т. Симовски, Населените места во Егејска Македонија
Самоуправа и политика
[уреди | уреди извор]Селото припаѓа на општинската единица Капињани со седиште во истоименото село, која припаѓа на поголемата општина Меглен, во округот Постол. Воедно, селото е дел од општинскиот оддел Новоселци, во кој покрај селото Продром, влегува и селото Новоселци.
Наводи
[уреди | уреди извор]- ↑ „Попис на населението од 2021 г. Трајно население“. Државен завод за статистика на Грција.
- ↑ 2,0 2,1 2,2 2,3 2,4 2,5 2,6 2,7 2,8 Симовски, Тодор (1998). „Воденски округ“. Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 97.
- ↑ 3,0 3,1 „Ο Πρόδρομος“ (грчки). Δήμος Εξαπλατάνου. Посетено на 21 март 2016.
- ↑ „Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928“. Архивирано од изворникот 20 јуни 2012. Посетено на 20 јуни 2012.
- ↑ Васил К’нчов. Македонија. Етнографија и статистика, Софија, 1900, стр. 148.
- ↑ Милојевић, Боровоје. Јужна Македонија - Антропогеографска, Београд 1920. Цитирано по: Λιθοξόου, Δημήτρης. Πληθυσμός και οικισμοί της περιοχής Γιανιτσών 1886 – 1927 (διοικητικά όρια 1911) Архивирано на 27 март 2013 г.
Белешки
[уреди | уреди извор]- Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
| ||||||||||||||